رواية حياة سيف الفصل الثالث 3 - بقلم بسمله حسن

حياه قامت مفزوعه بدور على البيبي مش لاقياه جنبها. فجأة الباب اتفتح ودخلت دادا كريمة وماسكة البيبي. حياه بخوف: حبيبي كنت هموت من خوفي عليك. كريمة: متخافيش يا بنتي أنا خدته عشان تنامي براحتك. حياه وهي ماسكة البيبي عشان ترضعه: هتيجي منين الراحة يا دادا طول ما عمر موجود في حياتي. كريمة: إنتي اللي غلطانة يا حياه، إنتي اللي مقولتيش لسيف الحقيقة. حياه بعياط: كنتي عايزاني أقول إيه؟

كنت عايزاني أقوله ياسيف عمر هيقتلك عشان عرف إننا اتجوزنا. ها أقوله إيه؟ ولا أروح أقول لعمر: يا عمر أنا اتجوزت السواق. هما الاتنين أنا معرفش رد فعلهم إيه، بس اللي متأكدة منه إني لو كنت حكيت لعمر إني اتجوزت السواق كان قتلني وقتله، وإنتي عارفة إني بحب سيف ومقدرش أشوفه بيتأذى.

كريمة: بس لو كنتي قولتي لسيف كان هيتصرف، كان هيقف قصاده زي مكان بيقف ليكي وهو بيضربك، بس إنتي اللي استسلمتي من أول فرصة، مش بس كده، لا إنتي خنتيه كمان. حياه بعياط: بس كفاية بقا كفاااااااية. كريمة سابت الأوضة وخرجت بره، وحياه حضنت البيبي وفضلت تعيط وتفتكر اللي حصل. فلاش باااااااااااااااااااك. حياه بحب: أنا بحبك أوي يا سيف. وكانت هتنزل من العربية، سيف شدها ليه أكتر. سيف بحب: تو تو، مينفعش تقولي الكلام ده وتنزل على طول.

حياه بخوف لي عمر يشوف: سيف، إحنا قدام الفيلا وممكن عمر يشوفنا مع بعض. سيف: ششششش، سيبك منه، أنا عايز يعرف إنك بقيتي مراتي، أنا مش بعمل حاجة غلط. حياه: عشان خاطري يا سيف، سبني أنزل دلوقتي وأنا هاجي شقتنا. سيف بغضب: انزلي يا حياه. حياه: يا سيف اسمعني. سيف بعصبية: انزلي يا حياه. زعق فيها أكتر: قولت انزليييييي. حياه نزلت بخوف، وأول لما دخلت الفيلا قلم نزل على وشها، وقعت في الأرض. حياه برعب بترجع بظهرها لورا: ع.. عمر.

عمر بغضب جنوني: أيوه عمر يابت... عمر يا فاجرة يابت... إيه فاكراني مش هعرف إنك مع علاقة مع ابن... ونزل فيها ضرب: ده أنا هموتك إنتي وعشيقك يا فاجرة. حياه بعياط وخوف: لا ياعمر نبي، سيف لا. عمر بغضب: وخايفة عليه كمان. ونزل فيها ضرب: عشان أريحكم أنا هدَفنكم في قبر واحد يا ولاد... حياه برعب: لا، سيف جوزي، سيف جوزي على سنة الله ورسوله. عمر سمع كده اتجنن ونزل فيها ضرب بدون رحمة.

عمر بجنون: أقتلك وأقتله، مش هخلي حد ياخد الورث مني، فاهمة. حياه من كتر الضرب اغمى عليها. عمر سابها مرمية في الأرض ولا حول ليها ولا قوة. وراح يشرب خمرة ويفكر ينتقم من حياه إزاي. كريمة جريت على حياه بتفوقها لحد ما فاقت. حياه أول لما فاقت: سيف، سيف يا دادا. كريمة لسة هتتكلم لقت عمر في وشها. عمر: امشي، خشي أوضتك. كريمة ماسكة في حياه بخوف، عمر شد كريمة بالعافية ودخلها الأوضة وقفل بالمفتاح. حياه برعب: عمر، أنا أنا.

عمر بهدوء مرعب: ششششش، بس مش عايز أسمع صوتك، اللي هقولك عليه تعمليه بالحرف، ده لو عايز حبيب القلب يفضل عايش. حياه بخوف: حاضر، حاضر. عمر: أول حاجة تمضي على ورقة تنازل، ليكي، وأكتبي الأملاك كلها باسمي. حياه: بس دي أملاك ماما، الله يرحمها. عمر ضربها بالقلم: امضي يا بنت... إنتي كمان ليكي عين تقاومي معايا، بس أنا هعرفك تمضي إزاي وإنتي بتشوفي حبيب القلب ميت قدامك. حسن حسسسسسسسن. دخل حسن مساعد عمر الشخصي: أيوه يا فندم.

عمر: ابعت هات سواق ابن... بسرعة. حياه أول لما سمعت كده، مضت على طول. حياه بخوف على سيف: خد، أنا مضيت، بس بلاش يعمل حاجة لسيف، نبي يا عمر. عمر زقها برجله بقرف: أوعي تلمسيني تاني، أنا بقرف منك. حياه بعياط: عشان خاطري بابا، يا عمر، متعملش حاجة لسيف. عمر فضل ساكت، بس خطرت في باله خطة شيطانية. عمر: عايزاني مموتش حبيب القلب؟ يبقى تعملي اللي هقولك عليه.

حياه من غير تفكير: موافقة، موافقة، أعمل أي حاجة، بس بلاش تأذي سيف، حرام عليك، ده غلبان. عمر شد حياه من شعرها لحد ما وقفت على رجليها. عمر: تعالي معايا. وشدها لبره على العربية. حياه واقفة هتموت من الخوف: إحنا هنروح فين. عمر: مش حابة تودعي سواقك قبل ما يموت. حياه انهارت في العياط: لا، نبي يا عمر، أنا مضيت على الأملاك كلها وهعمل اللي إنت عايزه، بس بلاش سيف، نبي. عمر: يبقى اسمعي كلامي للآخر. حياه هزت رأسها وسكتت.

وعمر ساق العربية وراح الشقة اللي كان بيسكر فيها بيجيب فيها ستات. حياه بخوف: عمر، إنت موديني على فين. عمر بيقرب منها وحياه بترجع بخوف. عمر: اقلعي. حياه بصدمة: 😳😳.