رواية حياة ظابطة الفصل الرابع عشر 14 - بقلم سما الحملاوي

في بيت حياة ... يوم الخميس الصبح الساعة 10. "اية" اصحي يلا ياحياة عشان نجهز لحفلة أخوكي. يلا ياحيو. "حياة" امممم سبيني 5 دقايق. "اية" لا يلا اصحي. "حياة" اهووو صحيت ياماما. "اية" يلا قومي اغسلي وشك. "حياة" وهي بتقوم حاااضر اهو. دخلت أخدت شاور عشان أفوق وغسلت سناني وخرجت لقيت بابا بيقرأ الجرنال وماما بتحضر الفطار. "حياة" أومال فين سارة ومراد؟ "احمد"

مراد نزل يجيب حاجة من تحت وسارة نايمة، وانتي بس اللي بتعرفي تصحيها. يلا ادخلي المعركة 😂. "حياة" والله ياحجوج انتي عسل. هدخل بس عشان خاطرك 😂. دخلت أصحي سارة كالعادة نايمة وواخدة السرير بالحضن بطريقة تضحك 😂. "حياة" سارة يلا قومي ياسارة قومي يلا وهجبلك بيبسي. "سارة" بنوم اششش سيبيني خمسة بس خمسة. "حياة" لو مصحتيش دلوقتي هرشك بالميه. "سارة" مردتش. "حياة" والله العظيم أجيب الميه بجد. "سارة" بنوم

اششش روحي اشربي بعيد عني وسيبيني أنا أنام. دخلت جبت ميه ورشيتها عليها وصحيت. "سارة" عااااااا كح كح. إيه الغب*اء دا في حد يصحي حد كدا. "حياة" وفي واحدة تنام شبه العربية النقل المقلوبة على الطريق 😂. "سارة" غوري من قدامي بس ما أضربك. "حياة" اشششش يلا تعالي عشان نجهز لحفلة أخوكي. "سارة" جاية اطلعي بره. خرجت لقيت مراد جه. "حياة" إزيك يامراد جرحك عامل إيه؟ "مراد" الحمد لله. بقولك تعالي أقولك حاجة. "حياة" حاضر.

دخلنا البلكونة. "مراد" عيد ميلاد سارة 19 كمان 3 أيام. "حياة" ااااه تصدق كنت ناسيه. "مراد" لا ياختي أنا فاكر. عموما عاوزين نعملها مفاجأة. "حياة" اشطا نعمل إيه. "مراد" ************* "حياة" حلوة الفكرة. وبعدها دخلنا فطرنا وقعدنا شوية وقومنا نجهز الحاجات اللي هنلبسها عشان الحفلة الساعة 5. في فيلا يوسف الهواري... في أوضة حمزة... صحيت على المنبة وقمت خدت شاور ولبست ترنج رمادي ونزلت لقيت كله صاحي وماما بتجهز الفطار.

قعدنا فطرنا. بعدها لما خلصنا خرجنا نقعد في الجنينة. "يوسف" حمزة جهز نفسك عشان حفلة مراد الساعة 5 أنا هاجي معاك. "حمزة" حاضر يابابا. "نورا" حموزي ممكن أجي معاك حياة قالتلي. "حمزة" حموزك 😂 ماشي ياستي تعالي. "نورا" أحلى حموزه دا ولا إيه 😂. "حنان" البت دي بكاشة كدا ليه. "يوسف" بس محدش ليه دعوة بنوري حبيبتي. "نورا" حبيبي يابابتي 😂. "حنان" يوسف ممكن أروح لأيمان أقعد معاها انهاردة. "يوسف" ماشي روحي ياحبيبتي. "حمزة"

بابا أنا هقوم أعمل تمرينات عن إذنك. "يوسف" ماشي ياحبيبي. "نورا" وأنا هقوم أجيب الفون. "حنان" ماشي ياحبيبتي. "حنان" أنا هقوم أروق البيت. "يوسف" بهدوء حنان انتي ليه مش راضية تجيب خدامة؟ "حنان" لا يا يوسف أنا بحب أعمل كل حاجتي لوحدي وأشتغل في بيتي بنفسي. "يوسف" ماشي ياحبيبتي أنا بس مكنتش عايز أتعبك. "حنان" لا أنا مش تعبانة. يلا أعملك فنجان قهوة. "يوسف" ماشي اعملي. في فيلا احمد الهواري... في أوضة يونس...

صحيت خدت شاور ولبست ترنج أسود ونزلت لقيت الكل قاعد على السفرة. "احمد" عيوشه اطلعي ياحبيبتي نادي ليونس يجي يفطر معانا. "عائشة" حا... لسه هتتكلم أنا اتكلمت. "يونس" أنا جيت يا حج أهوه. "احمد" صباح الخير يلا تعالى افطر. "يونس" حاضر. "يونس" أنا ورايا حفلة تكريم لمراد النهاردة. "احمد" تمام ربنا يوفقكوا يارب. "ايمان" ربنا معاكوا ياحبيبي. "يونس" يارب. "ايمان" أخبار جرحوا إيه؟ "يونس" كويس الحمد لله. في بيت حياة الساعة 4...

مراد لبس بدلته الميري وسرح شعره بطريقة حلوة وحط البرفيوم المفضل بتاعه. حياة لبست دريس زيتي حلو أوي بفيونكة صغيرة من الضهر مع طرحة أوف وايت مع جزمه أوف وايت كعب قصير وحطت ميكب خفيف. سارة لبست دريس بيبي بلو سيمبل مع طرحة بيضة وحطت ميكب خفيف مع جزمه بيضه كعب قصير. احمد الاب لبس بدلة سوده مع جزمه سودا. اية الام لبست تونيك رمادي شيك مع طرحة أوف وايت. "مراد" يلا يا جماعة خلينا ننزل. "حياة" يلا أنا جهزت. "سارة" وأنا.

"احمد واية" واحنا. "مراد" أنا وحياة وسارة في عربيتي بس انتي ياحياة اللي هتسوقي معلش وبابا وماما في عربيتهم يلا. "حياة" لا عادي ياحبيبي. ونزلوا ركبوا العربيات واتحركوا. في فيلا يوسف الهواري... حمزة لبس بدلة الميري مع جزمه سودا وسرح شعره بطريقة شيك وحط برفانه المفضل. نورا لبست دريس أوف وايت مع طرحة نفس اللون وجزمه سودا كعب وحطت ميكب خفيف. في فيلا احمد الهواري...

يونس لبس البدلة الميري وسرح شعره لورا بطريقة جذابة وحط البرفيوم المفضل عنده. في الحفلة... كان حازم ويوسف باشا واقفين على البوابة مستنين رئيس جهاز المخابرات المصرية. وشوية ومراد وأهله جم وحمزة ويونس ونورا دخلوا قعدوا على طربيزة مخصصة ليهم ووقف على البوابة في المقدمة يوسف باشا وجنبه حازم باشا وبعدهم مراد وبعدهم حمزة ويونس.

وبعد شوية عربيات الشرطة وصلت بتشريفة كبيرة للرئيس وكلهم قاموا بتأدية التحية باحترام وسلم على مراد. "الرئيس" انت بطل يامراد وقدرت تقضي عليهم فعلاً انت شجاع. "مراد" باحترام وأدى التحية كله بفضلكم يافندم ويارب ديما أكون عند حسن ظنكم. وقفوا على المسرح. وراح مراد وقف قدام الرئيس وأداله شهادة ودرع التكريم وراح الرئيس يتكلم في المايك. "الرئيس"

أشكركم على مجهوداتكم وأشكر الرائد مراد احمد الدمنهوري على قيامه بهذه المهمة ونجاحه بمهمة صعبة زي دي تمنياتي لكم جميعاً بالتوفيق والنجاح الدائم. راح مراد للمايك يتكلم هو كمان. "مراد"

أولاً بقدم شكري ليكم جميعاً بدايتهم بسيادة رئيس قسم جهاز المخابرات وكل زملائي اللي ساعدوني في المهمة دي وأحب أقول كمان حاجة إن لولا وقفة ربنا جنبي ودعم أهلي مكنتش وصلت للمكان اللي أنا فيه دا وبدعي كمان لأخويا احمد الدمنهوري بالرحمة وشكراً وبالتوفيق لنا جميعاً.

ونزل وأدى التحية ليهم كلهم ونزل سلم على يوسف وحازم باشا وبعدها الصحافة جت واتكلمت معاه وخدتوا كذا صورة بكذا وضعية وصورة مع الرئيس ويونس وحمزة ويوسف وحازم وأهله كمان. وقعدوا كلهم مع بعض في فرحة أهله وأصحابه. وبعد ساعتين في الحفلة رجعوا البيت وهما فرحانين ليه جدا.