رواية حياة العاصم الفصل الخامس 5 - بقلم سلوى عوض

عاصم: أحاول أنام لي ساعتين بس، أنام كيف أنا؟ بدأ صوت شخير عوض يعلو أكثر من الأول. عاصم: ربنا يسامحك يا عم عوض، هطلع أنام وسط الزرع ياكش بس ملجاش تعبان ولا طريشه. خرج عاصم ليجلس وسط الزرع، غلبه النعاس، ومر الليل على الجميع. وفي الصباح، كان سامر يرتدي ملابس فخمة ليجد شوق قد أعدت له الإفطار. شوق: صباح الخير. سامر: صباح النور، أمال البت جمر فين؟ شوق: جوه مع جدتي.

سامر: طيب هدخل أصبح على جدتي وآخد الزفتة دي عشان نروح الجامعة. شوق: مش هتفطر؟ سامر: لا، هفطر مع صحابي. شوق: طب حتى شج ريجك بشوية حليب. سامر: هاتي يا ستي. شوق: بالهنا، مطرح ما يسري يمري، بس الله أكبر شكلك في الطقم الجديد ولا بتوه السيما. سامر: عشان خاطرك انتي بس، فوتي قدامي. قمر: اديني فايتة. وبعد ساعة، وصلوا إلى الجامعة. سامر: روحي على المحاضرة، أنا هقعد مع صحباتي. قمر: مش هتحضر المحاضرة؟ سامر: لا.

قمر: يا ابني الدكتور بتاع المادة دي صعب جوي، واللي مش بيحضر له بيشيله المادة. سامر: مالك انتي وصية عليا؟ قمر: انت حر. سامر: طب غوري. تركت قمر وذهب إلى أصدقائه. سامر: عاملين إيه يا فاشلين؟ بسنت: الله، إيه الطقم الجامد ده؟ سامر (بغرور) : شكراً. فادي: تلاقيها جايباه بالجسط. سامر: لا يا فالح، أنا بشتري حاجتي كاش، طب شوفوا الآيفون ده ولا العربية الجديدة. سليمان: منين لك هذا؟ ده انتوا ملاجئش تاكلوا. سامر (بغضب)

: انت ناسي أنا مين؟ أنا سامر عاصم، وعمي عامر أكبر راجل أعمال في البلد كلها. فادي: تشابه أسماء. سامر: مساكين. سليمان: يعني عاوز تفهمنا إن حياة عاصم، ملكة جمال البلد ولاعبة التنس المشهورة، تبقى بنت عمك شيماء؟ كداب طبعاً. سامر: أنا مش كداب. شيماء: طب بص على اختك الأول وشوف بتلبس إيه. سامر: هي جمر أختي كده، ملهاش في مرجعة البنات. سليمان: مجلتش، هتثبت لنا إزاي إن الليدي حياة تبقى بنت عمك؟ سامر: ثانية واحدة.

اتصل سامر على حياة ماسنجر، لكن حياة لم ترد عليه. فادي: يا عيني على الكسفة. سامر: أصلها عندها بطولة النهارده. سامر: اتكلم بقى، أديها بتتصل. سامر: إيه يا بنتي مردتيش ليه؟ حياة: سوري، مسمعتش الفون، المهم أخباركم إيه؟ وأخبار تيته إيه؟ سامر: بتسلم عليكي. حياة: سامر، عمي، أخو أبويا، أخباره إيه؟ سامر: تمام. حياة: على فكرة أنا كسبت البطولة، وشك حلو عليا يا ابن عمي. سامر: طول عمري يا بنتي. حياة: طب باي بقى عشان أغير هدومي.

سامر: قبل ما تقفلي، أخبار طنط نهال إيه؟ حياة: والله لسه تعبانة. سامر: هاتيها الصعيد عندنا وهتروح وهتبقى زي الفل. حياة: طب اسأل تيته، لو وافقت إننا نيجي البلد أوعدك هجيبها وأجي على طول. سامر: بس كده، من عنيا. حياة: أخبار قمر وشوق إيه؟ قول لقمر مليكيش بنت عم تسألي عليها، ده أنا حتى بعت لها أد على الفيس بوك مقبلتوش. سامر: هشدهالك من ودانها. أغلق سامر الهاتف مع حياة.

سامر: ها يا غجر، صدقتوا إنها بنت عمي ولا ليكم كلام تاني؟ بسنت (بحزن) : صدقنا. فادي: بغضب، وانتي زعلتي ليه يا بسنت؟ بسنت: هاه؟ له مافيش حاجة، عادي. سامر: عارفين البت مفيدة أبو النجا؟ شيماء: آه مالها ديه؟ من المتفوقين زي جمر خيتك. سامر: أهي البت دي بقى دايبة في هوايا، وكل يوم تيجي البيت عندنا، وأبص عليها ألاقيها بتبص عليا بهيام. بسنت: جيت سيرتها أهي جات أهي. مفيدة: بهيام، ازيك يا سامر؟ إيه الشياكة والجمال ده؟

سامر: خلصتوا المحاضرة؟ مفيدة: آه، وجمر قالت لي إني هروح معاكم في عربيتك. سامر: وماله، روحي معانا. بسنت: ينفع تاخدوني معاكم؟ مفيدة: طريقنا غير طريقك. فادي: طب أوصلك أنا، إحنا كده كده جيران، وناسكم عارفين إني بوصلك كل يوم. بسنت: أصلي عايزة أنقل المحاضرة من جمر. فادي: خلاص زي ما تحبي، عن إذنكم. تركهما فادي وذهب إلى قاعة المحاضرات، ليجد قمر تخرج من القاعة. فادي: آنسة قمر ممكن كلمة؟ قمر: خير؟

فادي: بعد إذنك يعني، كنت عايز منك كشكول المحاضرات. قمر: بطيبة، حاضر. فادي: وممكن لو سمحتي رقم تليفونك؟ قمر: ليه يعني؟ فادي: بصراحة أنا بشتغل عشان أصرف على خواتي وأمي ومبيبقاش عندي وقت أحضر المحاضرة، فكنت عايز رقم تليفونك عشان لو مفهمتش حاجة تشرحيهالي، وربنا يجازيكي عني خير. قمر: طب واشمعنى أنا يعني؟ ما زمايلنا كتير. فادي: بخبث، نفسي تحسي بيا. قمر: أفندم؟ فادي: يعني إيه أحس بيك؟

قمر: تحسي إني معجب بيك وبأدبك وأخلاقك، ونفسي تبادليني نفس الشعور. قمر: عن إذنك. فادي: هو يعني عشان أنا فقير وعلى قدي تعامليني المعاملة دي؟ كتر خيرك. قمر: بطيبة، كلنا فقرا وربنا هو الغني الوحيد. فادي: آه بس انتو بردو عيلة كبيرة، ده كفاية سامر أخوكي شايل آيفون وكمان جاب عربية جديدة، ولا بنت عمكم حياة عاصم. قمر: وانت تعرف حياة بنت عمي منين؟ فادي: بخبث، اللي يحب بيعرف كل حاجة عنه. قمر: خد كشكول المحاضرات أهو.

فادي: طب ورقم التليفون؟ قمر: هات أكتبهالك، بس مترنش عليا كتير، في حدود الزمالة وبس. فادي: بس أنا... قمر: لو سمحت إحنا زملاء وبس. فادي: حرام عليكي تكسري قلبي. قمر: للدرجة دي؟ فادي: وأكتر كمان. قمر: وإيه اللي عجبك فيا؟ ده حتى يعني كل البنات بيقولوا عليا عاملة زي الست العجوزة، حتى سامر أخويا دايماً يتريق عليا وعلى نظارتي، وبيقول عليا "أبلة نظيرة". فادي: والله ما عندي نظر، كل اللي بيقول عليكي عفشة غيران منكِ.

قمر: بكسوف، يعني انت شايفني حلوة؟ فادي: أحلى بنوتة في الدنيا كلها، طب ده أنا لو بإيدي كنت أخبيكي عن عيون الناس. قمر: ده انت مجامل جوي. فادي: دي حقيقة مش مجاملة. قمر: طب عن إذنك بقى. فادي: إذنك معاكي. تركته قمر وذهبت إلى أخيها. قمر: يلا يا سي سامر عشان نروحو. مفيدة: وأنا كمان هروح معاكم. بسنت: وأنا كمان جاية معاكم. شيماء: يا بتي انتي مش بتروحي كل يوم مع فادي في عربيته؟ لتسمع قمر شيماء وهي تقول أن سامر يملك سيارة.

قمر: بحزن، يلا يا سامر، مخي واجعني، عايزة أروح. سامر: ما هو من النظارة الفجر اللي انتي لابساها دي. قمر: طب يلا بينا. سامر: اركبوا يا بنات عربيتي الجديدة. سامر (بغرور) : انتي شايفة كده شوق؟ شوق: الصراحة يعني مش أنا بس، ده كل بنات البلد بيتجننوا عليك. عارفة البت مفيدة بت اخت الخالة سكينة مرت عم عوض؟ عشية جاتني وقعدت معايا وقعدت توصف وتتوصف في وسامتك، وتجوللي إنها عمرها ماشافت شاب في لبسك وشياكتك،

ولقتها اتنهدت كده وجالت: "آه لو يسعدني زماني ويكون سامر من بختي ونصيبي". دي حتى بتجوللي كل البنت في الجامعة هيتخبلو عليك، أصل هي معاك في الجامعة. سامر: عارفها، بت فجرية كده وعاملة زي الغفير، بس صح جالت عليا كل ده؟ شوق: آه والله جالت. سامر: طب لما تجيلي تاني جوليلها سامر قلبه مشغول بأجمل بت في الدنيا. شوق (بحزن) : مين دي؟ سامر: لو بصيتي في المراية هتلاقيها قدامك. فرحت شوق وشعرت بالكسوف.

سامر: طب خش بقى شوف جدتك أحسن تتأخر على الجامعة. سامر: اديني داخل اهو. دخل سامر غرفة جدته. سامر: صباح الخير يا كركر. كريمة: صباح الخير والسعادة عليك يا قمر. قمر: إيه مافيش صباح الخير ليا؟ سامر: يلا يا أختي عشان نروحو الجامعة، واعملي حسابك بكرة هاخدك انتي وشوج أجيب لكم ملابس بدل ما انتي عريانة وسط أصحابي. قمر: مش عايزة منك حاجة. سامر: أحسن بردك وفرتي يا أبلة نظيرة. كريمة: اللي يشوفكم ما يقولش عليكم توأم، بطلو مناجرة.

سامر: أجي ألاقيكم جاهزين يا جدة. قمر: ليه؟ سامر: وانتي مالك يا باردة، رايح أنا وجدتي مشوار. قمر: خليكي ماشية وراه يا جدة لما يبيعك خلجاتك. سامر: موتي بنارك يا سودة. كريمة: متزعلش خيتك يا سامر، خيتك حبيبتك. سامر: حاضر يا كركر، كل شوية متزعلش اختك، متزعلش أخوك، كان سامر ده هو اللي مزعل الدنيا كلها وهما ملايكة. قمر: أنا هروح أذاكر، انت ما فيش فايدة فيك. وهنا دخل عليهم عاصم.

عاصم: إيه كانكم صدقتوا إني مشيت وبقيت برا، اللي ما في حد فيكم سأل في؟ قمر: أنا اتصلت بيك مرتين وانت مردتش. عاصم: أنا بكلم جدتي وأخويا الوحيد. سامر: أنا كنت لسه هكلمك، بس جال لي شغل فكنت عايز أفرحك. خرج سامر مبلغ خمسة آلاف جنيه من محفظته. سامر: خد يا عاصم هات لك جلابيتين بدل ملابسك اللي قدمت عليك دي. عاصم: وجبتهم منين إنشاء الله؟

كريمة: أصل سامر اشتغل بيلبس ملابس في المحلات وبيصوروه بيها ويدلو الملابس وعليها فلوس كمان. سامر: أصل أنا اشتغلت موديل. عاصم: يعني إيه؟ سامر: معذور ما انت متعلمتش. قمر: انت لطخ ليه يا واد انت؟ قمر: متزعلش يا عاصم أصله ناقص تربية. سامر: يلا يا جدة هنتأخر. عاصم: وجدتك كمان هتشغلها معاك؟ سامر: أشغلها كيف يعني؟

جدتي حبيبتي وشها حلو عليا، وبعدين مد يدك خد الفلوس، خد يا راجل عشان متقعدش تقول ربيتك وضحيت واسطوانة الذل بتاعتك دي. عاصم: بكرة أرد لك كل اللي صرفته عليا على المركوب القديم. سامر: خلي لك فلوسك وكثر خيرك يا واد أمي وأبويا. كريمة: خلاص بقى يا عاصم متنكدش على خيك، إن مكانش هيجلع عليك هيجلع على مين. قمر: يعني عاجبك قلة أدبه دي؟ والله ماحد مخصره غيرك، جلعتيه جلع ماسخ. سامر: اخرسي يا جوجة بدل ما أمد يدي عليكي.

عاصم: الله أكبر عليكم، متضربوش بعض قدامي، إيه ما فيش احترام ولا تربية؟ سامر: اسمعوا بقى، من دلوقتي وجاي محدش فيكم يتكلم معايا نص كلمة. عاصم: ومن مته حد بيقدر عليك، أنا رايح الأرض يا جدة، وانتِ يا جمر اطلعي ذاكري ربنا ينجحك.