رواية حيرة عشق الفصل العشرون 20 - بقلم شروق الحاوي

صفاء بصراخ: الحقنا يا جاسم عشق اتخ*طفت. جاسم من الصدمة التليفون وقع من إيده، وكل اللي بيتردد في دماغه إن عشق اتخ*طفت. بعدها أخد تليفونه وجرى على المستشفى. عند عشق في المستشفى. صفاء زاد صراخها أكتر ورمت التليفون على السرير، وبتشد فهد من إيده: سيبها يا فهد، عشق بتموت عشان خاطر سلمى، سيبها. فهد بعد ما كان بيحاول يشد عشق وهي بتصرخ وبتقاومه، فجأة كأنه اتصنم مكانه أول ما سمع اسم سلمى.

صفاء بدموع شدت عشق لحضنها، وعشق كانت بتعيط بخوف. وفجأة دخل جاسم. جاسم بلهفة وخوف: عشق. عشق جريت عليه وارتمت في حضنه ببكاء: جاسم، متخليش فهد ياخدني، متسبنيش، ليه أنا بحبك أنت ومش عايزة أبعد عنك. جاسم بعد عشق عن حضنه ورفع راسها لفوق: أنا مستحيل أتخلى عنك يا عشقي. ومسح دموعها بأنامله: العيون الجميلة دي متدمعش كده تاني. ارتاحي أنتِ بس وأنا أوعدك كل حاجة هتتحل. ووجه كلامه لوالدته: ماما لو سمحتي خليكي جنبها.

وشد فهد من إيده وخرج بيه من الأوضة. والغريبة إن فهد كان مستسلم ليه خالص. جاسم أول ما خرج بره المستشفى ضرب فهد بوكس في وشه، وبدأ يضربه بغضب. وفهد مدّاش أي رد فعل. وفجأة حضن جاسم وبدأ يعيط. جاسم طبطب عليه: الحقيقة صعبة. مكنتش عايزك تعرفها بس أنت اضطريتني لكده. فهد بدموع: سامحني يا صاحبي، أنا كنت معمى طول الفترة دي. لولا وجود جاسر جنبي، أنا آسف. جاسم بحب: إحنا إخوات يا فهد، والأخ عمره ما ينهش لحم أخوه.

وكمل بمرح: بقا عملت الشو ده كله عشان طمعان في حضني؟ ابعد يلا كده، الحضن ده لعشقي بس، ابعد. فهد ضحك بحزن: سلمى وحشتني أوي. جاسم بمواساة: ادعيلها يا صاحبي، ربنا يرحمها. فهد بحزن: كانت فرحانة بالحمل. حملت بعد معاناة طويلة أوي، دكاترة وأدوية. ويوم ما حصل سابتني. فلاش باك. فهد كان شغال في شركة والده، جاله اتصال من سلمى. فهد بحب: حبيبي، وحشتيني. سلمى بفرحة: عندي ليك مفاجأة جنان. فهد بحماس: أووه، مفاجأة!

لا أنا عندي حماس أعرف دلوقتي. سلمى بدلع: توتو يا فهدوتي، لما ترجع عشان أعرف أعبرلك عن حبي كويس. فهد بضحك: لاااا، عندك إيه؟ اهدى يا روحي، اهدى. أنا خايف عليكي، أنتِ تعبانة. سلمى ضحكت بصوت عالي، وفجأة سمع صوت كسر الباب وصرخت بأعلى صوتها: ففففهد، عااااااا. فهد اتنفض من مكانه: سلمى حبيبتي، في إيه؟ مالك؟ فهد مكنش سامع غير صوت صراخ سلمى، وأخد مفاتيح عربيته ونزل بسرعة. وفجأة سمع صوت ضرب نار. وقف العربية بصدمة.

فهد بصدمة: سلمى، لا، لا، أكيد بتهزرى صح؟ سلمى حبيبتي، عشان خاطري أنا مش هستحمل. ردي علياااا، سلميييي. رجع دور العربية وساق بسرعة. وصل البيت بسرعة خيالية، نزل من العربية جري. لاقى الباب مكسور وسلمى واقعة قدام الباب، غرقانة في دم*ها. فهد بصدمة، وقع على ركبه وبكاء: حببببتي، أنتِ بتهزري معايا صح؟ يلااا قومي، أنتِ مش هتسبيني، لا يلا عشان خاطر فهد حبيبك، يلا يا حبيبتي عشان خاطري، سلميييي، قوومي.

سلمى كانت بتتكلم بالعافية: فففهد. فهد بلهفة: حبيبتي، أنتِ عايشة صح؟ سلمى مدت إيدها بالعافية مسحت دموعه: أنا فهد حبيبي، قوي صح؟ أنا بحبك أوي يا فهد، وحطت إيده على بطنها: وهو كمان بيحبك، هو كان نفسه يشوفك. فهد بدموع: هتعيشي، مش هتسبيني. سلمى بصعوبة: فههد، جججاسم، هو ففى...... وقطعت نفسها وماتت. فهد بصدمة: لا، سلمى حبيبتي، قومي، أنتِ مش هتسبيني، سلميييي، قوومي، سلمييييييييييييي. باااك. جاسم

دمع على صديقه وابن خالته: ربنا يرحمها يا صاحبي. بس ليه قالت اسمي؟ أنا مش فااهم. فهد بحزن: لأن وقتها أنت كنت لسه ماشي من شوية من عندي، وهما دخلوا عندي عشان عايزينك. وسلمى كانت بتحذرني. الفيديو اللي جاسر ادّاهولي، شوفت فيه كل حاجة. وسلمى كانت بتترجاهم عشان ميقتلوهاش عشان حامل. جاسم بحزن على حالة صديقه: سامحني يا صاحبي، كل اللي حصل لك ده بسببى. فهد: *******. عند عشق. عشق بتعب: ماما صفاء، أنا تعبانة وقلبي بيوجعني أوي.

صفاء بخوف لاقت ضربات قلبها سريعة، ندهت الممرضة بسرعة. الممرضة: دكتور إلياس وصل من شوية، وقولتله على الحالة. صفاء: خليه يجي هنا فوراً. جه إلياس وبدأ في فحص عشق، وطلب إعادة التحاليل وإجراء بعض الأشعات الأخرى. إلياس جاب التحاليل وراح عند صفاء وعشق. إلياس: دكتورة صفاء، التحاليل طلعت، مستعدة صح؟ صفاء بخوف: اتفضل يا دكتور، واللي ربنا عايزه بس هيكون. إلياس فتح التحاليل وفجأة. إلياس بصدمة: إيه ده؟ مستحيل.

وفجأة عشق دموعها نزلت بصدمة و...