رواية حين يعشق الفهد الفصل الخامس 5 - بقلم نسمة ليل

يا دبلة الخطوبة... عقبالكوا كلكوا. لبست تونة المجنونة وشبكت الواد بهبلها. "جرى إيه يا قطة، والا عشان سكتناله دخل بحماره؟ ميساء بضحك: "الله، دا أنا هخربها بعد بكرة." "انتي عرفتي إزاي موضوع ليث يا ميساء؟ ميساء: "بقيت تونة صحبتي واختي تخبي عني حبها الكبير ده كله، لا وفي اليوم اللي قررتي تعترفي له سكتي وضحيتي بيه عشان سعادته وعشاني." "يعني أنتي مش مضايقة يعني إن ليث... قاطعتها

ميساء وقالت بتصحيح: "لي، فكرتي إني عشان قولتلي ووافقت يبقى بحبه تبقي هبلة؟ أنا وافقت لما قولتيلي إنه بيحبني وأنا قولت ليه أرفض، هو شخصية محترمة وكويسة وكمان قريبك وقمر." "اتلمي يا بت أحسنلك." ميساء بضحك: "بتغيري يا بطة.. ياختي كميلة." فتون زقلتها بالمخدة في وشها وميساء خبطتها هي كمان وقامت حرب المخدات بينهم. ميساء استسلمت وهي تضحك والاتنين فضلوا يضحكوا وبعدين ناموا. *** تاني يوم في محل المجوهرات. "الله...

الفضة حلوة أوي." ليث: "ياماما إحنا جايين نجيب دهبنا عشان الخطوبة يعني دهب مش فضة." "بس أنا عاجبني الفضة." ليث: "وأنا قولت دهب." "هزعلك يااض." ليث بغرور: "وريني لو جدعة." "مترجعش تعيطلي." ليث: "أنا برضوا اللي بعيط.. هااا." "تعالى بقا أنت اللي جبته لنفسك." هي مسكت إيده عضته وهي مسكها من شعرها وكل واحد يقول للتاني: "سيب وأنا أسيب." محمد بزهق: "بااااس. اياك أسمع صوتكوا يا شوية كلاب. هنجيب دهب."

ليث بص لها كدا وضحك اللي هو انتصر عليها وكمل محمد كلام: "وهنجيب سلسة فضة." "شالله يخليك للغلابة يارب." "طويل العمر يطول عمره ويزهزه عصره وينصره على من يعاديه هاى هيه." ميساء: "هاي هيه." الكل فضل يضحك وليث وفتون اختاروا الدهب وليث أخد الأذن عشان يخرجوا وجاسر طلب من ميساء يقعدوا سوا على النيل وهي وافقت. *** عند جاسر وميساء. جاسر: "بقولك." ميساء: "اتفضل." جاسر بتراجع: "خلاص مكنتش حاجة مهمة."

ميساء: "ياواد.. بس أنا عايزة أعرف برضوا." جاسر بتوتر: "كنت عايز أقولك يعني بصراحة بقا إني بحبك وبحبك من زمان أوي كمان." ميساء بخجل: "احم احم."

جاسر: "أنا عارف إن ده مش وقته وإنك لسه طالعة من علاقة فـ أكيد خايفة عشان مش أعمل زي ما ليث عمل بس اللي متعرفيهوش إني بحبك لا بعشقك من وإنتي 11 سنة يعني عشر سنين بحبك ومخبي جوا قلبي لحد ما يجي الوقت المناسب بس لما لقيتك مبسوطة لما ليث خطبك رجعت في قراري بس قلبي فضل يحبك. أنا مش عايزك تحبيني زي ما بحبك بس اديني فرصة أقرب منك اديني فرصة عشان مش تضيعي الماردة دي مني." ميساء بخجل: "وأنا موافقة."

جاسر من فرحته حضنها وقام مرة واحدة. جاسر بإسراع: "طب يلا نروح بسرعة عشان نلحق بليل." ميساء بإستغراب: "نلحق إيه بليل؟ جاسر: "أجيلكوا عشان أخطبك." ميساء ضحكت على جنانه ومشيوا وجاسر عرف الكل وراحوا عند ميساء وحددوا الفرح مع ليث وفتون ونزلوا تاني يوم اختاروا الدهب وتمت خطوبة ليث وجاسر مع بعض والأيام عدت والبنات سوا وكل حاجة بيجبوها سوا. *** "تعالوا ندخل الأتيليه دا." الموظفة بهيام على الشباب: "تأمروا بإيه؟

ليث: "محتاجين تصاميم شيك لفساتين زفاف." الموظفة: "المحل كله تحت أمرك." "لا ونبي... عاجبك أوي كده." الموظفة بدون وعي: "أوي أوي." "طب تعالي يا حيلة أمك." ميساء: "وقعتي ومحدش سمى عليكي.. لا إله إلا الله راحت بدري بدري." بعد ما خرجوا من الأتيليه. ليث: "حرام عليكي." "حرمت عليك عيشتك يا بعيد."

وبعد لف كتير لفت انتباههم فستانين حلوين أوي.. فتون اختارت فستان ضيق من الصدر ونازل بنفشة حلوة أوي وميساء اختارت فستان صك لحد الركبة ونازل بعدها بنفشة. *** اليوم المنتظر.. يوم زفاف ليث وجاسر.

أبو ليث وأمه وأخته رنا أيجوا من لندن على الفندق اللي حجزوا للفرح والبنات كان عندهم الميكب أرتست والعرسان جهزوا ونزلوا القاعة ينتظروهم ومحمد طلعت لفتون وباسها من مقدمة راسها وأخدها عشان يسلمها لعريسها وأبو ميساء كذلك. وكان ليث واقف على آخر السلم من جهة اليمين وجاسر من جهة اليسار. ليث استلم فتون من محمد وأخدها بالحضن وباس راسها وجاسر استلم ميساء وباس إيدها وراسها... واشتغلت الموسيقي.

جاسر: يا أنا يا مفيش أصلي معنديش في الحب هزار يا أنا يا بلاش ومتحسبهاش مفيهاش أعذار ليث: أنا اللي أقول فين وامتى وأنا اللي أختار لو حد نداك اعمل مش سامع برضاك أنا قولت كلامي ودا نظامي ومش باقي كلام ميساء: أجمل إحساس في الكون إنك تعشق بجنون وده حالي معاك خلتني أعيش أيام مليانة بشوق وغرام دوبني هواك فتون: يا ويلي يا ناري قل لي إزاي أداري شوقي ولهفة قلبي في قربك حتى وإحنا سوا

بتنور سنيني وبيكبر حنيني قرب مني تعالى في حضني وإملى حياتي هوى. كل واحد شال عروسته ولف بيها تحت ابتسامة وخجل البنات. ياسر: ألف مبروك يا ليث ألف مبروك يا فتون. ألف مبروك يا جاسر. بما إنك يعني أخدت عروستي فـ الله يخليك لو تعرف القمر دي ممكن تكلملي باباها. (كان بيشاور على رنا) ليث بضحك: "شكلك مش ناوي تجيبها لبر." جاسر بضحك: "شكله حالف ميطلع برا عيلتنا." الكل ضحك عليه. "يلا ناخد سيلفييييي."

محمد وأبو ليث وأمه قعدوا على الكرسي ووقف فوق محمد فتون وليث وجمبه جاسر وميساء وجمبها أبوها وجمب فتون من الناحية التانية رنا وجمبها ياسر ووو كله يقول بطييييخ.