رواية حياة روح الفصل الحادي عشر 11 - بقلم ميرا ابو الخير

الظابط: انتي متهمة بقتل جوزك أحمد السيد. روح بصدمة: أحمد مات. الظابط ببرود: آه، وإنتي اللي عملتي كدا. روح استخبت ورا عدنان: أنا ما عملتش حاجة يا عدنان. عدنان بهدوء: وإيه الدليل على كدا؟ الظابط: محدش له مصلحة في كدا غيرها، لأنه طلع متجوز وبيكدب عليها عشان الميراث. عدنان بهدوء: تمام، وأنا عدنان المنياوي من أكبر محاميين البلد، وحضرتك متقدرش تاخدها غير بدليل ملموس.

الظابط: احترم حضرتك، وإنت غني عن التعريف، بس دا القانون والدافع موجود. عدنان: مش دليل كافي عليها، ولو هتستجوبها تستجوبها هنا. الظابط بجمود: بس يا باشا. عدنان: روح مش هتخرج معاكم. روح كانت واقفة خايفة منهم: أنا ما عملتش حاجة لحد. الظابط: تمام يا عدنان باشا، هنستجوبها هنا. عدنان: تمام، تعالى. أخدهم ودخلوا المكتب.

الظابط: مدام روح أحمد، على حسب معرفتي، طردك قبل كدا ومسقط ابنك هو وضرتك، ودا بشهادة الشهود، ودا دافع يخليكي تنتقمي منه. روح بهدوء: أيوا، بس أنا مقدرش أعمل كدا. ورجعت له كمان لما صالحني، بس خوفت منه بسبب طمعه في الميراث ورفعت عليه قضية خلع وخلعته. الظابط بتفكير: وضرتك فين؟ عدنان: في المخزن عندي، لأنها حاولت تقتل روح، وأنا بلغت بكدا.

الظابط: أمم، تمام يا عدنان بيه. لو فيه حاجة تاني هاجي بنفسي. وبالنسبة لضرتها، أنا حابب أشوفها، وحبسك ليها غلط. عدنان: أوك، اتفضل معايا. مشي، وروح قعدت بخوف: يارب استر، أنا ما عملتش حاجة له. معقولة أحمد مات على قد كل اللي عمله؟ بس العشرة والأيام، ربنا يرحمك يا أحمد. روح دموعها نزلت وافتكرت حاجة: بابا أكيد هو. قامت طلعت لبست بسرعة وراحت بيت أبوها. جمال بسخرية: كنتي فين يا سنيورة؟ روح بجمود: إنت قتلت أحمد يا بابا، صح؟

جمال ببرود: إنتي اتجننتي يابت. روح بصراخ: أنا برضه اللي مجنونة! أنا اللي مصدقت أخلص جامعة، ولبستني لأحمد أو بعتني له عشان شغلك ومصالحك، وأنا من غبائي مشيت وراك ووافقت وحبيته، بس لما كشفته كرهته. إنت ليه بتعمل معايا كدا؟ ليه من صغري كارهني؟

حرام عليك، دا إنت مبتصدقنيش ولا بتثق فيا، دايماً صريخ، شتيمة، حتى عدنان الشخص اللي قابلته مرة من سنين وقلبي مال له، كرهته فيا وبعدته عني، وإنت كنت عارف إني بميل له، وكانت حياتي معاك كلها ضرب وغيره. ليه أنا مش بنتك؟ جمال بجمود: أنا أبوكي وحقي أربيكي طول العمر براحتي. وأحمد كان شريكي وعنده نفوذ وفلوس كتير قوي، وبصراحة كان بيصرف علينا وقت ما اتعسرنا. وعدنان دا حتة عيل محامي، وقف ضدي قبل كدا في شحنة، ومن غباؤه جاي يطلبك.

روح بجمود: تمام يا بابا، وسؤالي واضح، إنت قتلت أحمد؟ جمال بهدوء: من الآخر، آه. عشان خسرنا كتير قوي، وبصراحة كدا أملاكه هتكون ليكي ولينا برضه. روح ببرود: يااه، للدرجة دي. جمال ببرود: بصي يا روح، إنتي عرفتي كل حاجة، ودا غلط عليا بصراحة. أنا هعمل حاجة حلوة أوي. روح باستغراب: إيه؟ جمال بهدوء: هبعتك مستشفى المجانين وهثبت التهمة عليكي. متخفيش، مش هتتحاسبي. واللي في بطنك أنا هربيه. روح بصدمة: اللي في بطني.