رواية حياة قلبي الفصل العاشر 10 - بقلم مريم العراقي

منال بألم: اللي أنت متعرفوش بقا إن الهانم بتحب واحد تاني ومتفقة إنها تهرب معاه وهو اللي جاي. قالي عشان كان فاكر إني بكرهك والهانم غلطت معاه. عمرو بصدمة: إيه؟ إيه اللي أنتِ بتقوليه دا؟ فاكرني هفكر في الهبل اللي بتقوليه دا؟ ولتاني مرة بحذرك، حياة خط أحمر، فاهمة؟ وحياة أمي لأقتلك، سامعة؟ قالها بصوت جهوري. منال بضعف: حاضر، حاضر، بس سيبني. زقها ومشي متعصب. عند البنات. حياة: يلا ونبي يا رحمة ارقصي، وحياتي بقا.

البنات: يلا بقا يا رحمة ارقصي. رحمة بزهق: خلاص بقاا هرقص. اشتغلت مهرجان "انتي معلمة" والكل بدأ يرقص. بدأت حياة تتمايل مع الأغنية. في هذا الوقت رن تلفون حياة. مريم صاحبة حياة: حياة تلفونك بيرن. حياة: طب هاتيه. "أحلى الوو دي ولا إيه؟ حياة بعصبية: أنت مين وعايزة إيه؟ "أنا بس عايز أقولك، أنتِ لامؤاخذة، واخده على قفاكي من المحروس بتاعك." حياة بغضب: إيه الكلام الفارغ دا؟ أنت مين وعايز إيه؟

"أنا عايز أقولك إن عمرو بيه مش بيحبك ومش عايزك، دا بس بيلعب بيكي. وبعد ما ياخد منك الـ... "الو، الوو دي راحت فين دي؟ شكلها خدت الصدمة. هههههههه." عند حياة. قاعدة منهارة ومش مصدقة. حياة لنفسها: معقول عمرو يعمل كدا؟ أكيد دا كداب وأنا مش هبوظ فرحتي عشان كلام فارغ. عمرو أكيد عمره ما يعمل فيا كدا. ومسحت دموعها وخرجت تكمل فرحتها. وانتهى اليوم وجاء يوم العرس. في الصباح الباكر في أوضة حياة.

دخل عمرو الأوضة ونام جنبها على السرير وقرب منها أوي وقالها: "وأخيراً جه اليوم اللي طول عمري بحلم بيه إنك تفضلي جمبي وفي حضني. ياه أخيراً أول ما أصحى ألاقيكي في وشي ونايمة زي الملائكة. بجد أنتِ أحلى حاجة حصلتلي، أنا بعشقك عشق ملووش حدود." عمرو بحنان وحب: حياة حبيبتي، يلا اصحي، عندنا حاجات كتير. حياة: ممم. حياة: يلا يعمري. حياة فتحت عيونها لاقت عمرو مقرب منها، بصت بسعادة. حياة: صباح الخير يا حبيبي.

عمرو بحب: صباح العسل يا روح قلب عمرو من جوه، يلا قومي افطري عشان زمان رحمة جايه عشان تروحوا للكوافير. حياة: حاضر. تسريع في الأحداث. في الكوافير. حياة بتوتر وخوف: بجد شكلي حلوو يا رحمة؟ حاسة إن في حاجة غلط. رحمة بصدق: والله العظيم شكلك حلوو جداً ومفيش أي حاجة غلط، كله مظبوط، بطلي خوف بقا. حياة: هحاول والله، دا أنا مرعوبة جداً. بعد فترة. "العريس جاي يجدعان." قالتها بنت من البنات.

دخلت أم عمرو: بسم الله، ما شاء الله، قمر، بالله قمر يا حبيبتي. حياة: ربنا يخليكي ليا يا نور عيني. دخل عمرو واتبهر من جمالها: إيه يخربيت كدا؟ إيه الجمال دا؟ شكلك حلوو أوي، أنا مش مصدق إن كل دا هيبقي بتاعي. حياة: بجد شكلي حلوو؟ ولا أنا مصدقة أصلاً؟ بس دا أحلى يوم في عمري كله. عدى الفرح على خير وروحوا الشقة. دخل عمرو وحياة وقفل الباب جامد جداً. حياة بخوف: في إيه يا عمرو؟ عمرو بخبث: هتعرفي دلوقتي كل حاجة يا قلب عمرو.