رواية حياة سيف الفصل التاسع 9 - بقلم بسمله حسن

عني كل الابتلاء في خير لينا، ربنا كبير جدا وعالم بعباده. ربنا ما فيش أرحم منه على عبده. جه بالليل وحياة خدت البيبي وطلعت على الجنينة. فضلت تمشي بيه لحد ما يهدي. خالد شافهم من بعيد وقرب منهم. خالد بابتسامة: إيه اللي مصحيكي لحد دلوقتي؟ حياة بتعب: ياسين عمال يعيط وتعبت. قلت أطلع أتمشى بيه بره شوية يمكن يسكت. خالد: طيب هاتي وروحي نامي شوية. حياة: لا، هو مش بيسكت غير معايا.

خالد: متخافيش، هاتي وروحي ارتاحي شوية، انتي شكلك تعبانة. حياة: بس... خالد قاطعها في الكلام: مبسسش، روحي يا ستي ارتاحي شوية، ولو مسكتش معايا ساعتها تعالي خديه. حياة بقلة حيلة: خلاص ماشي. ومشت. جاي تدخل الأوضة وقفها صوت ريم. ريم بقرف: انتي، يا اسمك إيه؟ حياة بغيظ: اسمي حياة، لو متعرفيش اسمي لسه. ريم ببرود: مش مهم اسمك إيه، اعمليلي قهوة وهاتيها على أوضتي. حياة: والله دي مش شغلتي، عندك الخدمات اطلبي منهم.

ريم بزعيق: انتي إزاي تكلميني كده؟ انتي نسيتي نفسك ولا إيه؟ انتي متعرفيش أنا مين؟ حياة بتقرب منها بشر: لا معرفش، بس أنا هعرفك أنا مين. في نفس الوقت سيف شاف خالد ماسك البيبي ورايح جاي بيه. سيف بسخرية: إيه؟ سبت شغلتك وشغال دادا؟ خالد لسه هيتكلم، قطعه سيف بالكلام. سيف: انت مرفود. وكمل بسخرية: ابقى اشتغل بيبي سنتر، لايق عليك. فجأة سمعوا صوت صويت، طلعوا يجروا لجوه.

حياة منيمة ريم في الأرض ونازلة ضرب فيها. سيف حاول يبعد حياة عن ريم، بس حياة ماسكة شعرها جامد. سيف اتجنن لما شاف هدوم حياة باينة وخالد واقف. سيف بزعيق: بسسسسسس. في نفس الوقت حياة سابت ريم. ريم في حركة عفوية ضربت حياة في بطنها جامد. حياة بوجع: اااااااااااااااااااه. خالد وسيف جريوا عليها. خالد بخوف: انتي كويسة يا حياة؟ سيف شاف لهفة خالد على حياة اتعصب جامد. سيف بغضب: إيه اللي حصل هنا؟

ريم بعياط: هي يا حبيبي اللي بدأت وفضلت تضرب فيا، كل ده عشان طلبت منها قهوة. سيف قرب من حياة بغضب ومسك إيدها جامد. خالد بعصبية: سيب إيديها. سيف: لو مسبتهاش هتعمل إيه؟ خالد بحركة عفوية ضربه بالروسية في دماغه. سيف جن جنونه وردله نفس الضربة. فضلو هما الاتنين يضربوا في بعض. سيف بغضب نادى للحراس: ارموا ابن ****** ده بره. خالد بزعيق: والله لو لمستها لموتك، فاهم. سيف قرب من حياة بغضب ضربها بالقلم.

سيف: اقسم بالله لو خرجتي بره أوضتك مش هقولك هعمل فيكي إيه، فاهمة ولا لا؟ حياة: لا مش فاهمة، ملكش دعوة بيا، فاهمة ولا لا. سيف جر حياة لحد الأوضة، دخلها وقفل الباب عليها بالمفتاح. حياة بزعيق: افتح الباب، افتححححححح بقولك، أنا عايزة ابني. سيف: خليكي هنا تتعلمي الأدب، وابنك ده مش هتشوفيه تاني غير لما تحترمي نفسك. حياة فضلت على الحال ده فترة طويلة. سيف مش عارف يسكت البيبي.

ريم بزهق: يا حبيبي أنا زهقت وصدعت، والزفت ده مش مبطل زن. سيف بص لها بصة خلاها تخاف. سيف بهدوء مخيف: على الله أسمعك تقولي كده تاني، فاهمة؟ هو اسمه ياسين، ومحدش قالك تفضلي معايا، أنا هعرف أتعامل معاه. ريم قربت منه بدلع: يا حبيبي مقصدتش، بس هو عمال يعيط وعايز أمه، أكيد جعان. سيف نادى لكريمة: انتي يا زفتة، ساعة عشان تيجي، فين الببرونة؟ كريمة بخوف: يا بني مينفعش، هو لازم... سيف بزعيق: انتي هتقفي تتكلمي معايا؟ فين الزفت؟

كريمة بخوف ادته الببرونة: أهي. سيف خدها وبيديها للبيبي، بس هو مش راضي وزاد في العياط. سيف بعصبية: هو مش عايز ياخدها ليه؟ كريمة: عشان هو عايز لبن أمه، حتى لو عملت أي، هو محتاج لحضنها. سيف بعصبية نزل وفتح الباب لحياة. حياة جريت عليه خدت البيبي منه. فضلت تبوس في كل حتة في وشه. سيف شايف كده وخرج من الأوضة بهدوء. حياة: أنا لازم أهرب من هنا، مش هستنى لما يحرمني من ابني. وفعلاً قررت إنها تهرب.

في نفس الوقت فون حياة رن وكان خالد. خالد بخوف: حياة، انتي كويسة؟ هو عملك حاجة؟ حياة بعياط: أنا عايزة أخرج من هنا يا خالد، ونبي. خالد: اهدي، أنا كده كده ناوي أخرجك من هنا. بصي يا ستي، الباب اللي ورا الجنينة دايمًا مفتوح، انتي اخرجي منه وأنا هكون موجود. حياة: ماشي يا خالد. وفعلاً حياة استنت لما كله نام وخرجت من الباب. شافت خالد مستنيها. خالد خد منها البيبي وركبها العربية. حياة: إحنا هنروح فين دلوقتي؟

خالد بهدوء: متخافيش، انتي هتيجي معايا البيت. حياة بصدمة: إيه؟