رواية حياة ظابطة الفصل الثالث والعشرون 23 - بقلم سما الحملاوي

وقفنا لما مراد شاف حاجة. مراد: إيه ده؟ مش دي نورا واقفة كده ليه؟ ونزل يشوفها. مراد: نورا، إزيك؟ نورا: أهلاً، إزيك يا مراد؟ بتعمل إيه هنا؟ مراد: كنت بجيب سارة، بس روحت. إنتي بتعملي إيه هنا؟ نورا: بنزين عربيتي خلصت ووقفت أشوف تاكسي. مراد: طب تعالي أوصلك، في طريقي. نورا: لا لا، تسلم. مراد: يا بنتي تعالي، هو أنا هاكلك؟ نورا بضحك: ههههه، لا خلاص، هاجي يلا. ههههه. مراد: يلا طيب. ههه.

ركبت معايا واتحركنا. واتصلت بحمزة، كان مقفول. نورا: يوه، وقته قافلة. مراد: في إيه؟ نورا: بتصل بحمزة عشان ييجي ياخد العربية، تليفونه مقفول. مراد: أنا رايح أجيب حياة، هيكون هناك. نورا: تمام. في مبنى المخابرات المصرية. عند حياة وحمزة. حمزة اندمج جامد وعمل حركة في رقبة حياة تخليها تفقد الوعي. حياة: آآآه. وفقدت الوعي. حمزة بخضة: حياة! حياة! فوقي يا بنتي. ورفعها وفوقها. حياة وهي بتستوعب: آآه، هو إيه اللي حصل؟

حمزة: اندمجت شوية وضربت حتة في رقبتك تفقدك الوعي. حياة بضحك: ههههههه، إنت إيه؟ ههههه، غشيم أوي يا باشا. ههههههه. حمزة بيضحك على ضحكها: أنا آسف والله. ههههه، كان المفروض أعلمها لك، بس بكرة إن شاء الله هعلمها لك. بس إنتي كويسة؟ حياة: أنا تمام الحمد لله. متندمجش تاني بقى يا باشا. هههه. حمزة وسرح في ضحكتها. بيكلم نفسه: قد إيه ضحكتها حلوة. وفاق على صوتها. حياة: إحنا كده خلصنا؟

حمزة: ها، آه. كده تمام. بكرة نكمل إن شاء الله. حياة: إن شاء الله. وقامت عشان تستعد. عند سارة ويامن. يامن: أنا نسيت صحيح، إنتي في سنة كام؟ سارة: في أولى. يامن: اممم، ربنا معاكي يا رب. سارة: تسلم، شكراً. يامن: وصلنا. سارة: شكراً جداً، تعبتك معايا. يامن: لا، ولا يهمك. تعبك راحة. سارة ابتسمت بخجل. سارة: طيب، أنا... أنا هنزل بقى، وشكراً مرة تانية. ونزلت. سارة بهمس لنفسها: آآآآه، إيه الجمدان ده؟ آآآآه... أنا بقول إيه؟

لا حول الله. هههه. عند يامن في العربية. يامن لنفسه: يخربيت جمالهاااا. آآآآه، أنا عايز أخطب البت دي. هههه. في مبنى المخابرات. عند يونس. يونس لنفسه: قد إيه ونس دي حلوة أوي، حتى اسمها ونس. ونس، اسمها حلو أويييي. قطع تفكيره تخبيط على الباب. يونس: ادخل. دخلت حياة. حياة: يونس باشا، فين مراد؟ يونس: راح يجيب سارة. حياة: آه، تمام. يونس: بس قال جاي تاني عشان ياخدك. حياة: تمام. هخرج أستنى برا. وخرجت. حمزة جه شافها.

حمزة: ما روحتيش ليه؟ حياة: مراد راح يجيب سارة وجاي تاني. حمزة: آه، تمام. معلش، هروح أعمل حاجة وأجي تاني. حياة: طبعاً، اتفضل. مشي حمزة. وقعدت حياة تدندن أغنية. "عادي أهي خلصت زي ما كل حكاية بتخلص إيه اللي هيجرى وإيه اللي هينقص ف لو إحنا مكملناش وأنا هتعود وأنت كمان لازم تتعود عمر البعد ما كان بيموت أهي دنيا ولازم تتعاااااش" حمزة كان واقف وسمع صوتها ومحبش يقطعها، وصوتها عجبه جداً. حمزة: ما شاء الله، صوتك حلو أوي.

حياة بخضة: ها؟ إيه؟ حضرتك سمعتني؟ حمزة: أولاً، أنا كنت جاي جايب لك قهوة معايا، فسـمعت صوتك ومحبتش أقاطعك. بس ثانياً، بطلي تقولي باشا وحضرتك، قولي حمزة عادي. حياة: شكراً ليك جداً، وحاضر هقول عادي. حمزة: طب خدي القهوة بقى. حياة بابتسامة: شكراً لحضرتك. تسريع الأحداث... مراد جه ونورا راحت مع حمزة، وحياة مشيت مع مراد، ويونس روح مع حمزة ونورا. في بيت أحمد الدمنهوري. حياة ومراد بدلوا لبسهم وقعدوا يتغدوا كلهم.

حياة وهي بتاكل افتكرت لما حمزة جاب لها فقدان الوعي، انهاردة وضحكت جامد. الكل استغرب. أحمد: مالك يا حياة؟ حياة بضحك: اصل... اصل انهاردة حمزة بيعلمني حاجة. إني أضرب منطقة معينة في الرقبة تفقد الوعي، ف... اندمج أوي ضربني فقدت الوعي، ولما صحيت قعدت أضحك. نعمة وآية: يا حبيبتي، وإنتي بخير. حياة: في إيه؟ أيوه بخير الحمد لله. مراد: حمزة بيندمج بسرعة برضه. سارة: تستاهلي. حياة: تصدقي يا بت يا سارة إنك مستفزة.

كله قعد يضحك وخلصوا أكل وقاموا يقعدوا مع بعض في الليفنج. حياة: تعالي نكلم ياسين فيديوا كول. نعمة: يلا، اتصلي يا حبيبتي. اتصلوا بيه. ياسين: ازيكم؟ وحشتوني أوي. كلنا: الحمد لله، وإنت عامل إيه؟ وحشتنا بردوا. ياسين: أنا بخير الحمد لله. أحمد: هترجع إمتى؟ ياسين: كمان 5 أيام بإذن الله. نعمة: ترجع بالسلامة يا حبيبي. ياسين: تسلمي يا ست الكل. مراد: خلصت أوراق النقل؟ ياسين: بخلص فيه بإذن الله. خلصوا مكالمة معاه وقفلوا.

في مكان هنعرفه مع الحلقات. مجهول 1: لازم نخلص الموضوع ده بسرعة. مجهول 2: أعمل إيه يعني؟ منا بحاول أخلص بسرعة، ويشك فيا. مجهول 1: المهم، جبتي الراجل اللي اسمه***؟ مجهول 2: معايا. ودخلوا الراجل. مجهول 1: نورتنا والله. اسمع يالا، اللي هنقولك عليه يتسمع من غير نقاش، وإلا أدفنك مكانك. الراجل: في إيه؟ إنتو عايزين مني إيه؟ مجهول 1: عايزينك تجيب لنا كل حاجة تخص ****، ولازم نوقعه، وإلا إنت وأهلك هنقول عليكم يا رحمن يا رحيم.

الراجل: لا، أنا عمري ما أقدر أخون ****. مجهول 2: ولااا، مش ناقصين صداع. لو معملتش كده هتكون ميت إنت وأهلك. افتكر أمك التعبانة. الراجل: طب طب، أرجوكم سيبوني، ومحدش هيعرف إني أعرفكم. مجهول 1: أنا قولت اللي عندي. ولو نفذت مش هيبقى ليك علاقة تاني بالموضوع وهتعيش ملك. الراجل: لااااا، عمري ما أعمل كده ومش عايز حاجة. لاااا. مجهول 1: يبقى إنت اللي جنيت على نفسك. خدوه، واعملوا معاه الواجب لحد ما يوافق.

خدوه وفضلوا يضربوا في الراجل وهو يقاوم لحد ما سبوه مرمي في مخزن ما. في فيلا يوسف الهواري. بعد ما أخد حمزة نورا، راح على الفيلا وسلم على والدته. وطلعت نورا تبدل هدومها ونزلت. حمزة: نوران. نورا: نعم يا حمزة. حمزة بمحبة: عاملة إيه في الشغل؟ نورا: بخير الحمد لله. حمزة: الحمد لله يا حبيبتي. حنان: يلا يا ولاد، الأكل جهز. قاموا يتغدوا وكان معاهم يوسف كمان. بعد ما خلصوا الغدا في جو أسري جميل، راحوا يقعدوا في الليفنج.

يوسف بجدية: ها يا حمزة، حياة قد المهمة دي؟ حمزة: أيوه يا بابا. تدريبها كويس، وهي سريعة في التفكير، ذكية يعني. ما شاء الله عليها. يوسف: تمام، كويس. ربنا يحميها. نورا بهزار: أنا أصلاً صاحبتي قمر. الكل: هههههه. حنان: وإنت يا حمزة، رايح المهمة دي؟ حكولها على كل حاجة. حنان ونورا: ربنا معاكم يا رب ويوفقكم. قعدوا مع بعض وقت لحد ما حمزة قال إنه هيروح. حمزة: أقوم أنا بقى أتوكل على الله. يوسف: خليك النهاردة.

حمزة: لا، هروح بقى يا بابا. حنان: طب ابقى تعالي كل يوم اتغدى معانا. حمزة: إن شاء الله يا حبيبتي. وسلم عليهم وعلى نورا وخرج. ركب عربيته ومشي. في فيلا أحمد الهواري. يونس بعد ما روح بدل هدومه ونزل على تحت. يونس: فين عائشة يا ماما؟ إيمان: فوق يا حبيبي. يونس: طب هطلع لها. وطلع لأخته. طق طق طق. عائشة: ادخل. دخل يونس. يونس بمحبة: الجميل بيعمل إيه؟ عائشة: بذاكر يا أبي. يونس: اممم، ربنا معاكي يا حبيبتي. هسيبك أنا.

عائشة بصوت مخنوق: أبي، ممكن تقعد معايا. يونس بقلق: مالك يا عائشة؟ قعد جمبها. يونس: مالك بقى؟ عائشة: إنت عرفت منين إني زعلانة؟ يونس: أنا عارف أختي كويس. مالك بقى؟ اترمت في حضن أخوها وعيطت. يونس بقلق زايد: مالك بس يا حبيبتي؟ بتعيطي ليه؟ اهدي. عائشة بعياط: إنت مبقتش تقعد معايا، ويامن مش قريب مني، وأنا مريت بمواقف رخمة الفترة اللي فاتت.

يونس حضنها: أنا آسف يا حبيبتي. حقك عليا، بس كنت مشغول. اهدي ومتعيطيش. ويامن، إنتي عارفاه. وإيه المواقف بقى الرخمة؟ عائشة بعيون حمرا من البكا: في واحد اسمه أدهم... حكت له اللي عمله في أول مقابلة ليهم، ويوم العربية، وبعد كده المول، ولما جالها الجامعة. يونس: طب يا حبيبتي، متزعليش. والله حقك عليا ألف مرة. ولو ضايقك تاني قولي. وكمان ما إنتي بتهزقي أخوه.

يامن كان معدي من جنب باب الأوضة وشاف عائشة بتعيط، دخل بقلق يشوف فيه إيه. يامن بقلق: إش حبيبتي، في إيه؟ بتعيطي ليه؟ عائشة: كنت زعلانة شوية. متقلقش. يونس: إش حبيبتي، البسي هنخرج إحنا التلاتة. وإنت يا يامن، تعالى معايا. يونس خد يامن ونزل الجنينة. وعائشة دخلت تغسل وشها وتشوف هتلبس إيه. يونس: يامن، إنت بعيد عن أختك و... وحكاله على اللي عائشة قالته. يامن: حاضر يا يونس. هصلح من كل ده. متقلقش. دخلوا يلبسوا كلهم عشان يخرجوا.

خلصوا وخرجوا. أحمد: على فين أومال؟ يونس: هنخرج يا حجوجي. يامن: متيجي يا بابا إنت وماما. يونس بهزار ومشاكسة: لا يا ابني، سيب أبوك خلاص. الراجل كبر، ومنها يقعد مع الحجة شوية. أحمد: امشي يا كلب. عائشة: معلش يا بابا، سيبك منهم. إنت سيد الشباب كلهم. أحمد: والله إنت اللي فيهم كلهم يا عيوشة. إيمان: لا والله. يامن: يلا يا شباب، شكل الحجة ماما هتتحول. نسيبك إحنا يا حج. سلام. وخرجوا وهما بيهزروا. إيمان: بقى هي اللي فينا كلنا؟

أحمد: دا إنتي الكل في الكل. وضحك وقعدوا سوا. عند يونس ويامن وعائشة. راحوا في كافيه وقعدوا شوية، وبعدها راحوا يتمشوا على الكورنيش. يونس: مبسوطة يا إش؟ عائشة بحب لأخوها: مبسوطة جداً. يامن بحب لأخته: ديما يا روحي مبسوطة. عائشة: ربنا يخليكوا ليا يا رب. قعدوا شوية وبعدها قاموا روحوا. عدى الليل عليهم في سلام، ومنهم اللي بيخطط لأذية حد، ومنهم اللي نفسه يوصل لشخص حبه، ومنهم اللي لسه متأكدش من حبه.

تعدي الأيام ويجي يوم رجوع ياسين، ويبقى فاضل على مهمة الأبطال يوم. في المطار. ياسين: يااااقوووم. سلموا عليه، وكان معاه جيسيكا. وسلموا عليها، وبعدها ركبوا العربيات ومشوا. ياسين وجيسيكا، وأحمد وآية، ونعمة روحوا البيت. ومراد وسارة وحياة راحوا يوصلوا سارة الشركة ويروحوا الشغل. في مبنى المخابرات. يوسف: حياة، انهاردة الفجر هتروحي تعملي المهمة، وحمزة اللي هيوصلك. حازم: هتروحي انهاردة جنب البرج اللي عايش فيه و...

(هتعرفوا مع الأحداث) حياة: تمام يا باشا. يوسف: جاهزة يا حياة؟ حياة: جاهزة يا باشا. حازم: طب يلا يا أبطال. خرجوا كلهم وروحوا. في شركة يامن. راحت سارة مكتب يامن والمشروع خلص وسلمته. وهي حالياً بتتدرب. ورندا اتطردت من عند نورا، بس جتلها تاني تعتذر. رندا بخبث: بشمهندسة نورا، أنا بعتذر جداً على اللي حصل. والله ما هيتكرر تاني. نورا بتفكير: خليكي هنا. ومشت راحت مكتب يامن. يامن: أيوه يا نورا؟ نورا: يامن، رندا...

يامن: طيب، خدي رأي سارة، هي هتحكم. سارة: لا لا، رجعوها. أنا مش بحب أقطع عيش حد. يامن: تبقى ترجع طالما سارة قالت. سارة ابتسمت. ونورا راحت ترجع رندا لشغلها. عدى الوقت بسرعة وجت الساعة 2ونص قبل الفجر. وحياة كانت بتودع أهلها قبل ما تمشي. آية بدموع: يعني هتسيبنا يا حياة؟ حياة محاولة تطمئن والدتها: أهدي يا ماما، متقلقيش. هرجع أول ما أخلصها. سارة بدموع: رغم إني أنا وإنتي ناقر و نقير، مع ذلك هتوحشيني أوييي. وحضنتها.

حياة: حبيبتي، خدي بالك من نفسك. أحمد: عايزك قوية ديماً، ومتضعفيش أبداً. حياة: حاضر يا حبيبي. نعمة: خدي بالك على نفسك يا حبيبة خالتك. حياة: عيوني يا خالتو. ياسين بهزار: إيه يا جدعان، هي مسافرة هجرة؟ يلا يا بنتي، سكة السلامة. حياة بهزار: ينزل نيزك عليك يا شيخ. ياسين: لا بجد، ربنا معاكي يا رب وترجعي بالسلامة. وهتوحشينا والله. حياة: حبيبي يا ياسو، والله. جيسيكا: ربنا معاكي يا روحي. حياة: شكراً يا حبيبتي.

مراد: حياة، حمزة جه تحت البيت. حياة: نازلة أه. وحضنتهم كلهم ونزلت مع مراد. تحت البيت. مراد: حياة، حبيبتي، خدي بالك على نفسك. وأنا ديماً هبقى جنبك، متقلقيش من حاجة. وعايزك ديماً قوية وتخلصي المهمة دي وترجعي على طول بإذن الله. حياة: ربنا يخليك ليا، وإن شاء الله هخلصها على سلام. ركبت مع حمزة العربية وراحت على المكان قريب من بيت عاصم. حمزة: حياة، خدي بالك على نفسك. وخذي الفون ده، حطيه في مكان محدش يوصله. (فون زراير)

حياة: حاضر. حمزة: وأنا هكون معاكي وشايفك من بعيد. ونزلت راحت جنب البرج في مكان تتشاف فيه. كانت الساعة 3ونص. حطت حاجة في عنيها تخليها تنزل دموع، وكانت لابسة لبس متبهدل تراب، وجمبيها شنطة هدوم. بعد شوية خرج عاصم وشاف حياة. مشي ناحيتها. عاصم: إنتي مالك بتعيطي ليه؟ وإيه مقعدك هنا؟ حياة: أنا... عاصم: ... وفجأة....