رواية حين تقع في الحب الفصل الرابع عشر 14 - بقلم ندى علي حبيب

فى شقه نفين نور نزلت وقعدت على الكنبة بوجع. نفين: صباح الخير يا حببت قلبي. نور بحب: صباح النور يا ماما. نفين: منزلتوش تتسحروا ليه يابنتي؟ نور بتوتر: اصل أنا كنت تعبانة ونمت، وغسان جه نام هو كمان. نفين: ولا يهمك يا روح قلبي، المهم هنعمل إيه على الفطار؟ نور: إيه رأيك نعمل سمك؟ نفين: وماله، بت يا أحلام. أحلام: نعم يا حاجة. نفين: طلعي سمك من الفريزر. نفين: قوليلي غسان عامل معاكي إيه؟

نور والدموع لمعت في عينها: غسان بيحبني، ودا أهم حاجة يا ماما. يلا نقوم نساعد أحلام في عمايل الفطار. أسر نزل جري: ماما، انتي نزلتِ وأنا فصلت أدور عليكي. نور حضنته: أنا هنا أهو، يلا تعالى علشان أفطرك. أسر: لا، أنا صايم. نور: أنت بتصوم لحد العصر، ولما تكبر تصوم لحد المغرب، ماشي. أسر: يعني كدا ربنا عرف إني صومت؟ نور: طبعًا. ويلا تعالي، واتجهوا للمطبخ. فى المخزن غسان: الحموله دي تدخل المخزن بسرعة ولا إيه يا حج؟

منير: ماشي يا غسان، خلي الرجالة تدخلها المخزن، وحاسب أنت الحاج صبري. غسان: اسمع يا حج صبري، إحنا هناخد الحموله دي كلها، الأول كانت طن. صبري: دي 200 طن. غسان: حلو أوي، هناخدها بمليون والزيادة ليك. صبري: ربنا يخليك يا حضرت الرائد، موافق طبعًا. قاسم: تمام، يلا بقى خليك افطر معانا. صبري: العيال مستنيني في الدار، والله، يلا سلام عليكوا. غسان: وعليكم السلام. أسر: بابا. غسان: تعالي يا حبيبي، في إيه؟

أسر بزعل: ماما خلتني أفطر. غسان: طيب، وإيه يعني؟ أنت لسه صغير. أسر بغضب: لا، أنا مش صغير، أنا كبير، أنت متعرفش حاجة. غسان بغضب ضربه: أيوه، هتتعلم الأدب منين؟ مش الست المحترمة هي اللي معلمالك. قاسم: اطلع يا حبيبي عند ماما. أسر طلع على الفور بعياط شديد. قاسم: مالك يا عم، في إيه؟ مش طايق حد ليه كدا؟ رمضان كريم برضوا. غسان: استغفر الله العظيم، عالم تحرق الدم. وراح قعد على كرسي جنب أبوه. فى الشقه

أسر طلع بعياط: ماما، تيتة. نور بخضة: في إيه يا حبيبي؟ مين عمل فيك كدا؟ مين ضربك؟ أسر بشهقات: بـ بـ بابا، هو ضربني. نور حضنته رغم وجع جسمها: ليه بس؟ عملت إيه؟ أسر بعياط: مش عملت، أنا قولت ماما خلتني أفطر، هو قالي عادي، أنت صغير. قولت له: لا، أنا كبير، أنت متعرفش. بس اهي، اهي، اهي. نور: ينفع كدا؟ ينفع نشتم بابا؟ مش أنت بتحبه وهو بيحبك؟ أسر: بس هو ضربني، وأحمد ابن الحج أيمن شافني، أكيد هيعايرني.

نور بضحك: أحمد ابن الحج أيمن؟ أسر: آه. نور: طيب، إيه رأيك بعد الفطار أجيب إندومي ونأكل سوا من غير ما هولاكو يعرف؟ أسر بضحك: موافق. فى شقه سكينة سكينة: واحدة فيكم تنزل تجيب جرجير. نسمة: حاضر، نورهان نازلة أهي. نورهان: آه، بطني، مش قادرة يا سوسو. سكينة: نورهان تعبانة، انزلي أنتِ يا نسمة. نسمة: كل حاجة زفت، زفت. سكينة: بطلي برطمة يابت. نسمة: حاضر. ونـزلت. عند الخضري قاسم: عاوز 20 جرجير و20 خص.

نسمة وهي جاية: عاوزة بـ 5 جنيه جرجير بسرعة. قاسم: بس أنا... سبحان من جمع القرد على الشجرة. نسمة بغيظ: ومين القرد؟ أنت؟ قاسم: يابت احترمي نفسك معايا. نسمة: اسمع يا أخ، اسمك إيه؟ قاسم: قاسم. نسمة: وأنا نسمة، بس أنا عاوزة أعرف أنت ليه بتفرق من نقري ها؟ قاسم: أصل بتقطعي في أكل عيشي. نسمة بضحك: ماشي يا عم قاسم، بس سيبني آخد بقى الجرجير، يعني يرضيك أمشي لوحدي ساعة أذان المغرب؟ قاسم بضحك: خدي يا ستي الجرجير، يلا.

نسمة: عد الجمايل بقى. قاسم: عديهم بالوحدة يا ختي. فى شقة نفين نفين: يلا يا نور، هاتي السلطة. نور بوجع: حاضر يا ماما. غسان هو وأبوه وقاسم طلعوا. غسان: ياه على السمك وريحته. قاسم: ريحة أكل مين بقى؟ نفين: نور هي اللي عملت الأكل كله النهارده. منير: والله بنت ملوك، يبا. الكل بدأ في الفطار. نفين: نور، نور. نور: نعم يا ماما. نفين: هاتي ميه وتعالي يلا. نور جابت الميه وراحت قعدت جنب غسان ولم تنظر إليه أبداً.

ولكن توجد عيون تراقبها، وهي عيون غسان. قاسم: تسلم إيدك يا نور، السمك تحفة والله. نور: تسلم يا قاسم. منير: السمك أحلى من اللي نفين بتعمله والله. نفين: بتقول حاجة يا حاج؟ غسان: بيقول تسلم إيدك يا أمي. نور بزعل: الحمد لله، أنا هطلع أرتاح شوية، أنا وأسر يا ماما. غسان نظر لها نظرة حارقة، خافت منها ولكن لم تهتم. نفين: روحي يا حبيبتي، مقعدتش من الصبح، اطلعي ارتاحي. نور أخدت أسر من أوضته وطلعت على فوق. فى شقه غسان

نيمت أسر في أوضته ودخلت أوضتها. لبست شورت أبيض وبلوزة حملات حمرا، ووقفت قدام المراية تدهن الأماكن المجروحة بوجع وعيون مدمعة. غسان دخل عليها، انبهر من شكلها وجمالها وشعرها وحلاوتها، بس زعل على منظرها. غسان: هاتي الكريم. نور بعياط ووجع: متشكرة، مش عاوزة حاجة. غسان لف نور ليه: مين الغلطان؟ أنا ولا أنتِ؟ نور بصت في الأرض: يعني لما تصحيني ترميني في البانيو، أنا اتخضيت.

غسان رفع راسها بصبعه: وفي واحدة تقول لجوزها أنت غبي وحيوان؟ ينفع؟ نور بعياط: تقوم تجيب الحزام وتضربني الضرب دا وتشوه جسمي كدا؟ أنت لو شفت ضهري هتتخض مني. غسان بخبث: والله أنا نفسي أشوفه. نور بتوتر: متغيرش الموضوع. غسان: خلاص، متزعليش. نور بدموع راحت جابت كوباية ميه وكسرتها في الأرض. نور: شوف دي، عمرها ما هتصلح عشان اتكسرت، بس لو قربت منها هتجرحك، صح؟

أنا كدا، أنت كسرتني قدام نفسي، محدش ضربني الضرب دا في حياتي، ولما انضرب على إيد جوزي اللي المفروض سندي وأماني وحمايتي بجد، صدمتني. غسان: وإيه اللي يرضيكي؟ نور: عاوزة أروح أزور ماما. غسان بغضب: انسى، مفيش مرواح عند حد، أنتِ ازعلي مش مهم، وأنا لما أكسر راسك مش مشكلة، لو مت*تِ محدش هيجي يقولي موتك ليه عشان أنتِ مراتي، فاهمة؟ قال أروح عند أمي قال. نور بدموع: وذنبه إيه الطفل الصغير دا عشان تضربه؟ ها؟ ذنبه إيه؟

مشكلتك معايا بتدخل ابني ليه؟ غسان: عشان أمه راسها ناشفة، أكيد الابن لازم يطلع لأمه، هيطلع لمين يعني. نور: تقوم تضربه؟ لا، برافو. غسان: ملكيش دعوة، أنا وابني حرين مع بعض، متدخليش. نور: غسان، أنت لسه بتحبني؟ غسان: العبل اتشغل أهو، بقى. نور: قول، لأن طريقتك ليا بقت كلها كره. غسان بغضب قبل شفتيها بعنف لدرجة إنها نزفت. نور بتوهان: ابعد، جسمي بيوجعني. غسان بدأ يقبل أنحاء جسدها: آسف يا نور عيني. نور بدموع: عاوزة أطلق.

غسان بصدمة كالرعد.