رواية حياة ظابطة الفصل الثاني عشر 12 - بقلم سما الحملاوي

حياة وسارة بعياط ورعب. حياة: إيه بتقولي إيه؟ دخلوني ليه بسرعة. الممرضة: لا مينفعش حضرتك. حياة وهي بتجري: وسّعي كده أنا مش باخد رأيك. ودخلت وسارة وقعت مغشياً عليها من الصدمة والممرضات لحقوها. حياة دخلت جوا لمراد. حياة بعياط: مراد فوق يا حبيبي فوق، إحنا كلنا عاوزينك فوق. أنا عارفة إنك سامعني، فوق يلا يا حبيبي. الدكتور شاف إن مؤشرات القلب بدأت ترجع طبيعي، شاور لها إنها تكمل.

حياة: يلا يا بطل عشان تكرم على كل أفعالك البطولية، يلا يا حبيبي فوق. ورجعت مؤشرات القلب طبيعية والدكتور قال لحياة تخرج عشان يطمنوا عليه. وحياة خرجت وراحت تطمن على سارة وعرفت إنها فقدت وعيها. وراحت لها لقيتها فاقت. حياة: سارة حبيبتي، مراد بقى كويس، تعالي حتى هخلي الدكتور يخلينا نشوفه. وراحوا للدكتور وسمحلهم ودخلوا يشوفوا. سارة: مراد يلا فوق، يلا يا حبيبي فوق. مراد ساعتها حاول يفتح عيونه ويقاوم الضوء لحد ما فتح عيونه.

حياة بفرحة: مراد أخيراً فوقت. سارة: أنا هروح أقول للدكتور بسرعة يجي يشوفه. مراد: ح... حياة: قبضت على سامر. حياة: آه يا بطل متقلقش. والدكتور جه وقال لهم إنه بقى كويس بس هيفضل يومين كمان وبعدها يخرج. حياة اتصلت على أهلها وقالت لهم، واتصلت على نورا تقول لحمزة. وكلهم جم واطمأنوا على مراد. أية بعياط: حبيبي يا ابني، أخيراً فوقت. في حاجة بتوجعك؟ مراد: خلاص يا ست الكل، أنا كويس أهو، بتعيطي ليه دلوقتي.

أحمد: حمد الله على سلامتك يا حبيبي. مراد: الله يسلمك يا بابا. حمزة بهزار: إيه يا عم طلقة تعمل فيك كده؟ مراد: إيه اللي جاب الواد ده، خليه يمشي. يونس بتريقة: بس يا حمزة، مراد كان حابب يفصل عن الدنيا شوية فدخل غيبوبة كام يوم. 😂 مراد: اطلعوا برا انتوا الاتنين. أية: لا ده والله حمزة باشا ويونس باشا كانوا واقفين معانا وكانوا عمالين يدعولك. أحمد: آه والله ربنا يخليهم.

حمزة ويونس: أولاً يا أمي من غير باشا، إحنا زي مراد ولا إيه. ثانياً مراد أخونا وإحنا أصلاً مصدقنا إنه رجع. أية: طبعاً انتوا زي مراد. مراد: سارة حبيبتي، مالك قاعدة بعيد ليه؟ سارة بعياط: كنت خايفة عليك أوي. مراد: لا يا حبيبتي متخافيش، أنا أهو قدامك تعالي. وراحت له وقعدت جنبه. حمزة: بابا وحازم باشا هييجوا بليل يشوفك تكون ارتحت. مراد: تمام. هو محدش يعرف هخرج امتى؟ حمزة: ثواني هسأل الدكتور.

حياة: لا لحظة، أنا سألته وهو قالي كمان يومين. مراد: ليه؟ أنا بقيت كويس. أحمد: يا ابني أنت واخد رصاصة وكانت جنب القلب وكمان دخلت غيبوبة كام يوم، لازم تقعد تحت الملاحظة. مراد: ماشي خلاص، يومين يومين. أية: يلا يا حبيبي نسيبك ترتاح ونيجيلك كمان شوية. ووالده ووالدته خرجوا. حمزة: هنروح إحنا بقى ونيجيلك بليل. مراد: ماشي. وشكراً يا جماعة على وقفتكم مع أهلي. يونس: أنت عبيط يااض، إحنا إخوات. مراد: أجدع إخوات والله.

وبعدها مشيوا وفضل مراد وحياة وسارة. حياة: مراد، هروح أجيب لك حاجة تاكلها وأجي. مراد: ماشي يا حبيبتي. مراد: سارة. سارة: نعم. مراد: مالك؟ سارة: هما مين اللي كانوا عاوزين يخلصوا عليك دول؟ مراد: بصي يا ستي هحكيلك بس لما أخرج من المستشفى. سارة: ماشي. عدى النهار وجه الليل. في أوضة مراد، أحمد وأية وسارة وحياة قاعدين معاه. الباب خبط. أحمد: ادخل. حازم ويوسف ويونس وحمزة دخلوا.

يوسف: سلام عليكم يا جماعة. ازيك يا أستاذ أحمد. ازيك يا حياة يا بنتي. أحمد وحياة: الحمد لله يا يوسف باشا. يوسف: ألف سلامة عليك يا مراد. مراد: الله يسلم حضرتك يا يوسف باشا. حازم: حمد الله على سلامتك يا مراد. مراد: الله يسلمك يا حازم باشا. حمزة: أحسن دلوقتي؟ مراد: آه الحمد لله. يونس: يلا شد حيلك كده. مراد: بإذن الله. يوسف: كويس إننا اطمنا عليك. نمشي إحنا بقى. حازم: آه يلا. مراد: شكراً لزيارتكم.

يوسف: لا العفو، أنت زي حمزة ويونس عندي. حمزة: عايزة حاجة يا مراد؟ مراد: لا يا صاحبي تسلم. يونس: يلا هنبقى نجيلك تاني. سلام عليكم. الكل: وعليكم السلام. ومشيوا. عدى يومين وجه يوم خروج مراد من المستشفى. مراد خرج من المستشفى وعدى اليوم بسلام. وتاني يوم حمزة ويونس جم عشان يزوروا مراد في البيت وجم وقعدوا معاه. مراد: كله بيسأل مين اللي خطف سارة واللي كان عاوز يموتني. بصوا من 3 سنين لما جيت أسافر كانت مافيا black falcon

(الصقر الأسود) . إحنا الأول قضينا على مقرها هنا لأنها مافيا عالمية. وطبعاً أنا مكنتش معروف. فلاش باك. اللواء يوسف: مراد، أنت لازم تسافر أمريكا تقضي على مقر الرياسة لمافيا الصقر الأسود ومتظهرش هنا. إحنا هنقضي على المقر اللي هنا وانت هناك هتدخل وسطهم باسم مستعار لحد ما تقضي عليهم. مراد: أوامرك يا فندم. بس هقعد قد إيه؟ حازم: لا دي منقدرش نحددها دلوقتي. بس لازم يثقوا فيك عشان نعرف نقضي عليها. باااك.

وطبعاً وصلني خبر وأنا هناك إن سامر هرب وراح المقر الرئيسي. وأنا مكنش سهل عليا إني أدخل المافيا ويثقوا فيا بسرعة. بس في الآخر وثقوا ودخلت وسطهم. وطبعاً بتسألوا نفسكم ليه أخباري انقطعت. فلاش باك ٢. يوسف في التليفون: مراد، أنت بقيت في المافيا. لازم متتواصلش مع أهلك نهائياً وترمي تليفونك وخطك وتقفل كل حاجة عليه. مراد في التليفون: ليه يا باشا؟

يوسف: عشان المافيا لو شمت خبر بس هيخلصوا عليك وعلى أهلك. وحتى أنا مش هعرف أتواصل معاك. أنا هبعت لك واحد من قواتنا اسمه خالد، هو هيعرفك كل حاجة مع الوقت. متقلقش. وأهلك مينفعش يعرفوا حاجة عنك. المافيا مش سهلة يا مراد. باااك.

وفعلاً عملنا كدا وقضينا عليها وقبضنا على المافيا كلها. والقائد جه معايا واتصدر الحكم وهيُعدم. وبالنسبة للقائد ماسون ف هو قائد الاتجار بالمخدرات وسامر كان عاوز يطلعه. وبردوا هيُعدموا بكرة. وبكده قضينا على المافيا للنهاية. أية عيطت: حبيبي يا ابني. بطل. وحضنته. أحمد: ربنا يحميك يا ابني يا رب. سارة: يعني خلاص مفيش حاجة من دي تاني؟ مراد: لا خلاص. حياة: أخوياااا! أنت بقى تدربني على كل ده عشان أحمي البلد.

مراد: من عنيا. بس كده؟ هههه. بس حمزة باشا هو اللي هيدربك على كل حاجة عن المخابرات وأنا الدفاع عن النفس. حياة بتردد بسبب سرعتها: احم... حمزة باشا أنا آسفة مكنش قصدي. حمزة بأبتسامة: لا على إيه عادي. يونس: أنا بقى هدربك على مسك السلاح. جمدي قلبك معايا. 😂 مراد: أنت يااض أختي لو جرالها حاجة هقتلك. يونس: لا على إيه خد دربها انت. 😂😂 وفضلوا يضحكوا ويهزروا. وبعدها حمزة ويونس مشيوا.