رواية حياة ظابطة الفصل الحادي عشر 11 - بقلم سما الحملاوي

وقفنا المرة اللي فاتت إن مراد اتنقل أوضة عادية. وبعد يومين وهو لسه في الغيبوبة. حياة: يا دكتور مراد بقاله يومين في الغيبوبة، هيفوق امتى؟ الدكتور: ربنا يسهل، العلم عند الله. ادعيله. حمزة دخل المستشفى هو ويونس ومعاهم نورا ويوسف وحازم. حمزة: ها يا آنسة حياة، في جديد؟ حياة: لا، لسه مافيش أي جديد. يونس: خير إن شاء الله. نورا: حياة، انتي كويسة يا حبيبتي؟ حياة: كويسة، ليه تعبتي نفسك يا نورا؟

نورا: إزاي بس، إحنا أخوات. أومال فين طنط وعمو وسارة؟ حياة: خليتهم يروحوا بالعافية عشان هما كمان تعبانين، وخليت سارة تروح معاهم تاخد بالها منهم. يوسف: يا بنتي روحي ارتاحي، انتي بقالك يومين قاعدة. روحي وإحنا معاه. حازم: أيوه صح، لازم ترجعي وإحنا معاه، ابقي تعالي تاني. حياة: لا، أنا بخير. مش همشي غير لما أخويا يفوق. يونس: يا آنسة حياة، انتي شكلك تعبانة أوي. إحنا معاه أهو.

حمزة: أنا ويونس هنفضل معاه، وانتي تعالي بيتي معاه بليل. نورا: يلا يا حياة، وأنا هاجي معاكي. حياة باستسلام: حاضر. تسريع الأحداث... راحوا، وحياة بدلت هدومها وكلت، واطمنت على أهلها. وقالت لسارة: "انتي هتخليكي معاهم وتاخدي بالك منهم". ودخلت قعدت تتكلم شوية مع نورا لحد ما نورا استأذنت ومشيت. وبعدها حياة راحت في نوم عميق. وصحيت الساعة 8. لبست ونزلت راحت المستشفى، لقت حمزة ويونس قاعدين وباين عليهم التعب.

حياة: آسفة بجد، تعبتكوا معايا. حمزة: تعب إيه، مراد أخونا. يونس: أيوه، وبعدين جيتي ليه؟ كنتي جيتي بكرة. حياة: لا، هقعد مع مراد، مش هسيبه. حمزة: طيب، مينفعش تباتي هنا. إحنا حاطين حراسة. لي أقعدي معاه زي ما انتي عاوزة، وأوصلك في الطريق. حياة: شكراً، أنا هطلب أوبر. يونس بضحك: يا بنتي، انتي مش بتقولي حاضر خالص؟ ههههه. حياة: ههههه، لا بقول، بس مش عاوزة أتعبكوا معايا. حمزة: ولا تعب ولا حاجة.

استأذنت الدكتور تخش لمراد، ودخلت تقعد معاه. حياة: مراد، أنا حاسة إنك سامعني. فوق يا مراد، بالله عليك فوق يا بطل. انت اتغربت عن بلدك 3 سنين عشان تقبض على المافيا العالمية، مافيا الصقر الأسود. يا مراد، انت بطل. فوق يا أخويا، فوق يا حبيبي. برا... حمزة: يونس، روح انت. أنا هروح حياة وأروح بعدها. يونس: حاضر. ولو في جديد قولي. حمزة: حاضر. وبعد شوية، حياة خرجت.

حمزة: 5 دقايق، خليكي هنا. هروح أستأذن الدكتور أخش لمراد وأرجع نمشي على طول. حياة: تمام. استأذن الدكتور ودخل لمراد. حمزة: إزيك يا صاحبي؟ فوق يا صاحبي، كمل فريقنا تاني. فوق، استنيناك 3 سنين ورجعت بطل. فوق بقا يا بطل، دا حتى كانو هيكرموك على إنجازاتك. لا، مش هحسد. هيكرموك تاني على إنجازك التاني. فوق يا صاحبي، إحنا محتاجينك معانا. أنا ويونس ناقص فريقنا واحد. أنا همشي وهرجع تاني، ويونس هيجيلك. سلام يا غالي...

حمزة خرج وراح لحياة. حمزة: آنسة حياة، يلا. حياة: حاضر. وراحوا يركبوا العربية. أول ما وصلوا... حياة بابتسامة: شكراً جداً يا حمزة باشا. حمزة بابتسامة: لا، شكراً على إيه. العفو. حياة: اتفضل اشرب فنجان قهوة. حمزة: لما مراد يفوق بإذن الله. حياة: إن شاء الله. مع السلامة. وخرجت من العربية. حمزة ابتسم ومشي بالعربية. حياة طلعت، وأول ما طلعت شافت مامتها قاعدة بتعيط وعمالة تدعي ربنا. حياة: إزيك يا حبيبي، عاملة إيه؟

آية: الحمد لله يا حبيبتي. عاملة إيه؟ وطمنيني على أخوكي. أنا كنت عاوزة أجي بس انتي قعدتيني. حياة: اتحسن يا ماما، ويومين وهيفوق ياحبيبتي، متقلقيش. آية: يارب يا حياة. أنا ماليش غيركوا في الدنيا. حياة: ربنا يخليكي لينا يا ماما. أومال بابا وسارة فين؟ آية: أبوكي نزل الجامع يصلي العشاء، وكلمتوه، قال إنه هيقعد مع عمو عبدالله (صاحب أحمد) . وسارة قاعدة عمالة تعيط. حياة: ماشي. لما يرجع نادي عليا، وأنا هخش أشوف سارة.

حياة دخلت تشوف أختها. حياة: مالك يا سرورة؟ سارة بحزن: مراد كويس يا حياة؟ حياة: أيوه كويس يا حبيبتي. سارة: طيب، هو فاق؟ حياة: لسه، بس إن شاء الله هيفوق. سارة: يارب. أنا بجد خايفة عليه. أنا شفت كل حاجة بعنيا. وقعدت تعيط. حياة خدتها في حضنها تهديها. حياة: اهدى يا سارة، هيفوق يا حبيبتي، متقلقيش. قعدت معاها شوية، وبعدها سمعت صوت مامتها وهي بتنادي عليها. خرجت هي وسارة لقوا باباهم. حياة: بابا، انت بخير؟

أحمد: أيوه يا حبيبتي، بخير. مراد عامل إيه؟ حياة: كويس، اتحسن كتير، وبإذن الله هيفوق قريب. أحمد بحزن: يارب يا بنتي. حياة: أكلتوا ولا لأ؟ آية: لا، كلنا يا حبيبتي. ثواني هجبلك أكل. حياة: لا لا، أنا هنام، أنا مش جعانة. أحمد وآية: ماشي يا حبيبتي. تصبحي على خير. حياة: وانتو من أهل الخير. ودخلت بدلت هدومها ونامت. وكمان أهلها دخلوا ناموا. عند فيلا الهواري...

حمزة دخل لقى أمه وأبوه ونورا قاعدين. حكالهم على اللي حصل، وفضلوا يدعوله إنه يفوق. وبعدها بدل لبسوا وقعدوا ياكلوا. وطلع قعد على السرير يدعي لصاحبه. وبعدها نام من التعب. في أوضة نورا... بعتت لحياة رسالة، بس ملقتش رد. ف عرفت إنها نايمة، ف قفلت التليفون ونامت. في فيلا يونس الهواري... يونس دخل لقى أهله قاعدين. سألوا على حالة صاحبه، فحكالهم. وكل وطلع بدل لبسوا، وقعد يقرأ قرآن لحد ما نام. .......

عدى الليل على أبطالنا بسلام. في بيت أحمد الدمنهوري... وتاني يوم حياة صحيت ولبست، وسارة كمان لبست. وأحمد وآية قاللهم يجوا على العصر كدا. وخدت سارة ونزلوا. وأول ما وصلوا المستشفى... لقوا الدكاترة بتجري والممرضات. حياة بخضة وقفت واحدة من الممرضات تسألها. حياة بخوف: في إيه؟ الممرضة: الظابط اللي جه من يومين متصاب، قلبه بيدي إشارة إنه قرب يقف. حياة وسارة بعياط ورعب: إييييييييه؟