رواية حياة الاسد الفصل الأول 1 - بقلم جنة الفردوس

بيت حياة حياة: آآآآآآآآآآآه! كفاية يابا واللهِ ما عملتش حاجة. حامد: أنا مش أبوكي، أنا جوز أمك وهفضل أضرب فيكي طول ما إنتي عايشة. مريم: سيب البنت يا حامد، كفاية حرام عليك. هي عملت إيه عشان تضربها؟ كفاية كل يوم تفضحنا قدام الناس. حامد: إنتي مالك يا ولية؟ اسكتي بدل ما أجيلك وأضربك إنتي كمان.

حامد: إنتي يابت، خلاص مش هتدخلي جامعة ولا زفت. هتقعدي في البيت، كفاية عليكي الثانوية. وأختك كمان مش هتكمل، هتخلص إعدادي وتقعد برضه. حياة بدموع: لا يابا حرام عليك، أنا نفسي أكمل وأدخل جامعة وأأمن مستقبلي. نور بدموع: حرام عليك يابا، أنا عايزة أكمل تعليمي. حامد: أنا قلت اللي عندي، وأياك كلامي يتسمع. أنا هوريكم النجوم في عز الضهر. طلع حامد وساب حياة ونور منهارين من العياط. نروح لبطلنا أسد المنياوي.

أسد: صحيت من النوم، دخلت الحمام، أخدت شاور، وطلعت على غرفة الملابس. لبست بدلة سودة وقميص أبيض وحذاء أسود وساعة من أغلى الماركات. حطيت برفاني المميز ونزلت. أسد: صباح الخير. سليم: صباح النور يا حبيب جدك. ناصر بقرف: صباح النور. زين: صباح الفل ياسطاا. أسد: يابني احترمني شوية، أنا أخوك الكبير. زين: أخويا الكبير بس حبيبي ياسطا والله. أسد: اسكت ياض وامشي من وشي بقا.

مشى زين لأنه عارف أسد لو اتعصب هيعمل إيه. أسد كمان مشى وراح الشركة هو وأخوه. في الشركة. أسد داخل بهيبته اللي بترعب أي حد. كل الموظفين وقفوا عشان يرحبوا بيه. نهى (سكرتيرة أسد، بنت مش سالكة خالص) : صباح الخير يا فندم. أسد: صباح النور. نهى، هاتيني على المكتب. نهى: حاضر يا فندم. أسد: قوليلي مواعيد النهاردة إيه. نهى: عندك اجتماع النهاردة يا فندم الساعة 4، وفي أوراق لازم حضرتك تمضيها. أسد: تمام، هات الأوراق واتفضلي إنتي.

نهى وهي بتحط إيدها على وشه: تأمر بحاجة تانية يا باشا؟ أسد بغضب: نهى! اتعدلي بدل ما أعدلك. إحنا في شركة محترمة مش في شقة مفروشة. ومسكها من شعرها وقال بصوت فحيح زي الأفعى: تاني مرة لو قربتي مني هقتلك، فاهمة؟ نهى بعياط: فـ... فهمة يا فندم، أنا آسفة والله مش هعمل كده تاني. أسد: غوري من وشي. جريت نهى وهي غاضبة وتتوعد له. حياة لسه قاعدة هي ونور بيعيطوا. حياة بدموع: أنا مش عارفة هو بيعمل معانا كده ليه، إحنا معملناش حاجة.

نور بدموع: مش عارفة يا حياة، بس أنا خايفة أوي. هو ممكن يعمل فينا حاجة؟ هو مش بيحبنا أصلاً. حياة: متخافيش يا حبيبتي، أنا معاكي وربنا معانا. قعدوا حضنين بعض وبيعيطوا. هنا دخلت أمهم وقعدت جنبهم. مريم بدموع: معلش يا بنات، سامحوني. أنا مقدرتش أعملكم حاجة، أنا ضعيفة زيكم. بس أنا اللي غلطانة، أنا اتجوزت عشانكم، كنت فاكرة راجل وهيقدر يحمينا. حياة ونور: لا يا ماما، إنتي ملكيش ذنب. نروح عند أسد.

تسريع الأحداث. أسد خلص شغل ورجع البيت. أسد: مساء الخير يا جدي. سليم: مساء الخير يا حبيب جدك، اقعد يا حبيبي. عايزك في موضوع مهم. أسد: خير يا جدي؟ سليم: إنت فرحك الخميس اللي جاي. أسد بصدمة...