رواية حياة الفصل الثاني عشر 12 - بقلم شهد فؤاد

الجد: بس بشرط. اياد: اي هو. الجد: تتجوز حياة. حياة ونازلة من على السلم: ؟؟؟؟؟؟؟ حياة ونازلة من على السلم وبابتسامة: اي يجدو جايبلي عريس ولا ايه. اياد بصوت عالي ويبص لحياة: وانا موافق يجدو بس لازم ناخد رايها في الاول. الجد بابتسامة: ملكش دعوة انا هكلمها بس بعد ما تيجو من الشغل. حياة باستغراب: انا مش فاهمه حاجة. الجد ويمسك ايد حياة: لما تيجي من الشغل تعاليلي على طول عشان افهمك كل حاجة.

اياد ويقوم: يالا يحياة عشان منتاخرش. حياة: حاضر يجدو عن اذنك. عند حور وزياد. حور: يعني انت مصحيني في عز الصبح عشان تنزل تقابل صاحبتك يعم جتك القرف انت وهيا. زياد ويضرب كتفها: بس يبت انتي. حور: ناوية تاخر سيادتها. زياد: اسكتي اهيه جت. حور بصدمة: هو انت. زياد باستغراب: انتي تعرفو بعض. عند اياد وحياة. حياة: هو جدو جايبلي عريس. اياد بتوتر من ردة فعلها: بصي الاحسن انك تعرفي من جدو. حياة: طب هو مين.

اياد: حياة قولتلك لما نروح اوكي. حياة: اووف حاضر. حور بصدمة: هو انت. زياد باستغراب: انتو تعرفو بعض. حور بقرف منها: اه اعرفها. زياد بابتسامة: تعالي يمريم جمبي. مريم بخبث: ازيك يحور ليكي وحشة والله مكنتش اعرف انك قريبة زياد. حور وفاهمة خبث مريم: الحمدلله احسن منك بس غريبة علي اني كنت حاكية قبل كده قدامك. زياد بعدم فهم: متتكلمو تعرفو بعض منين. حور: كانت صاحبتي في الجامعة. مريم: اه زي ما قالت حور. زياد بابتسامة: طب كويس.

زياد ويمسك ايد مريم: اهي دي مريم اللي حكيتلك عنها. حور. حور بابتسامة خبث: اممم اتشرفت بيكي يمريم. مريم بابتسامة مصطنعة: وانا كمان. زياد ويمسك ايد مريم: ما قولتيش ليه انك تعرفي حور. حور وتبص على ايديهم وتقرص ايديها من تحت التربيزة. مريم وتحط ايديها على وشه: يروحي مكنتش اعرف ان حور دي قريبتك كنت افتكرت حور تانية. زياد بابتسامة: خلاص يعمري ولا يهمك. حور ومش قادرة

تستحمل اكتر من كده وتقوم: انا لازم امشي دلوقتي كويس اني شوفتك من تاني يمريم عن اذنك. زياد ويقوم وراها بس مريم بتمسك ايده: زيزو خليك معايا انا اديلي كتير مشفتكش. زياد يبتسم لها ويقعدوا يتكلموا سوا. حور تطلع بسرعة من الكافيه وهيا منهارة من العياط: اه يبنت الكلب بقا انا تعملي معايا كده اما أوريكي يمريم. في الفيلا. الجد: الكل يسمعني انا شرطت على اياد شرط وهو وافق. سليم: خير اي هو ده يبابا.

الجد: انا قولت لاياد لو حابب يمشي من البيت يتجوز حياة. الكل: بصدمة. اي بتقول ايه. ايرزان بصدمة وتقوم: اي الكلام ده يجدو وانا هونت عليك برضو ما انا حفيدة زي ما هي حفيدة لي كده يجدو وتجري على فوق. منال بصوت عالي: يبقا انت بتفضل بنت محمد على بنتي. الجد ويقوم

بعصبية يضرب هنا بالقلم: أنا شكلي معرفتش اربيكي كويس انتي طول ما انتي في بيتي تحترمي اللي في البيت وصوتك ده ميعلاش عليا سمعاني وتعلمي ولادك اللي متربوش الكلام ده يالا غوري من وشي. سليم ويسند باباه: اهدي يبابا معلش هيا متقصدش حاجة. الجد بصوت عالي: أنا مش باخد رايكو أنا بقولكو بس أنا قولت لصاحب الشأن ووافق وهسأل صاحبة الشأن وان شاء الله هتوافق انما انتو رايكو ميهمنيش تعالي ورايا يزينب (الجدة) زينب وتقوم وراه: حاضر.

حياة في الشركة وقاعدة بتخلص الورق اللي قدامها ومندمجة. لقت حد بينادي عليها. حياة وتبص تشوف مين تلقيه. حور وتروح البيت وتطلع على أوضة جني. جني: كنتي فين يبنتي من الصبح. حور وقعدت تعيط وتحكيلها كل حاجة. جني بصدمة: مريم بتهزر. حور بعياط: شوفتي يجني وانا اللي استأمنتها على سري وقولتلها اني بحبه شوفتي عملت ايه من ورايا. جني بعصبية: دي طلعت عيلة زبالة. جني: قولي لزياد يحور.

حور بضحكة سخرية: أقوله إيه يجني أقوله اني قولت لحبيبتك اني بحبك وهي لفت عليك عشان تاخدك مني ولا أقول إيه ونبي بس يجني سبيني في حالي. جني: طب وهتعملي ايه. حور بخبث: هلعيبها على المكشوف. عند حياة. حياة بصدمة: هو انت. آدم بابتسامة: وحشتيني قوي يحياة. في نفس اللحظة كان اياد طلع من المكتب وطالع يشوف حياة لقى واحد واقف معاها وبيقولها وحشتيني. اياد بعصبية: هو بيحصل ايه هنا. آدم: ده مين ده يحياة.

حياة ببرود: ملكش دعوة واتفضل من غير ما تطرد. اياد ويبص لحياة: مين ده يحياة. آدم ويمد ايده لاياد: خطيب حياة. حياة وبصوت عالي نسبيا: القديم. اياد: وميسلمش عليه خير عاوز ايه. آدم ويبعد ايده بخجل: عاوز حياة. اياد: ده عند امك. آدم ويبص لحياة: محتاج اتكلم معاكي يحياة. حياة وتبص لاياد: في ايه. آدم: هقولك بس على انفراد. حياة: اطلع وانا جايه وراك. آدم بابتسامة: ماشى. اياد ويمسك ايد حياة جامد: هتطلعي وراه فين.

حياة وتبص لايده: ابعد ايدك يا اياد. اياد بعصبية: لما تردي عليا الاول. حياة وتبعد ايديها جامد: هطلع اشوفه عاوز ايه. اياد: ولي اصلا وهو ايه اللي جابه. حياة وتبصله: هطلع اشوفه وهاجي أقولك وتسيبه وتمشي. عند حياة وآدم. حياة: عاوز ايه وايه اللي جابك الشركة دي. آدم ويقرب منها: أنا بشتغل هنا ولما شوفتك مقدرتش مجيش اتكلم معاكي. حياة باستغراب: بتشتغل هنا. آدم: اه اديلي كام شهر. حياة: اممم ماشي.

آدم: حياة تعرفي انك وحشتيني قوي تعالي نرجع يحياة عشان خاطري. اياد ويسمع كلام اياد من بره ويدخل بعصبية ويقرب من ادم ويضربه بوكس في وشه. حياة: بزعيق ابعد يا اياد. اياد بعصبية: ترجعلها إيه يا عيل يقذر فكر بس في الموضوع ده تاني وأنا هخرب بيت أهلك. حياة وتبعد اياد: اياد لو سمحت ابعد عنه عشان خاطري يا اياد. واخيرا يبعد اياد عنه: غور من هنا مشوفش وشك تاني في الشركة. اياد ويسحب

حياة ويدخل بيها المكتب: لو الكلب ده شافك في أي حتة حسك عينك تقفي تتكلمي معاه سمعاني. حياة باستغراب من اللي بيعمله: وانت مالك يا اياد. اياد بعصبية: يعني إيه أنا مالي لا مالي ونص واتفضلي لمي حاجتك عشان نروح. حياة وعنيها بدأت تدمع ولمت حاجتها. اياد: خلصتي. حياة ومردتش عليها. اياد بعصبية: بقولك خلصتي. حياة ورفعت وشها وكانت بتعيط: اها. اياد وبصلها: طب يالا. طلعوا وركبوا العربية. اياد

ويضرب بايده الدريكسيون: أنا اسف متزعليش مني. حياة وصوت عياطها عالي. اياد وبصلها: لو سمحت متعيطيش أنا اسف والله حقك عليا. اياد ومش لاقي رد منها: مسك ايديها جامد: أنا اسف بقولك أنا مقدرتش امسك نفسي من العصبية ولا إني أضربه سامحيني خلاص بقا آخر مرة والله. حياة وابتسمت. اياد بابتسامة: ضحكت يعني قلبها مال وخلاص الفرق بينا اتشال. حياة بهدوء: مكنش له داعي تضربه على فكرة هو معملش حاجة هو كان بيسألني.

اياد ويبصلها: اه وانتي بعدها تردي عليه وتقوليله وأنا موافقة نرجع عشان كنت أموتك فيها صح. حياة: المفروض تسيطر على نفسك شوية. اياد: وأنا اللي يقرب من حاجة تبعي أنسفه من على وش الأرض سمعاني. الجد بعد ما طلع الأوضة وطلعت وراه الجدة زينب. الجد ويقعد على سريره: مش اياد وحياة لايقين على بعض.

الجدة بابتسامة: الاتنين غالين عليا ويستاهلوا بعض وهيعوضوا بعض عن حاجات كتير وحشة حصلت في حياتهم واديك شايف اياد من أول ما جابها أول مرة وهو مش بيسبها. الجد بابتسامة: أنا كنت لازم أعمل كده قبل ما أموت أنا مش هطمن على حياة غير مع اياد ربنا يصلح حالهم يارب. الجدة: بعد الشر عليك متقولش كده يارب. وصل حياة واياد الفيلا. اياد بابتسامة: متنسيش تطلعي لجدو قبل ما تطلعي أوضتك.

حياة: أيوا صح فكرتني وجريت حياة عشان تعرف من جدها أي حوار العريس ده. حياة وبتخبط على باب أوضة جدها وتدخل: صاحي يجدو. الجد: اه تعالي. حياة وتقعد على طرف السرير: قولي بقا عريس مين اللي جايبهولي. الجد بابتسامة: أي رأيك في اياد يحياة. حياة بتفاجئ وفهمت الحوار: ماله اياد كويس. الجد بضحك: ما أنا عارف إنه كويس انتي أي رأيك فيه. حياة بكسوف: مش عارفة.

الجد: طيب بصي يبنتي عشان مش هضغط عليكي أنا الصبح كنت بكلم اياد على موضوع إنه عاوز يسيب البيت ويمشي وأنا وافقت بشرط إنه يتجوزك. حياة بتفاجئ: بس يجدو. الجد ويقاطعها: مبسش يحياة أنا أضمن لك اياد بعنيا بس برضه خدي وقتك في التفكير وقوليلي ردك واياد عمًا وافق وقالي إنه لازم يشوف رأيك أنا مش بجبرك يبنتي. حياة بكسوف: حاضر يجدو عن اذنك. الجد: اذنك معاكي. حياة وطالعة من أوضة جدها خبطت في حد. اياد بابتسامة: مش تحاسبي.

حياة وتبعد شوية: آسفة ماخدتش بالي. اياد ويبصلها بابتسامة: ولا يهمك يجميل جدو قالك اللي كان عاوزك فيه. حياة بكسوف: اها. اياد ويبتسم على وشها اللي أحمر: وانتي أي رأيك. حياة وتحاول تمشي: معرفش. اياد ويمسك ايديها ويقرب من ودنها: ؟؟؟؟؟؟؟