رواية حياة ظابطة الفصل الثالث عشر 13 - بقلم سما الحملاوي

في بيت حياة صحيت الساعة 11، خدت دش ولبست بيجامة عليها كيتي وخرجت. لقيت مراد صاحي وبابا راح الشغل. (والد حياة شغال، بس هو كان بيشتغل الفترة اللي فاتت من البيت. هو عنده شركة كبيرة للاستيراد والتصدير وشريكه في الشركة هو عبد الله، وهو صديق عمرو) وماما نايمة لسه. حياة: مراد صحيت ليه؟ مراد: تعبت من قعدة في السرير. حياة: طيب ما هو لازم عشان جرحك. وكمان بكرة تكريمك. مراد: اوبببس، نسيت الموضوع ده نهائي.

حياة: خلاص اطلب منهم يأجلوها عشان جرحك. مراد: لا لا، أنا تمام. أنتي مش وراكي تدريب؟ حياة: لا مش ورايا. كان عليك أنت تدريبي النهاردة، بس هبدأ التدريب السبت الجاي إن شاء الله. مراد: ماشي حبيبتي. حياة: هقوم أعملك فطار وأشوف ماما وسارة. مراد: سارة قبل ما تصحي بشوية راحت الجامعة. حياة: آه طيب، هشوف ماما. دخلت أشوف ماما لقيتها صحيت وبتروق الأوضة. حياة: ست الكل، عاملة إيه؟ آية: طول ما أنتوا بخير يا حبيبتي، أنا بخير.

حياة: ماشي يا حبيبتي، هروح أعمل لكم الفطار. روحت وعملت الفطار وقعدنا فطرنا. عند سارة في الجامعة سارة: يلا يا هدى بسرعة نخش المحاضرة. هدى: حاضر، يلا نخش. ودخلنا المحاضرة. في فيلا يوسف الهواري في أوضة حمزة صحيت ودخلت خدت شاور ولبست قميص أبيض وبنطلون أسود وسرحت شعري ورشيت من البرفان بتاعي ونزلت. حمزة: صباح الخير يا جماعة. الكل: صباح النور. نورا: حمزة ممكن تاخدني في طريقك توديني شركة عمي أقدم فيها؟

(أحمد الهواري، والد يونس، عنده شركة هو ويامن شركة معمار كبيرة) حمزة: ماشي، بس ليه؟ نورا: مش عاوزة أضيع عليا 4 سنين من عمري كده. حمزة: ماشي، يلا تعالي. حمزة: ماما، هو بابا مشي؟ حنان: آه مشي. حمزة: طيب أنا هوصل نورا وأمشي. وأنا بكرة هرجع البيت تاني، كفاية أسبوعين كده. حنان: ليه يا حبيبي؟ حمزة: عادي بقى يا حبيبتي، يلا همشي. حنان: بالسلامة يا ابني، خلي بالك من نفسك يا نورا. نورا: حاضر. وخدت نورا ونزلت.

في فيلا أحمد الهواري في أوضة يونس صحيت خدت دش ولبست قميص كحلي وبنطلون أبيض وسرحت شعري ورشيت برفان ونزلت. لقيت بابا مشي الشغل وماما بتنضف البيت. يونس: صباح الخير يا ماما. إيمان: صباح الفل يا حبيبي. يونس: فين أش ويامن؟ أش: أنا هنا يا بييه، راحة الجامعة، ورايا محاضرتين. يونس: طيب يلا أوصلك. أش: ماشي يلا. يامن: نزلت بسرعة، صاحي متأخر أصلاً. لقيت يونس في وشي. يامن: وسع يا يونس، أنا متأخر أصلاً. يونس: اهو وسعت.

نزلت وركبت العربية وببص لقيت العربية مفيهاش بنزين. يامن: ينهار ضرب، أويييي. لقيت يونس بيركب العربية بتاعته. يامن: يونس، يونس، يونس! يونس: أييييه، عارف إن اسمي يونس، إيه؟ يامن ضحك: خدني في طريقك عشان عربيتي مفيهاش بنزين. يونس بزهق: هو نهار باين من أوله، اركب خليني أوصلكم. يامن: حبيبي يا خويا. أش: يلا يا بييه يونس، هتأخر. يونس: خدام معاليكوا، يلا هنمشي أهو. فكريني أقول لبابا يجيب لك عربية، وأنتي كدا كدا بتعرفي تسوقي.

أش: يارييييت. يامن: أش، أول ما تركبي العربية هتجيبي خبرها. 😂 يونس: آه والله عندك حق. 😂😂 أش: نينيني. 😂 وضحكوا ويونس وصل أش. يامن: اطلع على الشركة بسرعة، أبوك هينفخني. يونس: في إيه يا ابني؟ يامن: في ملف لازم أسلمه لأبوك قبل الميتنج، والميتنج فاضل عليه ربع ساعة. يونس: لا جدع. 😂 يامن: اضحك، اضحك، ما أنت مش حاسس. ويونس وصلوا وشاف حمزة نازل من عربيته. يونس: حمزة، بتعمل إيه هنا؟

حمزة: نورا عاوزة تشتغل، قالت هتيجي الشركة هنا. يامن: ازيك يا حمزة. طيب يلا يا نورا معايا. ودخل ومعاه نورا. حمزة: ماله ده، في إيه؟ يونس حكاله وقعدوا يضحكوا، وبعدها راحوا شغلهم. في كلية سارة سارة: يلا يا هدى، أنا تعبت وعاوزة أمشي. هدى: أشطا، يلا. سارة: أخوكي هناك أهو. هدى: تعالي نوصلك في طريقنا. سارة: لا شكراً ياسطا. هدى: على راحتك، رنيلي لما توصلي. سارة: أشطا، باي. هدى: باي. في كلية أش

خلصت المحاضرات بتاعتها وراحت مع ياسمين صحبتها الكافيه بتاع الجامعة. أش: جبنا قهوة ومشينا. ياسمين: أش، هروح الحمام وارجع، خليكي هنا وخلي القهوة معاكي. أش: أشطا. فضلت أتمشى حوالين المكان، لقيت حد لبس فيا ووقع عليا القهوة. أش: إيه يا بني آدم يا غبي إنت، مش تفتح ولا ماشي أعمى؟ أدهم بهمس: استغفر الله على دا لسان. اسف يا آنسة، مكنتش أقصد، بس أنتي اللي بتتمشي مش واخدة بالك.

أش: والللله، يعني أنا اللي غلطانة. امشي من وشي بدل والله أضربك. أدهم: أنا ساكتلك من الصبح، بس أنتي زودتيها. وقلتلك اسف، خلصنا. أش: أصرفها منين، اسف وإنت بوظتلي هدومي. أدهم: تعالي معايا أشتري لك غيرها. أش: وانت مين إنت عشان تجبلي هدوم؟ أدهم: استغفر الله، أنتي عاوزة إيه دلوقتي؟ جت ياسمين: في إيه يا جماعة؟ مالكم؟ أش: استني إنتِ. مش عاوزة حاجة، واتفضل امشي. أدهم: أحسن. ومشي. ياسمين: في إيه بقى؟ أش حكتلها اللي حصل.

عند بيت حياة حياة: ماما، بكرة مراد وراه حفلة تكريم وكلنا هنحضر. آية بفرحة: بجد، ألف مبروك يا ابني. مراد: الله يبارك فيكي يا ست الكل. حياة: أنا هقوم أجهز الغدا. آية: اصبري يا حبيبتي، هاجي معاكي. حياة: دخلت أجهز الغدا أنا وماما وسارة جت غيرت وراحت تقعد مع مراد وبابا. بعدها بشوية جه وقعدنا اتغدينا وجهزنا كلنا لحفلة بكرة. في فيلا يوسف الهواري متجمعين كلهم أهل يونس وأهل حمزة.

يوسف: حمزة، يونس، حفلة تكريم مراد بكرة وكلنا هنحضر. حمزة: ماشي يا بابا. يونس: ماشي يا عمي. وقعدوا سوا وقت جميل.