رواية حياه باكراه الفصل الثاني 2 - بقلم مرام اشرف

نوح يا نن عيوني اصحى. "وبتشيل الغطا من على وشه" نوح. "بصدمة" دم دم نوح نوح حبيبي اصحى نوح. ياااسين ياااسين الحقني يااااسين. -في ايه يا ماما بتصوتي ليه. -"بعياط" نوح ياسين نوح بؤ ومناخيره بيجيبوا دم الحقني. -"بخضة" نوح. "ويجري عليه ويشيلوه ويحطوه على السرير ويتصلوا بدكتور". -خلاص يا ماما اهدي. -هو اتاخر ليه يا ياسين. -"حضنها" هو متاخرش ولا حاجة وممكن بقى تهدي باذن الله خير. -انس دخل بيجري. في ايه نوح ماله. -انس.

"مرام جريت عليه وحضنته". نوح يا انس عايزة ابني بالله عايزة يكون كويس. -"بادلها الحضن" هيكون كويس بس بطلي عياط عشان اللي بطنك مينفعش كدة يا حبيبتي. -"قطع كلامهم الدكتور". الضغط علي عليه مش اكتر والاحسن ليه انه متعرضش لزعل. تفضل ودي شوية ادوية لازم ياخدها. -تمام شكراً. روح يا ياسين وصل الدكتور. -حاضر يا بابا تفضل. "مرام دخلت الأوضة ونوح كان صحي". -نوح. "وجريت عليه حضنته".

-"ابتسم وطبطب على ضهرها" بس متعيطيش دموعك غالية. -كدة تقلقني عليك. انتَ زعلان ليه؟ ولما انتَ زعلان مجتش لي تقولي؟ هو انا مش صحابتك وامك؟ ها. لا انا زعلانة. -والله انا امي طفلة. تعالي بس انا اسف. -لا لا متتاسفش بس بالله عليك ايه حاجة تحصل او تزعلك تعالى فضفض معايا انا امك. -"قطع كلامهم انس". عاملة ايه يا نوح. -الحمدلله كويس يا بابا. -الحمدلله يا حبيبي. قومي يا مرام اعملي اكل عشان عايز نوح في حاجة.

-"بتمسح دموعها" حاضر بس مش تزعلوا بالله عليك. -"ابتسم" حاضر يا ست مرام قومي بقى. "وقامت". -امك بتحبك اكتر مني. -وياترى ايه السبب. -مش عايزك ترمي بكلام عايز تقول كلام واضح وانا عارف إن أنا اللي مقصود بيه. -انا مش برمي بكلام. انا لو عايز اقولك حاجة هقولك في وشك. انا مش جبان. -"بابتسامة" والله وكبرت يا نوح وبقيت تقف قدامي. بس المهم قولي ايه السبب اللي يخلي مراتي تحبك اوي كدة.

-اولا زي ما هي مراتك هي امي. ثانياً عايز تعرف ليه؟ هقولك انك مش حنين ولا بتقدر ودايما زعيق على البطال. مفيش اهتمام. انتَ مجرد شخص مش عارف حاجة في حياتك غير التحكم. عايز تتحكم وبس. -كلامك بيوجع. -وايه يعني؟ ما انتَ طول عمرك معيشها في وجع. كانت جت اشتكت؟ لا بل بالعكس مستحملة. -انا خايف عليها وعليكم. -مش تحكم. احنا مش الآلات وانتَ ماسك ريموت بتحركنا زي ما انتَ عايز. -صدقني مش تحكم. ده خوف.

-لا تحكم اللي يخليك تدخلني كلية طب زي ما انتَ عايز. ده يبقى اسمه ايه؟ واللي خلى يونس يدخل ثانوي غصب عنه. ده يبقى اسمه ايه؟ واللي يخلي ياسين يدخل هندسة غصب عنه. يبقى ده اسمه ايه؟ اكبر دليل على انك متحكم فيا هو انك عايز تسقط ماما وهي حامل في طفل بريء. هو كان عاملك ايه؟ ها قولي. ده اسمه ايه؟ -لا مش تحكم. ده خير. انا كبير وفاهم الخير ليكم وليها. -انتَ مش ربنا عشان تقول خير. انتَ انسان. مش ربنا يا بابا.

-صدقني انا مش بتحكم. انا بخاف عليكم. انتَ لما تبقى أب هتتاكد من ده. -تعرف يا بابا انك مش بتحب تعترف بالغلط. -"بزعيق" نوح. انا مش باغلط وكل حاجة انا عملتها كانت صح. ولو رجع بيا الزمن هعملها تاني. -"بصوت عالي" عشان انتَ اناني. دي اسمها انانية مش اكتر. "ياسين داخل جري". في ايه يا جماعة. -انس وهو بيشد في شعره. مفيش يا ياسين. مفيش. "وبص لنوح". صدقني هتندم. -انتَ اللي هتندم على تفكيرك وعلى افعالك يا بابا.

-ماشي يا نوح. ماشي. "وخرج من الأوضة وهو متنرفز. وبعدها مرام دخلت بالاكل". -مين القمر اللي هيا. ايه ده نوح حبيبي فيك ايه؟ ابوك ضايقك. -لا يا سكر انتَ ويلا عشان تاكل. -حاضر يلا. "وبدأت تاكله. وبعدها قامت وخليته ينام. وبدأت تجهز الاكل مع ياسين. والساعة 5 يونس جه من الدروس". -انا جعان يا ماما. -حاضر حبيبي جهز السفرة وانا هجيب الاكل انا وياسين. ومحدش يصحى نوح عشان تعبان. -"بخوف" ايه تعبان ماله. -اهدي يا يونس. هو تعب شوية.

-لا لازم اطمن عليه. "ودخل الأوضة". نوح نوح نوح قوم طمني عليك لو سمحت. -اممم عايز ايه يا يونس. -"بدموع" انتَ تعبان مالك. -طب ليه الدموع دي. انا كويس والحمدلله والله. -بجد. -ايوة بجد. -يارب دايما يا نوح ويبعد عنك كل شر. -يارب يا حبيبي. -قوم بقى ناكل مع بعضنا. -يلا. "قاموا. ومرام وياسين ويونس بيحطوا الاكل على السفرة. ونوح قاعد. ودخل عليهم انس. فضلو ياكلوا بهدوء. وبعد الأكل". -مرام تعالي ورايا.

-"بصت لنوح بخوف" حاضر يا أنس. "و راحت وراه". نعم أنس. -ابنك مش عامل ليا احترام. ابقي اتكلمي معاه. قوليله يتعدل. سامعة. -ابني مين. -"بسخرية" اكيد نوح. -ن نوح. طب ما تقرب منه واتكلم معاه انتَ. -"بزعيق" انا مش بعيد كلامي تاني. سامعة. اللي اقول عليه يتسمع. -"بخوف" انا م مش قصدي كدة بس بقول. "قطع كلامها بضربه بقلم على وشها". انا قولت كلامه تتسمع من سكوت. -انتَ ازاي تمد ايدك عليها طول ما انا عايش.