رواية حين تقع في الحب الفصل الحادي والثلاثون 31 - بقلم ندى علي حبيب

غسان بصدمة: نور! وراحت حملها. قاسم: انزل، تعالي، هلي العربية. غسان والعيلة راحوا على المستشفى. في المستشفى. غسان بغضب: دكتورة، يا بقر، بسرعة. الدكتورة: في إيه يا حضرة الرائد؟ غسان: مراتي حامل وأغمي عليها. الدكتورة بصت عليها وقالت بصوت عالي: جهزوا غرفة العمليات، ولادة مبكرة بسرعة. وأخدوا نور لجوا. خارج الغرفة. غسان رايح جاي، وسكينة ونفين البنات اللي بيعيطوا. قاسم بعصبية: أنا مش فاهم، بتعيطوا ليه؟ ولادة وده الطبيعي.

نسمة بعياط: عشان طول اليوم كانت بتتوجع وإحنا مش واخدين بالنا منها خالص. نورهان قامت من جنبهم وراحت وقفت جنب عمر. نورهان: إنت مش راضي تكلمني ليه يا عمر؟ عمر: بجد يا نورهان، أنا مش فاضي ولا رايق دلوقتي. نورهان بسرعة: هتحجب عشان خاطرك. عمر بابتسامة: مش عشان خاطري، عشان ربنا. نورهان بابتسامة: لسه زعلان مني؟ عمر: هازعل منك ليه يا بطة؟ أنا بس كنت عاوز أقولك أنا بحب... فجأة الدكتورة طلعت وفي إيدها طفل صغير.

الدكتورة بابتسامة وهي بتدي الطفل لغسان: ألف مبروك، ولد زي القمر. غسان بلهفة: ونور عاملة إيه؟ الدكتورة: الحمد لله كويسة، بس هي تحت تأثير البنج. نfin: هو في واحدة بتولد من غير طلق يا دكتورة؟ الدكتورة: نادر لما تحصل، بس ده سبب شدة الوجع، مستحملتش فـ أغمي عليها. منير: هتسمي إيه بقى يا غسان؟ قاسم: ودي عايزة كلام، قاسم. غسان: لالالا، يبقى مرضين في حياتي، حرام. قاسم: أنا أصلاً مش راضي انت تطول.

غسان وهو يقبل يد الصغير: أنا هسمي عاصي. سكينة: يتربى في عزك يا أبو عاصي. غسان أعطى الصغير لهم ودخل غرفة نور. في الغرفة. غسان مسك إيد نور وبيمشي إيده على شعرها بحنان. نور بدأت تصحى: اممممم. غسان بلهفة: بس، أهدي، أنا جنبك أهو. نور بوجع: آخ، غسان، أنا ولدت. غسان: أيوا، وجبنا عاصي. نور بصوت: عاصي؟ أنا كنت عايزة اسميه زين. غسان: يا حبيبتي، إحنا لسه يا ما هنجيب، إحنا قطعنا، يعني أنا عاوز 4 ولاد، 4 بنات.

نور بضحك: ليه ده كله؟ إنت متجوز أرنبة؟ غسان بسها من طرطوفة منخارها: أحلى أرنبة يا روحي. ولسه هيبوسها دخلت نيفين. نيفين: خدي يا نور، أكليله عشان بيعيط. غسان: بدأنا أهو بقى. نور أخدت عاصي وظلت تقبل فيه، ونفين خرجت. غسان بعصبية: نور، في إيه؟ نور: غسان، ده ابني يا حبيبي. غسان راح نام على الكنبة الموجودة في الغرفة يتفحص فونّه، ونور بدأت في تطعيم الصغير. سلوى بغيظ: مبتموتش ليه؟ ليه كل ما بحاول أعمل حاجة بتكون لصالحها؟

ليه بس برضه غسان ليا أنا؟ يا ما صبرت وتعبت وكسرت أي حاجة تيجي قدامها. في المستشفى. كان الكل مشي على البيت بعد ما شافوا نور. نور بتعب وغسان ساندها علشان يمشيها شوية، ودي أوامر الدكتورة. نور: غسان، أنا خلاص مش قادرة، كفاية كدا، خلينا نعدي بقى. غسان: يا نور، إحنا لسه بدئين، شوية كمان وأعدي. نور بعياط دفنت وشها في رقبة غسان: لأ، مبقتش قادرة أمشي. غسان بحنان حمالها: بس أهدي، مفيش حاجة. وبيقبل خدها، والصغير بكى.

نور: هاتيه يا غسان، أكيد جاع. غسان راح حمله: إنت بقى بدأت تقطع عليا من دلوقتي، تعالى يا عم. وداه لنور. نور: مين حبيب ماما الطبوش الجعان ده يا ناس. وبدأت في إطعامه. غسان: نور، خلصي وأنا هروح أدفع مصاريف المستشفى وأجي علشان نمشي. نور: ماشي يا حبيبي. في منزل سكينة كانوا قاعدين في الصالة بيتفرجوا على المسلسل. هاجر: يعيني عليكي يا نسمة، اليوم باظ. نسمة: يلا مش مشكلة، أهم حاجة سي عاصي مش راضي يجي غير يوم قراءة فتحتي.

نورهان: هو كدا، المنحوس منحوس. سكينة: يا إما تدخلوا تتكلموا جوا، يا تسكتوا، مش عارفة اسمه المسلسل. أسر اللي مركز في المسلسل: أنا مش عارف إيه ده. نسمة: وإنت يا زعبل متابع المسلسل؟ أسر: أيوا، أنا وماما كنا متبعينه، واسكتي بقى. هاجر: ملناش قعاد هنا، أنا داخلة أنام. في المستشفى. قاسم كان حامل الطفل وغسان ساند نور. قاسم: الواد ده نايم طول الليل. غسان: أيوا، هادي. نور بتعب: مش قادرة أمشي.

غسان اتعدل: استعنا على الشقي بالله. وحمل نور على إيده. نور بكسوف: غسان، قاسم معانا. غسان بغرور: وإيه المشكلة؟ واسكتي علشان إنتي تقيلتي. وحطها في العربية ومشيوا. في مكان يشبه الصحراء. عمرو لو فاكرينه اللي كان عسكري في الكتيبة. أمجد: اسمع يا عمرو، الرائد غسان والظابط قاسم جاين بكرة، والكتيبة هتمشي تمام. عمرو بفرحة: تمام يا فندم. كريم بحقد في نفسه: مش هتوصل يا حضرة اللواء.