رواية حياة العاصم الفصل السابع عشر 17 - بقلم سلوى عوض

عاصم: راحت فين منيرة؟ ياتُرى الساعة كام دلوقتي؟ (بيبص في ساعته) عاصم: تمانية صباحاً! الله، راحت فين على الصبح كده؟ يمكن في الحمام. (بيخبط على باب الحمام ومفيش رد، بيفتح الباب ومش بيلاقيها) عاصم: أروح أشوفها عند قمر ولا شوق. (يخرج من الأوضة ويروح لغرفة قمر) عاصم: مشوفتيش منيرة؟ قمر: صباح الخير يا أخوي. عاصم: صباح النور، بس بسألك على منيرة. قمر: لا، مشوفتهاش. عاصم: يبقى راحت عند شوق.

قمر: شوق كانت نايمة يا جاري، وليه رايحة أوضتها حالاً؟ عاصم: طيب يمكن عند أبوها، أروح أشوفها. (بيروح أوضة والده يلاقيه نايم) عاصم: تكون راحت فين بس يا ربي؟ (ينزل المطبخ وميلقهاش، يسأل الخدم) عاصم: مشوفتوش منيرة؟ الخدم: لأ يا بيه، مشفناهاش خالص. عاصم: أرنّ عليها. (يتصل بيها وماتردش) عاصم: إيه القلق ده؟ راحت فين بس؟ آخر حاجة أدور عليها في المندرة. (بيروح المندرة يلاقيها قاعدة قدام اللاب توب، يتنهد تنهيده طويلة)

عاصم: إنتي بتعملي إيه هنا يا جِرْده؟ منيرة: تعالَ تعالَ شوف عملت إيه! عاصم: عملتي إيه يا أختي؟ منيرة: اتفجّيت مع مستورد على إنتاج المزرعة بتاعتنا، وهيشتري الإنتاج كله، وكمان هنعمل له مجزر عشان نبيع الطيور مجمّدة. عاصم: أعمل أنا إيه فيكي؟ ده أنا لفّيت البيت كله عليكي! حتى تلفونك رنّيت عليه مردّتيش. منيرة: أصلي عاملاه صامت. عاصم: آخر مرة تقومِي من جاري قبل ما أقوم، خضّيتيني عليكي. منيرة: جلجت عليّا يا بيضه؟ عاصم (بغضب)

: منيرة، مش وقت هزار دلوقتي! منيرة: خلاص، متزعلش. مش هقوم من جارك تاني غير لما إنت تصحى. منيرة: قولي بقى، أنا شاطرة ولا لأ؟ مش فرحان؟ عاصم: الخضّة اللي اتخضّيتها عليكي خلعت قلبي. منيرة: ألف سلامة على قلبك، خلاص بقى. عاصم: خلاص، بس قوليلي عرفتي المستورد ده منين؟

منيرة: ده واد خالتي مجدي، بقاله سنين مسافر ومتجوز برا، ومنصبه كبير، وهو اللي هيشتري مننا كل الإنتاج، وكمان هو اللي قالّي على فكرة المجزر. ما هو مش معقولة هنصدّر الطيور صاحية! (يضحك عاصم) عاصم: أنا متجوز مجنونة. منيرة: بس بقى، ده كمان هنعمل له حزام كبير ونربّي فيه مواشي، نكبّر تجارتنا. عاصم: طيب قومي عشان تفطري وتاخدي علاجك. منيرة: حاضر يا سي السيد. عاصم: طيب، فوتي قدامي يا أمينة. منيرة: اديني بفوت اهو.

(تدخل منيرة المطبخ وتأمر الخدم بإعداد الأكل) *** اما في فيلا عامر كانت حياة قد استيقظت من نومها. حياة: ايه ده انا مالي جسمي متكسر كده ليه؟ انا شكلي جالي برد، ده انا عاوزة اهرش ف مناخيري، بس مزاجي عال العال. اشوف عز فين واخد منه بودر عشان ابقي ف المود، هخرج اشوفه ف اوضته. لتخرج حياة وتذهب الي عز. حياة: بقولك ايه يا زيرو، عاوزة من البودر بتاع امبارح عشان ابقا ف المود. عز: بس كده؟ من عيوني، تعالي شدي لك سطرين.

حياة: هات هات. وبالفعل تشم حياة البودرة مرة اخري. عز: تعالي نفطر ونخرج. حياة: علي فين؟ احنا لسه الصبح. عز: عاملك مفاجأة. حياة: لاء قول. عز: طيب يا حبيبتي، هنطلع رحلة صيد. حياة: واو، اوك اروح اجهز. حياة: وهنرجع امته؟ عز: وقت ما تحبي، بس ليا عندك طلب. حياة: طلب ايه؟ عز: تكلمي ابوكي وتخليه يديني اجازة تلت ايام مدة الرحلة، وتقوليله اني انا مش عاوز اروح بس انتي مصرة أننا نروح سوا. حياة: بس كده؟ اوك.

حياة: اقولك، انته هتنزل علي اساس تفطر علشان تروح الشركة، وانا هنزل بعدك بشوية واتكلم مع بابي، وانته هترفض عشان الشغل، وقتها بابي هو اللي هيتحايل عليك. عز: يخربيت افكارك، انا نازل اهو. وبالفعل ينزل عز ليجلس علي السفرة ليتناول الافطار. عز: صباح الخير ياعمي. عامر: ايوه كده، برافو عليك، صاحي بدري علشان تروح شغلك. عز: كل يوم هروح الشغل بدري، اهم حاجة رضاك عليا. عامر: طول ما انته شايف شغلك، انا راضي عنك. وهنا تنزل حياة.

حياة: هاي بابي، هاي انطي. عامر: وكمان توتي صاحية بدري! نهلة: صباح الخير يا توتي. حياة: بابي، انا طالعة رحلة صيد مع اصحابي ف النادي. عامر: اوك، مدة الرحلة ديه كام يوم؟ حياة: 3. عامر: تلت ايام؟ حياة: اه، بس انا عاوزة عز يسافر معايا. عز: لاء طبعاً، انا عندي شغل مش فاضي. حياة: علشان خاطري. عز: قولتلك لاء، انا عندي شغل. لتمثل حياة الزعل. حياة: خلاص، مش رايحة ف اي مكان، انا طالعة اوضتي، يارب انام مصحاش ابدا. عامر: ليه كده؟

بعد الشر عليكي يا حبيبتي. حياة: ماهو عز مش راضي يروح معايا. عامر: علشان خاطري انا يا عز، روح معاها. عز: طاب وشغلي؟ لاء، انا اسف يا عمي، مش هينفع اروح معاها. عامر: معلش، روح معاها، مش هيجرا حاجة ف الشغل، ياله بقا متزعلنيش منك. عز: امرك يا عمي. نهلة: خلو بالكم من نفسكم يا اولاد. حياة: اطلع اطمن علي مامي. نهلة: نايمة يا قلبي. حياة: خلاص مش مشكلة، لما نرجع ابقا اقعد معاها. عامر: خلي بالك من حياة يا عز.

عز: من عيوني ياعمي، ديه حياة روح قلبي. *** اما سامر فها هو يصطحب جدته في طريقهم إلى المطار متجهين الي لبنان. كريمة: والله انا ما مصدجة نفسي اني مسافرة برا يخليك ليا يا سامر ياضي عيني هتخليني اشوف الدنيا. سامر: انتي لسه شوفتي حاجة وكمان النجمة اللي انتي بتحبيها عالية سليم مسافرة معانا وهتنزل معانا ف نفس الفندق وهتخرج معانا ونتفسح مع بعض. كريمة: بجد يا سامر ده انا بحبها جوي جوي.

سامر: بجد يا كركر كلها ساعة ونوصل المطار وتشوفيها وتقعدي معاها كمان ده غير انها هتوديكي مكان صحي كده وهترجعي شباب يا كركورة. كريمة: ضي عيني انته يا سمورة. سامر: وانتي كل حاجة ليا ف الدنيا. *** اما ف الصعيد فكانت قمر قد ذهبت الي الجامعة لتقابلها مفيدة. مفيدة: بت يا جمر اخبار سامر ايه. قمر: معرفش. مفيدة: يابت ده ليه تمثيلية حلوة جوي بتاجي كل يوم علي التلفزيون. قمر: وانا مالي. مفيدة: يا ابوي عليكي بومة.

وهنا نجد فادي يقف بجانبهم. فادي: انسة قمر ممكن كلمة علي جنب. قمر: خير جول عاوز ايه. فادي: طاب عن اذنك يا مفيدة. مفيدة: انا ماشية يا اخوي. فادي: لو سمحتي يا قمر انا عاوز اتكلم معاكي تعالي نقعدو ف الكافتيريا. قمر: مبقعدش انا ف كافتريات اللي عاوز تجوله جوله هنا واحنا واقفين. فادي: قمر انا حجيجي ومش عارف ازاي حبيبتي. قمر: بعد اذنك عندي محاضرة واياك توقفني تاني وتجولي الكلام ده. فادي: ارجوكي اديني فرصة.

قمر: لو وجفتني وكلمتني تاني هشتكيك للعميد بعد عني يا فادي. فادي: ليه كل ده. قمر: عشان انته مراعيتش حدود الزمالة عن اذنك. ليقف فادي متعجبا من رد فعل قمر. فادي: بس انا فعلا معجب بيها انا مشوفتش ف حياتي زيها علي العموم انا هفضل وراها لغيت مترضي عني. جمر لو ضاعت من يدي انا ممكن اتجنن فيها. *** اما في فيلا عامر بعد أن خرجت حياة ومعها عز نجد عامر يتحدث الي نهلة.

عامر: انا كده مبسوط اوي من عز أنه واخد باله من حياة وكمان قلبه علي شغله. نهلة: ده عز ابني روحه ف توتي وكمان اهم حاجة عنده شغله ورضاك عليه. عامر: انا رايح الشركة. نهلة: وانا هطلع اطمن علي نهال. عامر: ادي اجازة للخدامين النهاردة عشان نقعد براحتنا، عاوزك تدلعيني. نهلة: بس كده، من عيوني، هتيجي الساعة كام؟ عامر: بعد العصر. نهلة: هجهزلك جمبري واستاكوزا وسيمون فيميه. عامر: الليلة هتبقي فسفورية.

ليخرج عامر الي شركته، أما نهلة فها هيا تصعد الي جناح نهال لتضايقها. نهلة: انتي صاحية ولا نايمة؟ مش فارقة، صاحية زي نايمة، كده كده محدش معبرك، اصل توتي راحت رحلة صيد مع عز، وعامر هيسهر معايا النهارده...

إيه الريحة ده، متموتي بقا قرفتينا ف عيشتنا، بقولك ايه، شعرك ده لازم يتقص، لتضحك نهلة، هقصهولك علي الزيرو، ولو عامر ساءلني هقوله أصله فيه حشرات يا مشلولة، عارفة العلاج بتاعك كان ممكن يخلي حالتك تتحسن بس انا مش بديهولك، وياريتك حتى بتموتي جاتك القرف. لتبكي نهال. نهلة: بطلي نكد، هروح اجيبلك الممرضة تنضفك، واقولك احسن حاجة ولا تأكلي ولا تشربي عشان متقرفيناش. لتتركها نهلة وتذهب لتحضر الممرضة.

نهلة: هاتي مقص معاكي وانتي طالعة. الممرضة: حاضر يا ست الكل. نهلة: متطلعيش اكل ليها، كفاية كوباية زبادي ف اليوم، فاهمة؟ الممرضة: فاهمة حضرتك. نهلة: انتي كده شاطرة. (لتخرج من جيب بنطلونها مبلغ من المال) نهلة: خدي علشان بتسمعي كلامي. الممرضة: أنا تحت أمر حضرتك. نهلة: طاب ياله. *** أما سامر فها هو قد وصل الي لبنان. كريمة: الله، البلد ديه جميلة جوي. عالية: انتي لسه شوفتي حاجة يا تيته، ده هفسحك والففك البلد كلها.

سامر: بس نرتاح الاول. عالية: ترتاح من ايه يا سامر. سامر: طاب علي الأجل نروح الفندق نغيرو ملابسنا. عالية: فندق ايه، احنا هننزل ف فيلا جوزيف. كريمة: يا بتي مش عاوزين نضايقو حد. عالية: لاء يا تيته، مافيش حد ف الفيلا غير الخدامين بس. كريمة: طاب زين عشان نجعدو براحتنا. عالية: احنا بعد ما نخلص تصوير هنرتاح شوية وبعد كده نلف ف البلد. كريمة: سامر قالي انك هتوديني بكان يرجعوني فيه شباب. لتضحك عالية: اكيد طبعاً.