رواية حيرة عشق الفصل التاسع عشر 19 - بقلم شروق الحاوي

_عشق حالتها خلاص ميئوس منها أنا شفت الإشاعات بتاعتها واستغربت إزاي لسه عايشة لحد وقتي، عشق ممكن تموت في أي وقت. جاسم اتصدم من اللي سمعه: انتوا بتقولوا إيه؟ مين دي اللي هتموت؟ صفاء بتوتر: هاا، مفيش، دي حالة صعبانة عليا خالص وحالتها صعبة وممكن تموت في أي وقت. جاسم بشك: انتي متأكدة؟ صفاء بتوتر: هاا، أه متأكدة طبعًا. أكيد. جاسم بشك أكبر: عشق حالتها إيه؟ وإيه سبب النز*يف ده؟ وإيه اللي مأخر عمليتها كل الوقت ده؟

صفاء بتوتر أكتر وبقت تفرك إيدها وهي مش عارفة تجاوبه تقول له إيه، تقول له إن حبيبته وعشقه هتموت وتسيبه ولا هتقول له إيه، بس قررت تواجهه بالحقيقة. صفاء بتوتر: جاسم، انت طبعًا عارف إن الأعمار بيد الله. وعارف كمان حالة عشق خطيرة قد إيه. جاسم بقلق: عايزة تقولي إيه؟ قولي اللي عايزاه بسرعة يا أمي، أنا أعصابي مش متحملة. صفاء بحزن: أنا عايزة إك تشد حيلك وتفضل قوي وتخليك جنب عشق، الوقت اللي باقي لها في الحياة. جاسم من

الصدمة بقى يضحك بهستيريا: ههههههة، قديمة، سمعت الكلام ده قبل كده. صفاء بحزن: عارفة إني أنا قولتلك الكلام ده قبل كده وفعلاً التحاليل بتقول إن عشق من سابع المستحيلات تفضل عايشة لحد دلوقتي، اللي بيحصل ده معجزة من ربنا إنها لسه عايشة في وسطنا وبتتنفس. جاسم بغضب: عشق مش هيحصلها حاجة، التحاليل دي كدابة، أيوه كدابة. اتحولت نبرته من الغضب ومسك دراع والدته واتكلم بنبرة راجية. جاسم برجاء: صح يا أمي، التحاليل دي كدابة، صح؟

قوللي عشق مش هتسبني. وفجأة وقع على ركبته على الأرض وصفاء نزلت لمستواه وأخدته في حضنها وعيطوا هما الاتنين بطريقة تقطع القلب، وجاسم كان بيعيط بصوت عالي لدرجة اتجمع ممرضين كتير حواليهم وبقوا يدمعوا من الموقف. عند إبراهيم ومصطفى. إبراهيم اتصدم للمرة اللي ميعرفش عددها، في أخوه كل مرة بيخدعه وبيضحك عليه، مش كفاية خلاه ميت في نظر ولاده، لأ وكمان أخد ابنه ومفهمه إنه مش ابنه.

إبراهيم ضحك بسخرية: هه، مبقتش هتصدم فيك يا مصطفى، انت خذلتني وأفعالك خلتني أستعر من كونك أخويا. مصطفى بندم: أنا والله كنت خايف يكرهني، مش عايزاه يكرهني، بس والله كنت ناوي أقولك الحقيقة. إبراهيم تجاهل كلام مصطفى ووجه كلامه لباسم بصرامة: باسم، كلم ياسين واعرف منه عنوان فيلة جاسم وقول له ييجي على هناك، وكمان كلم محسن سحاب يروح على الفيلا عند جاسم.

باسم أومأ برأسه وطلع تليفونه وكلم ياسين وحكاله اللي حصل وأخد منه عنوان فيلا جاسم، وهو طبعًا ميعرفش إن ياسين عارف، واللي صدم ياسين أكتر إنه عرف إن أبوه عايش وقرر يرجع لبيته تاني. عند ياسين. كان قاعد قدام البحر بيفكر في اللي سمعه من باسم. قرر إنه يسيب إسكندرية ويرجع القاهرة تاني، وهو مش مصدق إن أبوه إبراهيم عايش، رجع الفندق وجهز حاجته، وهو خارج اتصدم بموظفة الاستقبال في الفندق.

ياسين بغضب: انتي غبية يا بت، انتي مبتشوفيش؟ الموظفة بتغط على أسنانها بغيظ: أنا آسفة يا فندم، بس حضرتك اللي غبي مش أنا. ياسين بغضب: انتي بتكلميني أنا كده؟ انتي متعرفيش أنا مين؟ الموظفة بغيظ: والله حضرتك اللي غلطت الأول وأنا رديت بكل احترام علشان دي وظيفتي إني أتحمل العملاء الغتتة اللي زيك. ياسين زاد غضبه أكتر: انتي إزاي يا جربو*عة انتي تكلميني بالطريقة دي؟ فييين مدير الزفت ده؟ البنت مبقتش

قادرة تتحكم في غضبها: بص أعلى ما في خيلك ارك*به، أنا كدا كدا هقدم استقالتي وأخلص من الذل ده. وسابته ومشيت، وهو لا لحظ ندم إنه هو السبب في قطع عيشها، بس بعدين كمل طريقه عادي. عند عشق في المستشفى. جاسم قام وقف وطلع برة المستشفى وهو حاسس بضياع، وفجأة سمع صوت الأذان: الله أكبر، الله أكبر. دخل المسجد وصلى وبقى يدعي لربنا كتير، وبقى صوته شهقاته عالية بطريقة خلت المصلين جنبه يدعوا له ويتقبل دعاءه.

خلص صلاة وقعد في المسجد ودموعه نازلة، وأخد يردد بعض الأدعية. اللهم أذهب البأس، رب الناس، اشف وأنت الشافي، لا شفاء إلا شفاؤك، شفاء لا يغادر سقمًا، أذهب البأس رب الناس، بيدك الشفاء، لا كاشف له إلا أنت يا رب العالمين. إلهي، اسمك شفائي، وذكرك دوائي، وقربك رجائي، وحبك مؤنسي، ورحمتك طبيبي ومعيني في الدنيا والآخرة، وإنك أنت المعطي العليم الحكيم.

ودموعه زادت في النزول: يااارب، يااارب، اشفلي حبيبتي، يارب ماتحرمني منها، يارب، ياااارب، يااارب. وفجأة تليفونه رن بإسم والده، فصل الخط وبقى يرن أكتر لحد ما أخيرًا رد بصوت متحشرج. جاسم: الو. مصطفى بخوف: جاسم، انت فين؟ أنا جيتلك الفيلا، الحارس بيقول إن انت في المستشفى، مستشفى إيه؟ جاسم بضعف قاله اسم المستشفى وقفل، وبعدها بثواني رن تليفونه بإسم مامته. صفاء بصراخ: الحقنا يا جاسم، عشق *****.

جاسم من الصدمة التليفون وقع من إيده ووو....