رواية حياة سيف الفصل الثامن 8 - بقلم بسمله حسن

حياة برعب: انت واخد ابني ورايح على فين؟ سيف: هاخده لحد ما تخلصي الغداء. حياة بصريخ: لا ونبي يا سيف، هو متطعم ومحتاجني جنبه. سيف ببرود: والله مش مشكلتي، أنا قلت اللي عايزة. حياة بعياط: أنا بكرهك فاهم. سيف: القلوب عند بعضها. ويلا قبل ما ابنك يبدأ يعيط وأنا مش مسؤول على اللي هيحصل. حياة بصتله بكره ونزلت تحضر الغداء.

سيف للبيبي: تعرف إني كنت عايز أنتقم منك وأخطفك وأحطك في دار أيتام وأحرق قلبها عليك، بس أول لما قلت لخالد إني عايز أشوفك حسيت بشعور غريب أول مرة أحسه، حسيت إنك ابني؟ أو اتمنيت تكون ابني، لكن أنت ابن **** اللي أمك خنتني معاه، مبقاش أنا سيف لو مخلتهاش تندم على كل حاجة عملتها معايا. حياة في المطبخ بتجهز الغداء. دخلت دادا كريمة. كريمة: بتعملي إيه هنا يا حياة؟ المفروض تكوني مع ابنك.

حياة بغيظ: ده المفروض، لكن زفت الطين حكم عليا أعمل غداء النهاردة وخد ياسين مني. كريمة بهدوء: قوليله الحقيقة، قوليله إنك مخنتيهوش. حياة: بعد إيه خلاص، هو كرهني، مبقاش في حاجة هتحصل، هو جاي هنا عشان ينتقم مني مش أكتر من كده. خالد: أنا آسف يا حياة. حياة: على إيه؟ أنت معملتش أي حاجة، أنا اللي المفروض أتأسف منك. خالد: حياة أنا عايز أقولك على حاجة. حياة باستعجال: مش وقت يا خالد. خلصت الغداء في وقت قياسي وطلعت جري عند سيف.

لقيته ماسك البيبي ورايح جاي بيه. حياة فضلت باصة عليهم شوية، بعد كده قالتله: هات ياسين. سيف: حضرتي الغداء؟ حياة بغضب: أيوه، عايز حاجة تاني؟ سيف ببرود: هعوذ منك إيه يعني، منا اللي عزته خدته منك في الأول. حياة سمعت كده ونزلت من الأول ودخلت الأوضة التاني. عدى وقت وسمعت دوشة، خرجت من الأوضة. شافت سيف ماسك بنت وحضنها. سيف: أقدم لكم ريم خطيبتي. حياة بصدمة: إيه؟ سيف ببرود: إيه زي ما سمعتي.

حياة بصريخ: لا مش ممكن، أنت بتكذب عليا صح؟ أنت لسه بتحبني؟ سيف بعصبية: أحب مين؟ أنت اتجننتي ولا إيه؟ مبقاش غير الخدم اللي يتحكموا في أسيادهم. اعملي حسابك، أي حاجة ستك ريم تقولك عليها تتنفذ على طول، فااااهمة؟ حياة: لا مش فاهمة، وأنا عايز أخرج من هنا. سيف: والله مش مشكلتي، أنا اشتريت الفيلا بالخدم اللي فيها، ولو عايزة تسيبي الشغل تقوليلي قبلها بشهر على الأقل ويوافق أو أرفض، والسبب غير كده مش هتخرجي.

حياة سمعت كده ودخلت الأوضة وقفلت الباب. فضلت تعيط على اللي حصلها. يارب هو أنا مش مكتوبلي أفرح؟ يارب هو أنت مش بتحبني؟ هو أنا مش عبدك ومحتاجالك؟