رواية حين يروي الغرام الفصل السابع 7 - بقلم نجلاء عبد الظاهر

نور بصدمة: أنتي مجنونة صح؟ أكيد أنتي بتكذبي. سلمى ببرود: لا يا حلوة، أنا بقولك الحقيقة. جوزك، قصدي طليقك، شالك الرحم من أول جوازكم بالاتفاق مع الدكتورة. نور بدموع: لا لا أنتي بتكذبي. سلمى ببرود: بردو مش مصدقة؟ طب روحي اكشفي واتأكدي بنفسك بقي. نزلت سلمى، ونور قعدت على السلم بدموع وخوف، ليطلع كلامها صح، وخصوصاً أنه هي عاملة عملية الزيادة بعد جوازها من أحمد بأسبوعين. قامت ودخلت، اتصلت على يزن.

يزن بابتسامة: كنت لسه هتصل. نور بدموع وصوت مبحوح: ا... أنتي فين؟ يزن بخضة من صوتها: فيه إيه مالك؟ نور وقعت من طولها من صدمتها. يزن بخضة: نور! نور! ساب شغله وجرى بسرعة. عند عزة. سلمى ببرود: أعملك حاجة يا حماتي؟ عزة بقرف: آه، ودي أهم حاجة لازم تعمليها. سلمى بعدم فهم: إيه هي؟ عزة شاورت ليها على الباب: تطلعي برا بيتي وبرا حياتنا، لأنك شر واتزرع بينا. سلمى بصدمة: نعم؟ أنتي بتطرديني يا خالتي؟ عزة بغضب: آه بطردك! أنتي إيه؟

مش بني آدمة؟ جالك قلب تخوني ثقة أهلك زمان وتخوني ثقة جوزك دلوقتي؟ سلمى بتوتر: قصدك إيه؟ عزة ببرود: قصدي على الواد اللي أنتي ماشية معاه من ورا جوزك، يا زبالة. أنا شفت كل حاجة على فونك وبانت وانكشفت. أنتي مش بنت اختي، أنتي تربية شوارع. سرقتي راجل من مراته واتجوزتيه عرفي، بتسمي دماغك بأفكارك وخونتيه ومش مبطلة أذية في كل اللي حوالين منك. أمك لو عايشة كانت اتبرت منك زي أبوكي، وجايز كانت ماتت بحسرتها.

سلمى بدموع: يا خالتي أنا... بيقطعهم دخول يزن، اللي دخل جري وطلع على فوق. عزة بخضة: هو فيه إيه؟ طلعت بسرعة وراه. يزن فتح الباب، لاقاها واقعة على الأرض: نووور! جرى عليها شالها. عزة بخضة: مالها؟ يزن بخوف: معرفش. يالله على المستشفى اللي على الشارع.