رواية حياة مراهقة الفصل الخامس 5 - بقلم اسماء السرسي

فجأة لقي داليا جاية عليهم وبتنادي على صالح بصوت عالي. صالح وهو بيطلعلها: خير يا عمتي، في إيه؟ داليا بفرحة: أسماء فاقت يا ابني. صالح بفرحة: بجد يا عمتي؟ وسرعان ما جرى ناحية أوضتها ودخل. صالح وهو بيمسك إيديها بلهفة ودموع الفرحة في عينيه: أسماء، انتي فوقتي؟ حاسة بإيه؟ في حاجة بتوجعك؟ أسماء بضعف وهي بتحاول تمسح الدموع اللي نزلت من عينيها: أنت بتعيط؟ صالح وهو بيمسك إيديها: كنتي عاوزة تسيبيني يا سوكا قلبي؟ كنتي عاوزة تسيبي حبيبك؟ أسماء بحزن: غصب عني يا صالح. أبويا حبسني عشان أتجوز إسلام غصب عني. وأنت عارف إن عندي فوبيا من الأماكن المقفولة، وهو حبسني. صالح بغضب: إن مكنش هو أبوكي وعمي، مكنتش حللت أمه. أسماء بغضب وخدودها احمرت: صالح، دا بابايا برضو. صالح وهو بيغمز: منا كان قصدي أخليكي تتنرفزي عشان أشوف الفرولة لما بتحمر. أسماء بخجل: احم. وبتحاول تداري إحراجها: عفكرة في كلام أشيك من كده. صالح بضحك: والنبي ما في حد أشيك منك في المستشفى دي بالذات. بالبتاعة اللي لابساها في دماغك دي، مخلياكي مسخرة الصراحة. أسماء بعبوس: والله لا. أنا بقول أدخل في الغيبوبة اللي كنت فيها. قطعها صالح قبل ما تكمل كلامها. صالح وهو بيحط إيديه على بوقها: حسك عينك أسمعك بتقولي الكلام ده تاني. أسماء اكتفت بابتسامة خجولة. فجأة صوت من وراهم: نزل إيدك من على خطيبتي يلا.