رواية حياة الفصل السادس 6 - بقلم شهد فؤاد

اقعدي يحياة جمب اياد. حياة بكسوف: وتقعد جمبه وتبدأ تفطر. تلاقي حد من وراها بيقولها: انتي يبت انتي متعرفيش ان دا مكاني؟ حياة تبصلها وتقوم: أنا آسفة، تيتا اللي قالتلي أقعد هنا. البنت: اديكي عرفتي، ابعدي بقا كدا عشان أقعد. حياة ولسا هتبعد قام أياد. أياد بكل برود: أولاً كدا اقعدي كملي فطارك يا حياة. وثانياً بقا يا رزان دا مش مكانك، قبل كدا قولتلك متقعديش جمبي تاني، ولا انتي بتحبي تكسفي نفسك كل شوية.

وكمان حياة طول عمرها هتقعد جمبي، تمام؟ روحي يالا شوفيلي حتة تقعدي فيها. رزان وكانت بتشيط: مشيت من غير ولا كلمة. تقعد جمب أي حد. قعد أياد وبص لحياة وصوته عالي نسبياً: كملي أكلك، ودا مكانك من هنا ورايح. ماشية. حياة بكسوف: ماشية. الكل معلقش على كلام أياد وكملوا أكلهم في سكوت تام. خلصوا فطارهم. حياة: أنا هستأذن بالهنا والشفا ليكم. تيتا: كملي أكلك يا حياة. حياة: الحمدلله يا تيتا شبعت، هطلع أطمن على جدو.

تيتا: ماشي يا حبيبتي. أياد ويقوم هو كمان: استنيني، طالع معاكي. طلعت حياة وأياد في أوضة الجد نصار. الجد وساند على ضهر السرير وقدامه الممرضة بتاكله. أياد بابتسامة: ازيك يا جدو عامل إيه دلوقتي؟ الجد بابتسامة حزينة: الحمدلله أحسن. أياد: طب الحمدلله، جدو حياة عايزة تطمن عليك. الجد بلهفة: خليها تيجي. أياد وينادي حياة: تعالي يا حياة. أياد: هستأذن أنا، لما تخلصي انزلي في الجنينة هستناكي.

حياة ودخلت لجدها: ازيك يا جدو عامل إيه؟ الجد بابتسامة ويشاورلها تقرب منه: تعالي يا حبيبتي، أنا الحمدلله بخير. حياة وتقرب من جدها وتحضنه: أنا آسفة على اللي حصلك يا جدو، مكنتش أعرف إنك ممكن يحصل لحضرتك حاجة. الجد: انتي ملكيش ذنب يا حبيبتي، أنا بس اتصدمت إن أبوكي مات وهو مش مسامحني. حياة: متقولش كدا يا جدو، بابا هو أصلاً اللي أصر عليا أجي عشان حضرتك تسامحه، هو طول عمره مسامح حضرتك.

الجد بدموع: لو كان مسامحني مش كان يجي على الأقل يسأل علينا. حياة هيا كمان بدموع: يا جدو بابا تعب كتير معانا، مكنش بيسبني خالص وكان دايماً معايا ومشغول في تربيتي ومع ماما قبل ما تموت في مرضها، جدو بابا مر بحاجات كتير لوحده، كتر خيرة إنه اتحمل كل دا لوحده. الجد بدموع: أي أمك ماتت؟ حياة: آه بعد ولادتي بسنتين. الجد: ياااه، دا أبوكي شال لوحده كتير أوي.

حياة: أيوا يا جدو، المهم إنك مسامحه وهو كمان مسامحك، أنا كدا عملت مهمتي على خير. الجد: أيوا يا بنتي طبعاً مسامحة، أومال أسامح مين لو مسامحتش ابني. حياة: عندك حق يا جدو، هسيبك تستريح شوية، معلش طولت عليك. الجد: ولا يهمك يا حبيبتي، إن شاء الله بكرة وهنزل أقعد معاكي. حياة: إن شاء الله يا جدو، عن إذنك. الجد: إذنك معاكي يا بنتي. حياة ونازلة على السلم تصادف رزان وبنت معاها. رزان

وتوقف حياة وتمسك إيديها: موقف انهارده دا مش هعديهولك، ماشي يا قطة. حياة وتبعد إيديها: ابعدي إيدك دي عني، وأنا مش بتتهدد، ماشي يا عسل. وسابتها ونزلت. رزان بصوت عالي: يا بنت ال***. نور: أحسن أهيه ردت عليك. رزان بعصبية: اسكتي خالص يا نور، اسكتي. أنا هوريه. نور: انتي مش هتتهدي، البنت يتيمة وغلبانة، حرام عليكي، اتقي ربنا. رزان: مليكيش دعوة وابعدي عن وشي دلوقتي. نزلت حياة وماسكة إيديها مكان مسكة رزان ليها.

حياة في سرها: شكلك مش هتجيبيها لبر يا رزان. حياة وطلعت في الجنينة: في حاجة ولا إيه؟ أياد: آه، عاوز أتكلم معاكي في كام حاجة كدا. حياة ولسا ماسكة إيدها أثر المسكة: اتفضل. أياد ولاحظ مسكتها لإيدها: إيه مالها إيدك؟ حياة بتهرب: ها، مفيش حاجة. أياد ولاحظ تهربها من السؤال: حياة، أنا لما أسألك تردي عليا. حياة: أوووف بقى، طيب يا سيدي، رزان قابلتي على السلم و... أياد واتعصب: وإنتي سكتي على اللي هي عملته؟

حياة: لا، بعد كدا أنا هقفلها لو ضايقتني تاني، وكمان هي بتعمل كدا ليه؟ أنا عملتلها إيه؟ ها؟ أياد بتهرب من سؤالها: مش عارف، بس هي بتحب تشاكل في أي حد. حياة: لا، أنا حاسة إن في حاجة تانية، عموماً مصيري هعرفها. أياد: المهم خلينا في اللي عاوزك فيه. حياة: قول. أياد: دلوقتي إنتي متخرجة ولا لسا بتدرسي ولا إيه الدنيا؟ حياة: أنا متخرجة من بيزنس. أياد: اممم، حلو، طيب اشتغلتي؟ حياة: لا، لسا متخرجة السنة دي.

أياد: طيب خلاص، تعالي اشتغلي معايا. حياة باستغراب: معايا؟ أياد: آه، عندي في الشركة. حياة: هشتغل إيه يعني؟ أياد: في الأول هخليكي السكرتيرة بتاعتي وهدربك لمدة أسبوعين، بعدها هتمسكي شغلك تمام. حياة بابتسامة: بجد؟ أياد بابتسامة: آه بجد. حياة: خلاص موافقة. أياد: خلاص تمام، هروح أنا شغلي وبكرة هتيجي معايا. حياة: تمام، باي. أياد: باي. حياة طلعت أوضتها وقفت في البلكونة وعمالة تفكر إيه سبب معاملة رزان ليها.

قاطع تفكيرها تخبيط الباب. حياة: أيوا اتفضل. حياة: لقت مجموعة بنات يجي أربع أو خمس بنات زي القمر داخلين أوضتها، ومنهم البنت اللي كانت مع رزان بس رزان مش معاهم. حياة: اتفضلوا، تعالوا. البنات: إحنا حبينا نطلع نتعرف على البنوتة السكرة اللي نورت بيتنا ونتصاحب عليها. حياة بابتسامة: والله إنتوا اللي سكر، يشرفني طبعاً. البنات وبدأت كل واحدة تعرفها على نفسها: نور: أنا نور إيهاب بنت عمك إيهاب. سما: وأنا سما بنت عمتك إيمان.

حور: وأنا حور بنت عمك سليم، أخت أياد. جنى: وأنا جنى بنت عمتك منال. حياة بابتسامة: اتشرفت بيكم، أنا حياة بنت عمكم محمد الله يرحمه. الكل: ربنا يرحمه يا رب. حياة: يارب. بعد مدة تعارف وكلام وهزار قاطعهم تخبيط على الباب. حياة: أيوا. الخادمة: الغدا، الست هانم بتقولك. حياة: حاضر، نازلين. جنى: يلا بقا ننزل عشان هموت من الجوع. سما: دايماً همك على بطنك. جنى وتضربها بالمخدة: أيوا، وإنتي مالك.

حور وتبص لحياة: بصي، إحنا الكل متجمع تحت عمنا وعمتنا، والشباب طبعاً، حبيت أقولك قبل ما ننزل عشان متتخضيش. حياة بضحك: كويس إنك قولتيلي. نزلوا البنات كلهم. الجدة: تعالي يا حياة أعرفك. حياة وراحت عند جدتها: حاضر يا تيتا. الجدة وتشاور على واحدة: دي عمتك منال. حياة وراحت تسلم عليها: ازيك يا عمتو. العمة بفرحة وابتسامة: ماشاء الله، زي العسل. حياة بابتسامة: شكراً. الجدة وتشاور على واحدة تانية: ودي عمتك إيمان.

حياة وتروح تسلم: ازيك يا عمتو. إيمان بابتسامة: بسم الله ماشاء الله، إيه العسل ده كله يا حياة. حياة بابتسامة: شكراً. الجدة وتشاور على واحدة تالتة: ودي عمتك هنا. حياة وتروح تسلم: ازيك يا عمتو. هنا ببرود وجفاء: أهلاً. حياة استغربت ورجعت جنب تيتا. الجدة: وده عمك إيهاب، وده عمك، وده عمك سليم معروف. حياة وتروح تسلم: ازيك يا عمو. إيهاب بابتسامة ويحضن حياة: أهلاً بيكي يا حبيبتي، نورتي. حياة تبعد بكسوف: شكراً.

الجدة: ودول بنات عمامك وعماتك، والشباب هيوصلوا بعد شوية. حياة هزت رأسها وسكتت. حور وتقعد جمب حياة: إنتي كويسة؟ حياة: آه، كنت عايزة أسأل على حاجة. حور: قولي. حياة: هيا عمتو هنا تكون بنتها رزان؟ حور بضحك: الشبه باين زي الشمس. حياة بضحك: أوي. حور بضحك: أهيه الغرابة جت. حياة بصت على رزان وضحكت. رزان: إيه شايفني نكتة بتضحكوا عليها؟ حور ببرود: والله اللي على راسه بطحة. رزان بغيظ: ماشي يا حور.

عدى الوقت بسرعة وحياة مبسوطة بعيلتها الجديدة، باستثناء عمتها هنا وبنتها رزان اللي هيا مش فاهمة بيعملوها كدا ليه. الجدة: يلا، حد يطلع يجيب جدو من أوضته عشان الغدا. حور وتقف: أنا هطلع أنا وحياة يا تيتا. الجدة: ماشي، بسرعة بس. حور: حاضر. عند أياد في الشركة. أياد يسمك فونة بعد ما لقى اللي متتسمى بترن عليها. أياد ويرد عليها: عاوزة إيه؟ المجهول: ـــــــــــــــــــــــــــــــــــــــــــــ

أياد بكل برود: هو انتي جبلة مش بتحسي؟ قولت مش عاوزك، إنتي مبتفهميش. المجهول: ـــــــــــــــــــــــــــــــــــــــــــــــــــ