رواية حياة سيف الفصل السابع 7 - بقلم بسمله حسن

سيف شد حياه لي حضنه وشاور للممرضة تدي البيبي الحقنة. حياه سمعت عياط البيبي فضلت تزق في سيف. حياه بعصبية: اوعي ابني بيعيط. سيف بهدوء: ششششش بس هو كويس، انتي اهدي. حياه هديت في حضنه. ازاي ما تهدأش وهي هادية مع حبيبها؟ هديت مع أكتر راجل كانت بتحس معاه بالإيمان. هما الاتنين كانو سرحانين في حضن بعض وقد إيه هما مشتاقين لبعض. فاقت على عياط البيبي. حياه زقته وراحت ناحية البيبي تمسكه.

الممرضة: هو ممكن يسخن شوية، لكن متخافيش. أديله سيتال نقط، ريباريل جيل، كمادات تيمبو جيل. سيتال لكل كيلو نقطتين. أول يوم كل 4 ساعات. تاني وتالت يوم 6 ساعات. كمادات على الفخد المورم كل 4 ساعات مع ريباريل جيل. بس ياريت حضرتك تهتمي بالرضاعة شوية علشان البيبي ضعيف جداً. حياه بكسوف بصت لسيف: احمم، هو أنا لبني ضعيف جداً؟ الممرضة: كلي خضروات كتير واشربي مياه وينسون وخدى دومبيريدون بيزود اللبن.

حياه خرجت من الصحة وركبت العربية. سيف ركب جنبها: هو اتخلى عنك. حياه سكتت. سيف بزعيق: ردي عليا، هو فين؟ البيبي عيط. حياه بنرفزة: عجبك كده؟ أهو رجع يعيط تاني. سيف بعصبية ضرب العربية بغضب وساق لحد البيت. أول ما وصلوا، حياه نزلت من العربية ودخلت جوه. خالد: عملتي إيه؟ حياه: خد التطعيم بس خايفة عليه أوي. الممرضة قالت إنه هيسخن. خالد خد منها البيبي: متخافيش، أنا معاكي وهروح الصيدلية أجيب حاجة للسخونية.

حياه ابتسمت: بجد شكراً ليك يا خالد، مش عارفة من غيرك هعمل إيه. خالد ابتسم: متقوليش كده، إحنا تحت أمر أستاذ ياسين وأم أستاذ ياسين. حياه ضحكت: بجد شكراً يا خالد. في نفس الوقت، جه سيف من بره وهو ماسك شنط الأدوية. سيف: إيه المهزلة اللي بتحصل دي؟ حياه خدت البيبي من خالد. حياه: أنا داخلة أوضتي يا خالد. سيف بزعيق: اقفي عندك. أنا ماديتلكيش الحق إنك تمشي طول ما أنا بتكلم. تقفي زي الخدم، فاهمة؟ حياه بزعيق: أنا مش خدامة، فاهمة؟

سيف قرب منها ومسكها من إيدها جرها لحد الأوضة. حياه ماسكة البيبي خايفة يقع منها: اوعى، سيب إيدي. اوعى، ياسين هيقع مني. سيف مردش لحد ما دخلوا الأوضة. قرب منها بشر وخد منها البيبي حطه على السرير. سيف: صوتك ميعلاش عليا، فاهمة؟ حياه: لا مش فاهمة، وانت ملكش حق عليا. سيف: إيه؟ انتي عاجبك الوضع تنامي مع كل واحد شوية؟ أها، منا نسيت إنك سهلة ورخيصة. مكملتش الكلمة وكانت حياه ضربته بالقلم. حياه بعصبية: اخرس، فاهمة؟

أنا مش سهلة ولا رخيصة. سيف بغضب وعين بتطق شرار: انتي قد اللي عملتي ده؟ وفي أقل من ثانية كان لف إيدها ورا ضهرها. سيف: لا سهل ورخيصة اللي تنام مع راجل غريب وهي متجوزة تبقى رخيصة، اللي تخون جوزها تبقى سهلة. اللي تخلف عيل من الحرام وأبوه مش معترف بيه تبقى رخيصة، ما تسواش في سوق الحريم تعريفه. حياه بنهيار: بس بقا كفاية. سيف زقها بقرف وقعها في الأرض.

سيف: أنا بقرف ألمس واحدة زيك. واعملي حسابك، عايزة تجهزيلي الغداء عشان جاي معايا ضيوف مهمين. حياه بعياط وعصبية: أنا مش هحضر حاجة، أنا مش الخدامة بتاعتك. سيف بهدوء مرعب: أوكي، براحتك. وقرب من السرير وخد البيبي. حياه برعب: انت واخد ابني ورايح على فين؟ سيف: ********* حياه بصريخ: لااااااااااااا.