رواية حياة الفصل الحادي والعشرون 21 - بقلم شهد فؤاد

أياد بابتسامة وسرحان في عيونها: هو أنا قولتلك إني بحبك قبل كدا؟ حياة بابتسامة وكسوف: اممم. أياد ويقرب أكتر: طب أنا بحبك أكتر من الأول. حياة بكسوف: وتعبت عليها. إحنا خلصنا، يلا ننزل بقا. أياد بخبث وابتسامة: لي بس؟ دا لسه بدري. حياة بعصبية مصطنعة: اتلم يا أياد واتفضل انزل قدامي. أياد بضحك: مسير الملوخية تيجي تحت المخرطة. حياة بصتله بعصبية. أياد بضحك: خلاص، آسف آسف. حياة بضحك: طب انزل وحالا.

أياد بابتسامة: أمر وينفذ يا باشا. حياة بابتسامة: أيوا كدا. أياد ابتسم ونزلوا يروحوا. وكان حور وزياد روحوا كمان. تاني يوم في الصبح، نزلت رؤى واخدت شنطتها وراحت تركب الأتوبيس عشان متتأخرش، وهي بتدعي إن اللي يركب جنبها تكون بنت مش ولد. طلعت رؤى الأتوبيس ولقيت الكرسيين فاضيين، دخلت رؤى قعدت جنب الشباك واستنت مين اللي هييجي يركب جنبها. رؤى سرحت شوية وهي باصة من الشباك، لفت لقت واحد قعد جنبها. رؤى

ركزت فيه شوية وبصوت عالي: هو أنت؟ فارس وبصلها: هو أنتِ؟ صحت سما وعملت فطار ليها ولمروان، وبعد ما خلصت دخلت تخبط عليهم. مروان وقام من النوم ولبس وفتح لها الباب وبيبتسم لها: أيوا. سما بابتسامة: صباح الخير. مروان بابتسامة: أحلى صباح دا ولا إيه. سما بكسوف: تعال الفطار خلص. مروان بابتسامة وطلع معاها: تعبتي نفسك لي؟ أنا ماشي أصلا. سما بزعل طفيف: مفيش تعب، دي حاجة خفيفة وصاحبك جه.

مروان بابتسامة: تسلم إيديكي يا سمسم. آه ياسين وصل، هفطر وأروحله. سما بزعل: طب كنت خليك للغدا. مروان بابتسامة: تتعوض، هبقى أعزمك نتغدا برا. سما بزعل: طب كل حلو بقا. مروان وخلص أكله وقام: الحمد لله، تسلم إيديك يا سمسم. سما وتقف من مكانها: خلي بالك من نفسك. مروان بابتسامة: حاضر، وإنتي كمان. عاوزة حاجة؟ ولو عاوزتي أي حاجة في أي وقت كلميني على طول. سما بابتسامة: حاضر.

مروان ويفتح باب الشقة: باي، ومتزعليش ها. وقفل الباب وراه. سما بتوتر: عرف منين إني زعلانة؟ احيههه. في الأتوبيس. رؤى بصوت عالي: دا أنت شخص بجح صح! إيه اللي جابك هنا يجدع؟ فارس وصوته مضايقه: أولا صوتك يوطى عشان الناس، ثانيا أنا ماشي وراكي يعني يبتاعة انتي، أنا مسافر زي الناس ما مسافرة. رؤى ووطت صوتها: طب ابعد كدا، ويا ريت متتكلمش معايا لغاية لما نوصل. فارس ببرود: دا على أساس إني هموت وأكلمك يعني، فيقي يبت انتي.

رؤى بصتله بقرف وبصت ناحية الشباك. فارس في سره: عيلة مستفزة بس جامدة. صحى زياد وكان مبسوط لأول مرة بالمنظر ده. لبس زياد ونزل عشان يفطر ويكلم جدو في موضوعه هو وحور. زياد ونازل على السلم قابل نور في وشه. نور بغمزة: شكل الغزالة رايقة. زياد بابتسامة: أووي يا نور. نور بابتسامة: احكيلي، دا أنا حتى أختك. زياد بابتسامة: هتعرفي دلوقتي يا قلب أخوكي. نور بابتسامة وفرحة: اوعا يكون اللي في بالي يا زياد.

زياد بابتسامة وغمزة: ممكن، ادينا هنعرف. حياة صحيت من النوم ورنت على رؤى، وأخيرا ردت. حياة: إيه يا بنتي فينك من امبارح؟ خضتيني عليكي. رؤى: ــــــــــــــــــــــــــــــــــــــــــــــــــــــــــ حياة: قلقتيني عليكي. رؤى: ــــــــــــــــــــــــــــــــــــــــــــــــــــــــــ حياة بابتسامة: هستناكي تيجي بالسلامة. ابقي كلميني لما تقربي عشان أجيلك، أوك؟

رؤى: ــــــــــــــــــــــــــــــــــــــــــــــــــــــــــ حياة: يالا باي. رؤى: ـــــــــ عند رؤى لقت فونها رن وكانت حياة ردت عليها. حياة: ــــــــــــــــــــــــــــــــــــــــــــــــــــــــــ رؤى: ممكن تهدي، أنا دلوقتي في الأتوبيس وجاية، وامبارح كان الفون بيشحن. حياة: ــــــــــــــــــــــــــــــــــــــــــــــــــــــــــ رؤى بابتسامة: أنا كويسة والله، متقلقيش بقا. مسافة السكة وهكون عندك.

حياة: ــــــــــــــــــــــــــــــــــــــــــــــــــــــــــ ــــــــــــــــــــــــــــــــــ رؤى: حاضر. حياة: ــــــــــــــــــــــــــــــــ رؤى: باي. فارس بشكل فيها: متوطي صوتك وإنتي بتتكلمي. رؤى بعصبية: يا أخ! وإنت مالك بيا؟ أنا بتكلم في ودنك، ملكش دعوة، ياريت تخليك في حالك. فارس بابتسامة: شكلك عسل وإنتي متعصبة. رؤى بكسوف وتفاجئ بصتله ولفت للشباك تاني. كل العيلة متجمعة وبتفطر. زياد

ويسيب الشوكة من إيديه: جدي، أنا عاوزك في موضوع. الجد بابتسامة: ناوي تتجوز ولا إيه؟ زياد بحرج: دا عرفت منين؟ الجد بضحك: بتتكلم بجد يا زياد؟ أنا كنت بهزر. زياد بابتسامة: بس أنا مش بهزر يجدي، ونويت. الجد بابتسامة: مين سعيدة الحظ دي؟ زياد بابتسامة ويبص لحور: حور يجدي. الكل بص لحور. حور بحرج وبصت في طبقها: اللي تشوفه يا بابا. الجد بابتسامة: إيه رأيك يا سليم إنت وأياد؟

أياد بابتسامة ويبص لحياة: مش قولتلك مش هيسبونا نفرح لوحدنا. حياة ابتسمت: شكلها كدا. سليم بابتسامة: أنا معنديش مانع، الأهم رأي حور. إيه رأيك يا حبيبتي؟ حور بكسوف من الموقف اللي حطها فيه زياد: اللي تشوفه يا بابا. سليم بابتسامة: على خيره الله. أياد بابتسامة: مبروك يا حلوين. نور بفرحة: هو دا الكلام يا زيزو. زياد ابتسم وغمز لحور. جنى والباقي بركولهم. زياد بابتسامة: جدو، أنا عاوز فرحي مع أياد وحياة.

الجد بتفاجئ: هتلحقوا تخلصوا حاجتكم؟ زياد بابتسامة: وحتى لو ملحقناش نكمل في بيتنا إن شاء الله. الجد بابتسامة: وأنا موافق. وإنت أياد تمانع؟ أياد بابتسامة: لا طبعاً، أنا مرحب بالفكرة أوي. الجد بابتسامة: طب كويس. اجهزوا بقا عشان خلاص الفرح بعد بكرة. الكل: حاضر يجدي. أياد واخد حياة وطلعوا بر الفيلا. أياد: لو مش حابة حوار الفرح بتاعنا وبتاعهم، خلاص عادي، نخلينا إحنا وهما بعدنا.

حياة بابتسامة: لا طبعاً يا أياد، أنا زيك بالظبط مرحبة بالفكرة. أياد بابتسامة ويبوس إيديها: ربنا يخليكي ليا. حياة بابتسامة: ويخليك. يالا بقا عشان منتأخرش. أياد بابتسامة: من عيوني. وصل الأتوبيس القاهرة ورنت رؤى على حياة وقالتلها إنها وصلت. حياة وأياد وصلوا المكان واستنوا صاحبة رؤى. نزلت رؤى من الأتوبيس وأخدت شنطتها وشافت حياة راحت ناحيتها. لقت الولد اللي كان قاعد جنبها ماشي وراها. رؤى بعصبية وجابت آخرها وبصتله: هو أنت!

إيه! أنا سكتالك من الصبح. حياة وأياد قلقوا وراحوا عندهم بسرعة. فارس بعصبية: إنتِ اللي إيه! أنا كلمتك يبنت الناس. رؤى بعصبية: إيه اللي جايبك ورايا؟ فارس بابتسامة سخرية: وأيجي وراكي لي يبتاعة انتي؟ أنا جاي لصاحبي أياد. أياد وحياة وفهموا اللي بيحصل وبضحك: ممكن تهدوا شوية وأنا هفهمكم.