رواية حياة ظابطة الفصل الخامس والثلاثون 35 - بقلم سما الحملاوي

مراد نزل تحت وجاب لنورا وحياه وساره شكولاتات كتيرة وحلويات وايس كريم وطلع لياسين وقالوا: "تعالى اقعد معانا وهات خالتو تقعد مع ماما." دخل أوضة ساره. مراد: "ساااااره." ساره بخضه: "ايييييه يابنيي انت؟ مراد بضحك: "روحي هاتي حياه ونورا وتعالو على الليفنج." ساره: "حاضر." قامت وراحت أوضة حياة وزقت حياة بالكرسي ونورا لبست الطرحة وخرجت معاهم. في الليفنج: حياه بأستغراب: "في ايه؟

مراد بأبتسامه: "جبتلكم كل حاجه بتحبوها ونقعد سوا نتفرج على فيلم جديد." ساره بفرحه: "هييييه يلا يلا ورينا." مراد بضحك: "هبله هبله مافيش كلام." نورا بهزار: "وياترى جبتلنا ايه بئا؟ حياه بضحك: "بركاتك يا ست نورا والله ما كان بيدخل علينا أنا والبت الغلبانة دي بكيس شيبسي بـ ٣ج حتى 😂." ساره بتمثيل مضحك: "اااااه والله ياختييي." نورا بمرح: "ياحبايبيي لييه كدا يامراااد 😂."

مراد بغيظ مضحك: "غنيتوا ورديتوا على بعض يلا أنا هاخد الحاجة وأقعد أنا وياسين ناكلها." ساره بسرعه وضحك: "ايه دا لا تعالى دا إحنا بنهزر." مراد: "أيوه كدااا." طلع ليهم الشكولاتة لكل واحدة وبقيت الحاجة وياسين نزل وقعد معاهم. ياسين: "سالخير عليكووو." هما: "سالنور ياخويا تعالى اقعد." راح وقعد جمب مراد. حياه بصوت عااالي: "وربنااااا ما حد هيشغل حاجة غير لما تفردوا الكنبة دي أتمدد عليها 😂."

مراد بزهق: "اترزعي ياحياه وانتي ساكتة 🙂." حياه: "قوم ياااااعم انت افرد الكنبة." ياسين بزهق: "قوم ياعم مش هنخلص." قاموا يفردوا الكنبة والبنات بتضحك. وبعدين مراد شال حياة وهي قالت بضحك: "حطني بزاوية ٩٠ درجة وبطريقة هادية على الكنبة بحيث اقعد وأنا مرــــــــ اااااااااااااااااه." قطع كلامها مراد اللي رزعها على الكنبة بس براحة. مراد ببلاهة: "كدا حلو صح." حياه بوجع: "ااااه يالي تنشك ضهرييي حد يعدلنيييي."

نورا بضحك: "استني استني." وعدلتها وساره قالت: "يلا بئا نتفرج على الفيلم." شغلوا الفيلم وهما عمالين يضحكوا بين تريقة مراد وياسين. ياسين بمرح: "شالله يوفقك يابت ياساره هاتي كيس الفشار." ساره بملل: "بس ياعم انت." ياسين: "بت هااااتي الكيييس." ساره: "تؤتؤ أنا باكله." ياسين بغيظ: "يوقف في زورك يارب." ساره شرقت وقعدت تكح جامد. نورا بضحك: "هي لحقت الدعوة توصل ليها." مراد بهزار: "اديها مايه أو سبيها تفطس."

حياه بضحك: "سيبوها تفطس." ياسين بمرح: "هات الفشار الأول." خدوا منها الفشار بسرعة وهي قامت تجري ورا ياسين ومراد. عدا الوقت وهما عمالين يضحكوا لحد ما جت الساعة ٢ بليل قاموا يناموا بئا. ياسين ونعمة طلعوا والباقي دخل ينام. في أوضة حياة قبل الفجر بدقايق. حلمت إنها في مكان كله ظلااام. في الحلم: حياه بخوف: "حد هنااااا ياناااااااس يالييي هنااااا." مافيش صوت فقط ظلام. شخص بصوت يكاد مسموع: "حياااااه اختااااري الطرييق الصح."

شخص تاني: "لييييه بتعمل كدااا." شخص بصوت مرعب: "موتـ*ـكم على ايدييي." حياه بدأت تجري فجأة حد مسكها وشدها وبدأ يخنقها بحبل. حياه بأختناق: "سيبنييي سيبنييي لااااا." الشخص: "هتمو*تي." حياه بأختناق وبصراخ: "لاااااا ابعد عنيييي أنا عملت اييييييه لااااااااا." خارج الحلم: حياه بأختناق: "لااااااااااااااااااا." نورا صحيت بسرعة والبيت كله صحي وأذان الفجر بدأ يأذن. نورا بخوف: "حبيبتي ردي عليا فوقي." فدخلوا كلهم لأوضة حياة.

ايه بخوف: "حياااه بنتي مااالك." أحمد بخوف: "هي مالها يانورا." نورا بدموع: "معرفش ياعمي أنا فجأة لاقتها بتصوت." ساره بخوف وجريت عليها: "حياه حبيبتي فوقي." مراد بقلق: "شوفيها كدا ياماما." راحت اية لحياة وبدأت تمسح دموعها بأيدها وعرقها. ايه بدموع: "حبيبتي اهدي كده طيب وفهميني." بدأت تمشي ايدها على شعرها وتقرأ لها قرآن. بعد شوية حياة فاقت وبصت على مراد وقالت بصوت يكاد يكون مسموع: "مراد تعالى." راح لها بسرعة وقعد جمبها.

مراد: "ايوه يا حبيبتي." حياه بدموع وحضنته. مراد قال لهم يخرجوا وهو هيتكلم معاها. خرجوا كلهم وهو قعد يمشي ايده على شعرها وقال: "قوليلي مالك بس." حياه بهدوء: "كانوا هيقتـ*لونى." مراد بحنيه: "احكيلي حلمتي ب ايه." حياه حكتله حلمت ب ايه وإنها سمعت صوته وهو حضنها وقال: "الله أعلم دا ايه بس أكيد دا من عقلك الباطن قومي نصلي وكله هيبئا تمام."

ساعدها مراد تتوضى وصلى هو وهي وهي هديت وخرج مراد ليهم وقالهالهم بس مش كل الحلم عشان ميقلقوش. أحمد: "أنا هدخل أتكلم معاها ادخلوا ناموا انتوا وأنا هنام معاها." كلهم وافقوا ودخلوا يناموا. دخلها. أحمد بحنيه: "حبيبة بابا." حياه بهدوء: "بابا اتفضل ياحبيبي." أحمد راح لها وحضنها ونيمها في حضنه وقال: "بقالنا كتير مقعدناش سوا." حياه: "أيوه فعلاً." أحمد

وهو بيمشي ايده على شعرها: "أول ما عرفت إن مامتك حامل في بنت بعد ولدين الفرحة مكنتش سيعاني هيجيلي قطعة من الجنة." حياه بصتله بتركيز. أحمد: "كمل." أحمد: "بعدها ومامتك في الشهر السادس شركتي دخلت في صفقة كبيرة وهي كانت شركة صغيرة دخلت الصفقة دي وكسبتها وشركتي ظهرت فجأة وعليت واتنقلت حياااتي تماماً." حياه بأبتسامه: "وبعدين."

أحمد بحب: "بعدها انتي جيتي وأول ما شيلتك وبصيت في عيونك الحلوين دول حسيت إن ليا حياة تانية جوا فسميتك حياة عشان تبئي حياة وكنت ديما شايلك ومش بسيبك." وأكمل بضحك: "لدرجة إن أمك كانت بتغير منك عشان ديما معايا بس كانت بتحبك أوي." حياه ضحكت جامد وقالت: "عشان كدا أنا حياتك." أحمد وهو بيبوس راسها: "انتي حياتي كلها."

بعدها بقيت بجيبلك لعب ولبس كتير وأول اسم قولتي هو بابا كنتي ديما معايا وكل يوم وجودك معانا الرزق بيزيد أكتر وأكتر وربنا فتحلي طاقة رزق كبيرة." حياه حضنته جامد وقالت: "بحبك يا أحن بابا في العاااالم." أحمد: "وأنا كمان بحبك ياحياتي كلها." حياه بأبتسامه: "عندي سؤال." أحمد بأبتسامه: "قولي." حياه: "اشمعنى سميت احمد أخويا احمد وانت اسمك احمد."

أحمد ضحك جامد وقال: "أمك ياستي أول ما اتزوجنا قالت هسمي احمد أحاول أقنع فيها مش راضية لأنها كانت بتحبني أوي وقررت تسمي احمد يعني احمد." حياه بضحك: "دا كانت بتعشقك بئا." أحمد بضحك: "أومال بقولك سمت ابنها على اسميي." حياه حضنته: "نام جنبي انهاردة." أحمد: "عيوني ليكي." حضنها أحمد وناموا سوا. دخلت عليهم إيه بعد شوية وشافتهم حاضنين بعض ونايمين باست راس أحمد وحياة وخرجت. تاني يوم في مبنى المخابرات. مراد قاعد سرحان.

حمزة: "مراد بص الملف دا كدا وــــسكت لما شاف مراد مش معاه أصلا." حمزة وهو بيهز مراد: "انت يااابنييي." مراد بخضه: "انت هنا من امتى." حمزة بص له شوية وفطس ضحك: "انت عقلك فين أنا بكلمك من الصبح 😂😂😂." مراد بستغراب: "محسيتش بيك خااالص." حمزة: "مين شاغل عقلك يا تعلب باشا 😂." مراد بهدوء: "حياه." حمزة سكت لما حمزة قام بسرعة: "مااالها حياااه." مراد بستغراب: "في ايه كويسه انت قمت كدا ليه."

حمزة بحرج: "ها لا بدا اتخضيت بس تكون جرالها حاجة ها مالهامراد حكاله على اللي حصل معاها امبارح." حمزة بشك: "طيب هي كويسه بس ايه معنى الحلم دا." مراد: "مش عارف والله." عند ساره خرجت من الجامعة وراحت على الشركة ودخلت مكتب يامن ودخلت راسها بس. ساره: "ادخل ولا لا 😂." يامن بضحك: "تعالي ياحبيبي." دخلت ساره وراحت قعدت على الكرسي. ساره: "بتعمل اييييه." يامن: "بشتغل ياستي يومك كان حلو." ساره: "اه كان حلو وــ."

قطع كلامها تخبيط على الباب. يامن: "ادخللل." السكرتيرة: "بشمهندس يامن بشمهندس احمد عاوزكم." يامن: "تمام جاين." خرجت ويامن وساره راحوا على مكتب أحمد. أحمد: "ازيك ياساره." ساره بأبتسامه: "الحمدلله يا اونكل ازي حضرتك." أحمد بأبتسامه: "بخير الحمدلله." يامن: "خير يا بشمهندس." أحمد: "المشروع دا عاوزك انت وساره تخلصوا سوا." يامن وساره: "تمام يابشمهندس." خرجوا من المكتب. في بيت عادل المنصوري والد ونس.

ونس انهاردة مرحتش الشركة. ونس قاعدة مع والدها وبتقول: "بابا هو الحب حرام." عادل بأبتسامه: "لا يا حبيبتي الرسول حب بل عشق ستنا خديجة رضي الله عنها ويوم وفاتها سمى العام بعام الحزن وعشق ستنا عائشه وطلب إنه يقعد في مرضه في بيتها وهو نايم على رجلها عمر الحب ما كان حرام لاكن إحنا نستخدمه صح." ونس: "ازاي." عادل: "إننا منعملش حاجة تغضب ربنا نمشي من غير ارتباط شرعي اللي هو الخطوبة وكدا فهمتي ياحبيبت بابا."

ونس حضنته وبوسته من خده: "حبيبي فهمت هقوم بئا أعملك الغدا." راحت تعمل الغدا وهو ابتسم وبص على صورة على الحيطة وقال: "بنتك كبرت يا آيات وشكلها بدأت تحب اهي وهنفرح بيها بحب يا آياتي الله يرحمك." عند حياة قاعدة في أوضتها بتدعي وقالت: "يارب اعمل العملية وأخف بئا خلاص فاضل ١٠ أيام ياااارب انت اللي عالم بحااالي." في مكان ما. شخص الأول: "تتعالج بس وهظهر لهم على طول." شخص تاني: "هتعمل إيه في الفترة دي."

شخص الأول: "هخوفهم شوية." بعد مرور ١٠ أيام. حياه في أوضة بتجهز للعملية. وهي ماسكة ايد أحمد: "أنا قلقانة يابابا." أحمد: "حبيبتي انتي مؤمنة بقضاء ربنا وإن شاء الله خير." كلهم حضنوها وخرجوا ودخل حمزة وقالها: "حياه لازم تبئي قوية وانتي هتخرجي كويسه متقلقيش ثقي في ربنا." دخلوا الممرضات جهزوها وخرجت حياة لأوضة العمليات. بعد مرور ٤ ساعات داخل العمليات وكله قاعد متوتر. الدكتور خرج بأرهاق.

جريوا عليه: "هاا يادكتور النتيجة إيه." الدكتور: "***********"