رواية حياة نضال الفصل السادس 6 - بقلم هنيه يوسف

غايتو أنا لو في مكان نضال كان طلبت الطلاق والله. بس نضال كانت مستعدة تتحمل أي شي عشان البنات. بقت راجل البيت وست البيت في نفس الوقت. أهلها ما قصرو، بس أهل مصعب ذي إنو مصعب دا ما ببق ليهم. حياة أهلو كان كلها عز، بيوت وعربات وأي حاجة عندهم، بس ضمير ما عندهم. نسوا العملتو نضال ليهم. بس نضال ما استسلمت للحياة نهاي. واجهت كل المشاكل. وأنا بتمنى كل الناس تكون ذي نضال. طيب، كل إجازة نضال تسوق أولادها، بتسافر لأهلها في الخرطوم تقعد معاهم. وكانت بتشتغل عشان تقدر تصرف على ناس البيت. وكانت قبل يجو راجعين بتشتري ملابس المدرسة والشنط والكراسات والكتب والأقلام الحبر والرصاص. بتشيل منهم كمية كبيرة عشان لمن يجو راجعين ما تحتاج تشتري ليهم شي. كل سنة في نفس الحالة. نضال تعبت شديد وبقت عيانة. عندها سكري. وبنات نضال خافو على أمهم شديد. فقرروا يجتهدوا شديد عشان أمهم ترتاح. وبعد سبعة سنة ونضال في الشغل، جات راجعة البيت لقت مصعب سكران شديد. وحصلت مشكلة كبيرة شديد.