رواية حياة الفصل الأول 1 - بقلم شهد فؤاد

يعني انت موافق على اللي أهلك قالولك عليه؟ آدم بزعل: يعني أعمل إيه يعني يا حياة؟ حياة وعلى وشك الدموع: لأ، بإيديك تعمل بس انت اللي مش عاوز. آدم باستغراب: وأنا هعمل كدا ليه؟ مالو أنا بإيدي أعمل، كنت عملت. حياة بدموع تمسحها بإيديها: عشان ربنا يوفقك في حياتك. سلام. آدم ويمسك إيد حياة: هتسبيني بالسهولة دي؟ حياة وفقدت السيطرة على نفسها: ابعد إيدك دي. عاوز أعمل إيه يعني؟ عاوزني أكمل مع واحد رايح يتجوز غيري؟ سوري، أنا مش من النوعية دي. أنا ولا هكون طرف تالت ولا هحرضك على أهلك لمجرد إني بكن لك شوية مشاعر. هيا خلصت لحد هنا يا ابن الناس. ربنا يسهل لك حالك. مع السلامة. *** حياة وراحت تقعد على البحر وهي منهارة من العياط. ليه يا رب كدا؟ ليه كل حاجة حلوة بتروح مني؟ في الأول ماما، وبعدها آدم. يا رب أنا مش قد الابتلاء ده. لحظة صمت تستوعب حياة اللي بتقوله. استغفر الله العظيم يارب وأتوب إليه. سامحني يارب. اللهم لا اعتراض. حياة بعدها بشوية حست بحد قاعد جنبها ومادد إيده بمنديل. حياة وباصة للي مادد إيده: انت مين؟