رواية حياة العاصم الفصل الثامن والعشرون 28 - بقلم سلوى عوض

نهله: طول عمرك شاطر وناصح طالع لأمك. عز: بس أنا مستغرب ليه طلبتي تشوفي باسبور الخواجة؟ نهله تضحك بغرور: علشان اتعودت طول عمري إني ما أثقش في حد على طول. عز: طب إزاي هتتجوزي مراد وأنتي كنتي متجوزة عامر؟ نهله: قصدك يعني حلال وحرام؟ لأ يا حبيبي عادي يعني جوازي من عامر هو اللي كان حلال، أصلاً مينفعش يجمع بين أختين، بس سيبك إنت، أهم حاجة الفلوس وبعد كده كله عادي.

عز: فعلاً إحنا كده خدنا كل فلوس عامر غير اللي هناخده من مراد غير موضوعي مع سهيلة، تعرف إني ناوي إني أخليها تنقل لي كل أخبار شغل الخواجة وأبيع المعلومات للمنافسين. نهله: هو ده ابني حبيبي. عز: تربيتك يا ناني. نهله: بس اللي هيجنني البت حياة خدت أمها وراحت فين؟ حاجة تقلق، بس أكيد في حد ساعدها، بس يا ترى مين اللي ساعدها؟ ماهي لو وراها حد كل اللي بنيته هيتهد، والغريبة إن تليفونها شغال برن عليها مش بترد.

وكانوا يتحدثون وهم غافلون عن وجيدة التي تراقبهم. وجيدة تدخل المطبخ وتتصل بمراد وتقول له كل ما سمعته. مراد: وبعدين بقى ديه كده؟ ممكن تلخبط لي كل تخطيطي. طب اقفلي إنتي يا وجيدة واستني مني تليفون. وجيدة: حاضر يا بيه. عاصم: فيه إيه يا عمي؟ شكلك المكالمة ديه زعلتك. مراد: يقص عليه كل ما قالته له وجيدة. عاصم: محلولة. مراد: إزاي بس؟ عاصم: دجيجة اعمل تليفون. يتصل عاصم على العم عوض. عوض: أخبارك إيه؟

أيوه يا عم من أحبابه نسي أصحابه. عاصم: بطل رغي، عاوزك في موضوع مهم. عوض: خير. عاصم: فاكر الخط القديم بتاع خالتي سكينة؟ عوض: آه فاكره، ماله ده؟ عاصم: عاوزك تركبه في عدة. عوض: ما أنا ركبته في العدة القديمة بتاعتها لما جبتلها عدة جديدة وخط جديد عليه نت. عاصم: هتحكيلي قصة أبو زيد؟ عوض: مش بقولك اللي حصل.

عاصم: المهم، أنا هديك نمرة تليفون، هتتصل بيها من الخط القديم وتكلمها، تقولها إنك قريب حياة من ناحية الأب، وجيت مصر خدتها من البيت هي وأمها. عوض: طب فهمني مين اللي أنا هكلمها؟ عاصم: يا ابوي عليك، لازم تقعد على الخبر… منيرة! هات التليفون ده يا عاصم. تأخذ منيرة الهاتف عنوة.

منيرة: اسمع يا عم عوض يا رغاي، إنت وفتح مخك معايا. عاصم هيبعتلك نمرة خالة حياة، واحدة ملعونة اسمها نهلة. هتتصل عليها وتقولها إنك ابن عم حياة، ولما عرفت إن عامر انتحر خطفت حياة وأمها العاجزة عشان تنتقم منهم. ولما تكلمها تقولها إنك مش عاوز حاجة من الأملاك والفلوس بتاعة عامر، إنت بس كنت عاوز تنتقم منه. بس هو غار جوم خطف مراته وبنته، وتقولها بالمرة كان عندكم حفلة في اليوم ده، وإنك لقيت حياة مدمنة بودرة، وإنك بتعذبها هي وأمها لحد ما يموتوا. بس!

وتقفل على كده. وعلى الله تغلط في حرف، جسمابالله أجي الصعيد وأقول لمراتك إنك كنت عاوز تتجوز سعدية بت عواد أبو الجديم. عوض: خلاص حاضر، ابعتوا النمرة. منيرة: اصبر! قول النمرة يا عمي.. اتملي يا عم عوض، وعلى الله تلخبط في حرف! أقولك خليني معاك على التليفون أسمع المكالمة. خلص يلا. طبعاً يحدث كل هذا وسط ذهول الجميع وبعد أن أخذ العم عوض رقم نهلة ها هو يسمي الله ويتصل على نهلة ليبلغها كل ما قالته له منيرة.

نهلة: خليهم عندك إن شاء الله تعمل عليهم ملوخية. (وتغلق الهاتف في وجه العم عوض) منيرة: كده تمام يا ست البنات. منيرة: تمام روح نام بقى اللي زيك قاعد لدلوقتي ليه. (وتغلق الهاتف مع العم عوض وهي تضحك) منيرة: نهلة ديه ما صدقت وقالت له خليهم عندك اعمل عليهم ملوخية. مراد: برافو عليكي ده إنتي عملتي فينا معروف كبير كان ممكن الخطه كلها تتلخبط. منيرة: أي خدمة. عاصم: طب يلا بقى كلنا لازم نرتاح وننام عشان القضية الصبح.

علاء: تعالي يا حور عشان ننام. حور: لأ أنا هنام مع طنط شوشو. علاء: كفاية تعبتيها طول النهار. شوق: مفيش تعب ولا حاجة. منيرة: متسيبيها معاها بتقولك بتحبها إيه الرخامة بتاعتك ديه. عاصم: يعني أقص لسانك عشان متتكلميش تاني. علاء: سيبها أنا واخد على غلاستها وطولة لسانها. حور: طنط شوق أنا جعانة وعاوزة أكل هو إنتي بتعرفي تعملي مكرونة وايت صوص. منيرة: طب ديه شوق أحسن واحدة تعملها. شوق: هو أنا فاهمة اسمها عشان أعملها؟

ليه كده تكسفيني قدام البت لما معرفش أعملها؟ منيرة: إنتي يا بجرة مش معاكي تليفون حديث؟ شوق: آه شالله يخليه عاصم جابهولي. منيرة: خلاص خشي على اليوتيوب واكتبي مكرونة بالوايت صوص هتلاقي الطريقة. شوق: وإنتي تعرفيها منين؟ منيرة: والله ما حد مقدر قيمتي فيكم. شوق: تعالي يا حور نعمل المكرونة بتاعتك ديه. (تدخل شوق وحور المطبخ) شوق: قولي في التليفون الأكل اللي إنتي عايزاه. حور: حاضر. (تتعلم شوق الطريقة وتبدأ تعمل الأكلة)

حور: عارفة يا شوشو بابي بيحب المكرونة ديه قوي، ممكن نديله طبق؟ شوق: حاضر من عيني. حور: طب أنا هرن عليه عشان ينزل ياخد ه طبق. (تتصل حور على والدها) علاء: إيه يا حبيبتي عايزة تطلعي تنامي جنب بابي؟ حور: لأ عايزة حضرتك تنزل. علاء: ليه؟ حور: انزل بقى يا بابي. علاء: طيب نازل. (ينزل علاء المطبخ) علاء: إحنا تعبناكي معانا أوي. شوق: لا مفيش تعب ولا حاجة. حور: بس تؤمر. شوق: اتفضل حضرتك أنا غرفتلك طبق. علاء: متشكر جدا.

شوق: أصل حور قالت لي إنك بتحب الأكلة ديه قوي. علاء: فعلاً. شوق: بالف هنا وشفا. حور: بابي أنا قررت إني أقول لشوشو يا مامي. علاء: إيه؟ حور: بليز يا بابي. علاء: طيب زي ما تحبي. (علامات استفهام على وش علاء وهو باصص لشوق ويفكر فيها… الحوار الداخلي محفوظ زي ما هو) حور: بابي بابي إنت مش بترد عليا ليه أنا بكلمك من شوية؟ علاء: إيه يا حور؟ حور: أنا خليت شوشو عملتلك عصير البرتقال اللي حضرتك بتحبه. علاء: شكراً ليكي يا شوق.

شوق: الشكر لله. خلاص يا حور كلتي؟ يلا بينا نغسل أيدينا ونطلع ننام. حور: وهتحكيلي حواديت تاني؟ شوق: حاضر من عيني. علاء: طيب تصبحوا على خير. (يصعد علاء يفكر، ويدخل عاصم ومنيرة) عاصم: طبعاً أنا لسه ما حسبتكش على اللي عملتيه تحت ده وكسفتيني وسط الناس. منيرة: احسبني بس أنا معاييش فكة. عاصم (بغضب) : منيرة. منيرة: سامعة أبوكي يا جمر بيزعقلي إزاي.

عاصم: معلش سامحيني يا منيرة أنا بس قلقان عشان ميعاد القضية بكرة، وعمي مراد قالي أكيد هياخدوا حكم. منيرة: قول يارب يحلها ربنا. يلا نام لك شوية، الفجر قرب يأذن. عاصم: لسه ها استنى الفجر عشان أصلي وأقعد أقرأ قرآن لحد ما ييجي الميعاد. منيرة: ربنا يسترها. (يمر الوقت –مراد يصحى وينزل) مراد: صباح الخير يا أولاد، فطرتوا؟ عاصم: أنا مليش نفس، افطروا إنتو بالهنا. نطمن بس الأول وبعدين نبقى نفطر.

مراد: خلاص يلا بينا ونبقى نشرب قهوة في الطريق. (في المحكمة) مراد: إحنا القضية الجاية. (يشربوا القهوة) الحاجب: قضية سامر! (يدخلوا) عاصم (بحزن وهو شايف أخوه وجدته ورا السلك) : ليه وصلتوا نفسكم لكده بس؟ الحاجب: هدوء! (مراد يترافع –القاضي ينطق الحكم) القاضي: الحكم على سامر عشر سنوات… وعلى كريمة سبع سنوات وغرامة نص مليون. سامر: بريء أنا بريء! عاصم (يبكي) : … مراد: متقلقش، إن شاء الله في الاستئناف تظهر أدلة جديدة.

سامر: خرجني من هنا يا عاصم! عاصم: جدتي يا جدتي مبتتكلميش ليه؟ متخافش يا سامر في الاستئناف عمي مراد هيجيب كل حاجة. سامر: أنا خلاص ضعت، أنا مستقبلي اتدمر. الشاويش: يلا يا مجرم يلا جاتك القرف! وإنتي يا ست الشاويشة خدي الولية العجوز ديه… أشكال ما يعلم بيها إلا ربنا. عاصم: يا جدتي ردي عليا. ليقترب منه مراد. مراد: عاصم معرفش جدتك جرالها إيه. عاصم: أكيد صدمة عصبية.

مراد: يلا بينا، وأنا هتقدم بطلب لنقل سامر لمصحة الإدمان، وهتقدم بطلب تاني لنقل السيدة كريمة لمستشفى السجن. عاصم: حاضر، أنا واقف مكتف مافيش في إيدي أي حاجة أقدر أعملها. ليأخذه مراد. يحيى: هون عليك يا عاصم، أنا كنت متوقع حكم أكبر من كده. علاء: فعلاً في القضايا اللي زي ديه أحيانا الحكم بيوصل لمؤبد. عاصم: الفضل يرجع لربنا ثم لعمي مراد. مراد: فضل إيه بس؟ قول يارب. عاصم: ماليش غيرك يارب.

مراد: معلش بقى يا عاصم بس لازم نعمل حفلة في البيت عشان الخطه تكمل. عاصم: والله أنا اللي ملاقيش كلام يوفيكم حقكم. ليضحك يحيى. يحيى: عشت وشوفت أبويا عريس مزور. مراد: كلمت الحلواني ووصيته على الحلويات والذي منه. يحيى: آه طبعاً وزمانه كمان وصلهم البيت. مراد: كده تمام، مش ناقص غير إني أتصل على وجيدة عشان أشوف لو عندها جديد. وبالفعل يتصل مراد بوجيدة. مراد: إيه؟ فيه أخبار؟ وجيدة: حضرتك كل حاجة ماشية تمام.

مراد: طيب، عاوزك بعد المغرب تلمي حاجتك وتجيلي على العنوان اللي هبعتهولك. وجيدة: حاضر يابيه. أما نهلة فكانت تنظر إلى المراية. نهلة: إيه الحلاوة والجمال والشياكة ديه كلها يا ناني؟ لأ ناني هانم! أدخل أوضة الزفت حياة وأخد المجوهرات بتاعتها عشان ألبسهم. أوه ده أنا هبقى واو. لتسمع صوت طرق على الباب. نهلة: ادخل. عز: أوبا، إيه القمر ده يا ناني؟ نهلة: خليك ثواني وجاية.

لتخرج نهلة إلى جناح حياة، لتفتح صندوق المجوهرات الخاص بحياة وتلبس كل ما فيه. ثم تذهب إلى جناحها. نهلة: بص يا عز، شوف مامتك. عز بصفير: الملكة ناني هانم! عز: يلا يا ست الكل، فاضل ساعة على ميعادنا. نهلة: أوك. بعد ساعة تصل نهلة إلى فيلا مراد. نهلة: شايف عامل إيه بيموت فيا. عز: ده أكيد عازم كريمة المجتمع. نهلة: طبعاً هو أنا أقل منه. مراد: أهلاً وسهلاً بعروستي وابني اتفضلوا الماءذون جاهز يالا يا ناني اقعدي هنا قصادي.

الماءذون: ابدأ ياسيدنا العروسة نورت حياتي البطايق من فضلكم. مراد: بطاقتي أهيه. نهلة: وأنا كمان بطاقاتي. ليبدأ الماءذون في كتب الكتاب. نهلة: ممكن أشوف القسيمة. الماءذون: اتفضلي يا عروسة. لتقرأ نهلة القسيمة أه تمام. وبخفة يد يبدل الماءذون المزيف الأوراق. الماءذون: امضي هنا يا عروستي. نهلة: أمال فين عقد الفيلا. مراد: حالا هات العقود من المكتب يا يحيي. يحيي: حاضر. لتوقع نهلة على الأوراق.

مراد: متشكرين يا أستاذ نهلة وانت مش هتمضي. مراد: آه طبعاً. وهنا تنزل منيرة ومعها قمر وشوق. لتقترب منيرة من نهلة وتتحدث إليها. منيرة: ألف مبروك يا عروسة. لتنظر منيرة إلى قمر وتقول: منيرة: جمر تعالي نبارك للعروسة. قمر: من عيوني. ليقترب قمر من نهلة هي وشوق ليمثلوا أنهم سيقبلوها ثم يشلوا حركتها. لتنقض عليها منيرة لتنزع من كل المجوهرات. نهلة: إيه الهزار البايخ ده مين دول. عز: أكيد ديه فقرة في الحفلة يا ناني.

منيرة: بس يا واد إنت خالص يا ابن أمك. نهلة: مراد اتصرف. مراد: (يضحك) خلاص كده الفيلم خلص برا خدي ابنك الحيوان اللي زيك ده واطلعوا بره. نهلة: مراد إنت بتقول إيه. مراد: آه نسيت أقولك أصلك مضيتي على كل حاجة خدتيها من عامر ورجعتي شحاتة تاني. أما حياة ونهال فهما في أمان. آه واحب أعرفك ده عاصم ابن أخو عامر. وده علاء زي ابني يعني مش خواجة ولا حاجة. أما البنات الحلوين دول اللي قلعتك المجوهرات تبقا مدام عاصم.

مراد: والعسل ديه تبقا بنت عمتي عاصم. والسكر ديه تبقا أخته. نهلة: بصراخ إنتوا عملتوا إيه أنا هوديكم في داهية أنا هسجنكم. مراد: (يضحك) قولت برا بدل ما أسجنك أنا. إنتي ناسيه إنك كنتي متجوزة عامر عرفي. ادخلي يا وجيدة جبتي العقد. وجيدة: أهو يا بيه. نهلة: إنتوا عملتوا عليا مؤامرة. عاصم: احمدي ربنا إني هسيبك تمشي إنتي والكلب ابنك بعد اللي عمله في حياة. عز: ضيعتينا يا نهلة ضيعتينا. نهلة: أنا هرجع لكم وأنتقم منكم كلكم.

مراد: طب متنسيش وانتي بتنتقمي تدوري على مكان يلمك إنتي وابنك.