رواية حين يعشق الفهد الفصل الرابع 4 - بقلم نسمة ليل

بابا لو سمحت ممكن نتكلم. محمد: قولي مفيش حد غريب. أنا عايزه كتب الكتاب يكون الأسبوع الجاي. ليث بصدمة: إيه؟ محمد: إيه اللي حصل لده كله؟ لو سمحت يا بابا احترم قراري على الأقل هخرج وادخل معاه وهو جوزي ومحدش يقدر يقول علينا حاجة أو يقلل مني. محمد: اللي انتي عايزاه. ليث: ينفع نتكلم طيب؟ بابا لو سمحت أنا تعبانة ومش قادرة أتكلم مع حد. ليث: فتون اسمعيني بس.. خلينا نتكلم شوية. فتون سابته ودخلت أوضتها. ياسر استأذن محمد ومشي.

وجاسر راح لليث. جاسر: مالك يا صاحبي؟ ليث بحزن: تعبان أوي.. تعبان وندمان. جاسر: كلٌّ لن يصيبنا إلا ما كتب الله لنا. يعني لو ربنا كتبلك حاجة هتشوفها مهما كنت شايف إنها مستحيلة. ليث: معاك حق يا خوي. *** تاني يوم. في الكلية. ميساء: الله أكبر الله أكبر بركاتك يارب.. هو أنا اللي شايفاه ده صح ولا أنا جالي حول؟ فتون: اقعدي يا ختي. ميساء: إنتي تعبانة فيكي حاجة؟

أول مرة فتون هانم تتكرم علينا وتيجي بدري، لا وكمان بتكلمني باحترام.. في حاجة غلط؟ فتون: أنا غلطانة إني بحترمك يا زبا..لة. ميساء بضحك: أيوا كدا ارجعي لأصلك. يلا نلحق المحاضرة يا بت. فتون: كنت عايزة أقولك. ميساء: لما نطلع يعني. فتون: أنا ههرب. دخلوا المحاضرة. ميساء راحت الحمام بعد ما المحاضرة انتهت وهيتقابلوا في الكافتيريا لما تخلص. فتون لمّت أغراضها وطلعت من المحاضرة. في الطالعة حد شدها وحد حط إيده عليها عشان متصرخش.

فتون: وسع كده يا حيوا.. ليث: أيوا ليث.. ممكن تسمعيني بقا. امبارح حكمتي من غير ما تسمعي. فتون: لو سمحت عايزة أمشي. ليث وهو بيقرب منها وبيمسكها من كتفها: غصب عني اتعصبت لما لقيت جاية معاك وعاملين تضحكوا في نص الليل. حاجة جوايا كانت مدمرة لما شوفتك معاه. فتون أنا اكتشفت إني محبتش حد غيرك. فتون أنا بحبك. فتون اتصدمت جدا بس فرحت، ولكن ثواني والفرح اختفى لما افتكرت صديقة عمرها.

فتون: معدش ينفع.. أنت خاطب وأنا كتب كتابي بعد كام يوم وهكون على اسم راجل تاني. ياريت تنسى. ليث بغضب أعمى: أنتي ملكي أنا بس.. سمعاااااااااااه.. ملكي أنااااا وبس. لما فتون اتأخرت ميساء قررت تروح تشوفها. شافتهم واقفين سوا وليث قريب من فتون أوي. أضايقت ومشيت. ليث: مش هقدر أشوفك مع حد غيري يا فتون. أنا بحبك. فتون بغضب: وأنا مش بحببببببك.. مش بحبك.. هو بالعافية. ليث بكسرة: لا مش بالعافية.

الأيام عدت وليث اعترف لميساء بحبه لفتون وإنه مش هيقدر يكمل معاها وهو خلاص حجز تذكرة للندن. عنده أهله يوم فرح وكتب كتاب فتون. *** يوم الفرح. ترن ترن. ليث: أيوا يا جاسر. جاسر: برضه هتعتمل اللي في دماغك وهتسيبني وتمشي؟ ليث: معلش بقا يا جاسر أنا خلاص بجهز آخر شنطة. جاسر بزعل: هتوحشني يا صاحبي. ليث: وانت كمان يا صاحبي. *** عند فتون.

البنات لبسوها وحطولها ميكب سيمبل. وهي كانت بس سرحانة في ذكرياتهم سوا وهو بيعترف لها بحبه لها. ميساء كانت لبسة فستان سوارية أزرق وحاطة ميكب سمبل. ميساء: تونة خدي الفون حد بعتلك باين رسالة. فتون أخدت الفون وقرأت الرسالة وهي في قمة الصدمة. وشريط ذكرياتهم بيمر قدامها. لحد ما سابتهم وطلعت تجري بالفستان على برا. وهي طالعة شافت ياسر بس استغربت إنه مش جاهز وإنه لابس لبس عادي.

ياسر: أنا حبيتك وعايزك تكوني مبسوطة حتى لو مش كنتي معايا. بصتله بإستغراب ليكمل: ميساء قالتلي كل حاجة. روحي الحقي قبل ما يسافر. فتون بصتله بدموع وبعدين بصت لمحمد فابتسم لها وهز رأسه لها بالموافقة. وبعدين بصت لميساء لقيتها بتضحك لها وتشاورلها إن له تمام. جاسر: بس أي الحلاوة دي. ميساء ابتسمت. جاسر: بقولك أي أنا سيبتك تضيعي مني مرة ومش هسيبك تضيعي مني تاني.. قولي للحج إني جاي أشرب القهوة معاه الأسبوع الجاي يا نبض قلبي.

ميساء خجلت ومقدرتش ترد عليه غير بإبتسامة. *** سابتهم ونزلت تجري بالفستان على المطار. وأخدت تاكسي وأخيراً وصلت على المطار. كان ليث بيدخل الشنط على كاشف الأغراض وراح يسلم الباسبور عشان يختموا. دخلت فتون من بوابة الأمن. فالأمن وقفها ومنعها من الدخول. حاولت تدخل مش عرفت. فشغلت انتباههم وجرت على جوا. وهما أخدوا بالهم وجروا عليها عشان يمسكوها. وأخيراً شافت ضهر معشوقها من بعيد. فنادت عليه بكل ما تملك من صوت.

فتون: ليييييييييث. ليث خلاص أخد الباسبور والشنط وخلاص هيروح ينتظر حتى إعلان طائرته. ليتجمد مكانه عندما سمع اسمه من الشخص الذي يعشقه. لينظر خلفه فيجدها هي حبيبته وطفلته الشقية. فتون جريت عليه وهو رمى الشنط من إيده وجري عليها وحضنوا بعض. فتون: بقا كنت عايز تمشي وتسيبني يا ابن الهـ ـبلة. ليث: كنتي عايزاني أعمل إيه وأنا بشوفك مع غيري. فتون: عملك أسـ ـود ومهبب. ليث بضحك: يخربيت لسان أمك. فتون: وماله لساني يا دعدولي.

ليث: بحبه هو وصحبته. فتون: وصحبته بتحبك أوي. شالها ليث ولف بيها والناس صقفولهم وباركولهم. ورئيس الأمن هنأهم. رئيس الأمن: مبسوطين إن المطار قدر يرجعكم من جديد. بس الأنسة مضطرة تيجي معانا لفة صغيرة لحد القسم. فتون وليث بصوا لبعض وضحكوا.