رواية حياة الفصل السابع 7 - بقلم شهد فؤاد

عند إياد في الشركة. إياد يمسك هاتفه بعد أن وجد الرقم المطلوب، يرن عليها. إياد: عاوزة إيه؟ المجهول: ـــــــــــــــــــــــــــــــــــــــــــــــــ إياد ببرود: هو انتي جبلة مش بتحسي؟ قولت مش عاوزك، انتي مبتفهميش. المجهول: ـــــــــــــــــــــــــــــــــــــــــــــــــ إياد بعصبية: يوههه، أنا هقفل من ناقص قرف على المسا.

إياد قفل في وشها. قام إياد بعصبية يلف في المكتب ويشرب سيجارته. جاء في باله كلام حياة معه على السجاير ووعده لها. ابتسم وأطفأ السيجارة. إياد رجع كمل شغله لوقت متأخر. *** في الفيلا. طلعت حور وحياة يجيبوا جدهم من أوضته. خبطوا ودخلوا الأوضة. الجد: حبايب قلبي، تعالوا. حور وحياة: وراحوا يحضنوا جدهم. حور وحياة: حمد الله على سلامتك يا جدو. الجد بابتسامة: الله يسلمكم يا حبايبي. حور: يلا عشان الغدا يا جدو. الجد: يلا، الشباب جم.

حور: لأ. الجد باستغراب: ولا إياد؟ حور: لأ. الجد باستغراب: غريبة، طب يلا. *** نزلوا تحت لقوا الشباب جم ما عدا إياد. حمزة ويقرب من حور: مين الجامدة دي؟ حور وتضرب حمزة في كتفه: اتلم، دي حياة بنت عمك محمد. حمزة بتفاجئ: لقتوهم؟ حور بزعل: هيا بس، باباها مات. حمزة: لا إله إلا الله، ربنا يرحمه. حور: يارحمن. حمزة بغمزة: هروح أتعرف أنا بقى. حور: غور. *** حمزة وراح عند حياة: نتعرف على العسل. حياة بخضة: خضتني.

حمزة بضحك: اخس عليا والله. حياة بابتسامة: أنا حياة. حمزة بابتسامة: أحلى حياة دي ولا إيه؟ وأنا حمزة ابن عمك إيهاب. حياة بابتسامة: اتشرفت بيك. حمزة: أنا أكتر. جيه عليهم زياد: كدا تضايق ضيفتنا من أول يوم. حمزة بص له: وانت مالك يا عم، أنا ضايقتك؟ حياة وتضحك عليهم: لأ. حمزة: شوفت، أهيه قالت. زياد ويبص لحياة: أعرفك بيا، أنا زياد أخو الرخم ده. حياة بابتسامة: اتشرفت بيك يا زياد. زياد بابتسامة: أنا أكتر.

الجدة: يلا يا ولاد الأكل. زياد: يلا، تعالوا. كله اتجمع على السفرة ما عدا إياد اللي لسه مجاش. الجد: هو إياد فين يا سليمان؟ سليمان وهو بياكل: في الشركة، كلمته قالي وراه شغل كتير. رزان بتريقة: مشغول يعني. الكل بص لها بصة نارية فسكتت. حياة بصت للي حصل باستغراب وكملت أكله. دخل عليهم واحد وهما بياكلوا. الجد: أخرت ليه يا مروان؟ مروان ويقعد على الكرسي: معلش، كنت في مشوار. الجد: حسك عينك يحصل كدا تاني.

مروان: ما إياد مش هنا، ولا أنا بسأل؟ إياد في الشركة يا أستاذ. مروان وهو بياكل: ماشي خلاص. الجد ويبص لمنال: ابقي علمي ابنك الاحترام شوية. منال بصت لمروان: حاضر يا بابا. مروان صوته الوحيد اللي طالع في السفرة: بس مين المزة دي؟ حياة: اتكسفت وبصت في طبقها. الجد بعصبية: احترم نفسك يا زفت. مروان بكل بجاحة: في إيه يا جدو، منت تعرفش يعني؟ الجد: لأ، متتنيلش، لما تكون محترم ابقى اتعرف. مروان: ماشي يا جدو.

خلصوا أكل وكل واحد طلع أوضته يريح شوية. *** حياة منامتش وعمالة تشوف الساعة، الوقت كان متأخر جداً وإياد لسه مروحش. حياة: يعني لو مش كان معايا رقمه كنت شوفته فين؟ حياة واقفة في البلكونة ومستنية تشوف عربيته. بعد شوية لقت حياة عربية إياد دخلت الفيلا ركنها. وهيا دخلت وقالت شوية وتطلع البلكونة تاني يمكن يقف. طلعت حياة البلكونة تاني: لقت إياد واقف وسرحان. حياة: احمم، انت كويس؟ إياد وبصلها وابتسم: أه كويس، وانتي؟

حياة: الحمد لله، أمال أخرت ليه كل دا، وما جتش على الغدا؟ إياد بابتسامة: حيلك حيلك يا ستي، أولاً كان عندي شغل كتير كدا وقولت والله ما أمشي غير لما أخلصه. حياة: بس حرام كدا، بتتعب نفسك. إياد بابتسامة: متشليش هم. حياة: بصت له وسكتت. إياد: جاهزة لبكرة؟ حياة وتضرب على جبينها: أوهه، نسيت خالص. إياد: كويس، اديني فكرتك. حياة: بس أنا مقولتش ولا جدو ولا تيتا.

إياد بابتسامة يطمنها: متقلقيش، أنا قولت لجدو وبكرة هنشوفه على الفطار، ابقي قوليلو تاني. حياة بابتسامة: شكراً جداً. إياد بابتسامة: يوهه، رجعنا تاني لـ "شكراً" دي. حياة بضحك: أنا مش هبطلها، خلي بالك. إياد بابتسامة: ماهو باين. إياد: يالا روحي نامي، تصبحي على خير. حياة: وانت من أهله. *** دخلت حياة وهيا مبسوطة إنها هتروح تشتغل. حياة حطت راسها على المخدة وراحت علطول في النوم. *** عند إياد.

دخل إياد من البلكونة وهو مبسوط ومزاجه بقى أروق بكتير. إياد في سره: انتي كنتي فين بس؟ وحط راسه على السرير وراح في النوم. *** عند مروان ودخل أوضته. مروان: يابت يا رزان، هيا مين الموزة الجامدة اللي كانت تحت دي؟ رزان بغيرة: على فكرة مش موزة ولا حاجة. مروان: اتنيلي، منتيش فاهمة. مين دي؟ أنجزى. رزان بتريقة: حياة بنت عمك محمد. مروان بابتسامة: كمان اسمها حلو زيه. رزان: على فكرة انت أوفر.

مروان وهو طالع من أوضتها: أنا اللي أوفر برضه. مروان بعد ما طلع وفي سره: دخلتي دماغي يا حياة خلاص. *** تاني يوم. تصحى حياة على صوت المنبه عشان تجهز قبل معاد الفطار. حياة خلصت وهيا نازلة على السلم لقت مروان بينادي عليها. مروان ويمد إيده يسلم: مروان. حياة بكسوف: مش بسلم، أسفة، وأنا حياة. مروان ويشيل إيده بكسوف: اسمك حلو يا حياة. حياة بكسوف: شكراً. مروان: تعالي، يسع عشان ننزل عشان الفطار.

حياة ومش حابة تصرفاته نزلت وبعدت عنه بمسافة. الجدة: تعالوا يا ولاد عشان تفطروا. إياد كان قاعد على كرسيه وشاف حياة ومروان وهما جاين مع بعض. حياة بابتسامة: صباح الخير يا تيتا. الجدة: صباح النور يا حبيبة تيتا. حياة ولقت الجد نزل وقعد على كرسيه: صباح الخير يا جدو. الجد: صباح النور يا حبيبة جدو. حياة بصت لإياد وقعدت جنبه: صباح الخير. إياد: صباح النور. والباقي نزل وفطروا كلهم. إياد ويقوم من مكانه: يلا يا حياة.

الكل بص لهم باستغراب. الجد: إيه رايحين فين؟ متكملوا أكلكم. إياد: لأ الحمد لله شبعنا. إياد ويبص لحياة: شبعتي ولا تحبي تكملي أكلك؟ حياة: لأ الحمد لله شبعت. إياد: هنروح إحنا على الشركة، عاوزين حاجة؟ الجد: لأ شكراً، خلي بالك منها. إياد ويبص لحياة: في عيني، متخافش. رزان وتقوم بكل عصبية: ……………………