رواية حيرة عشق الفصل الخامس عشر 15 - بقلم شروق الحاوي

جاسر: ياسين ميجوزش لعشق. جاسم بعدم فهم: يعني إيه الكلام ده؟ فهد بسخرية: ده على أساس سيادتك مش عارف إن ياسين مش أخوك. جاسر بإحراج: أستأذن وخرج على وعد بأن يعود مرة أخرى. جاسم: أنت تعرف إيه أنا معرفوش يا فهد؟ فهد بلؤم: هو أنت متعرفش إن ياسين يبقى أخو باسم سحاب التوأم، وإن هما الاتنين ولاد عمك يعني خوات عشق؟ جاسم اتصدم: إيه؟ أنت أكيد كذاب. فهد اتعصب: أنا مبكذبش، مش فهد الديمالي اللي يكذب.

جاسم بهدوء: اهدى يا فهد وفهمني عرفت إزاي. فهد باقتضاب: هتعمل عليا عبيط بقا، وأنا مش فايقلك. أنا ماشي، بس عشق هرجع لها مفهوم. جاسم وهو ينظر له بنظرات لوم: فهد استنى الفلاشة، ووقتها هترجع تلاقيني زي ما أنا. مشى فهد وهو محتار من موقف جاسم، وإزاي هو واثق إنه هيرجعله تاني. في صباح اليوم التالي. عند عشق صحيت وادت فرضها. غيرت هدومها وسابت شعرها مفرود، نزلت. عشق: صباح الخير. جاسم من غير ما يرفع راسه من على الأكل: صباح النور.

صفاء بحب: ما شاء الله يا روحي، بدر منور، تعالي يلا افطري. علشان ترجعي جامعتك تاني. جاسم قام وقف: يلا عشان منتأخرش، هوصلك الجامعة وهروح شغلي. عشق كانت واقفة متنحة: هو أنتوا بتتكلموا جد؟ جاسم ضحك على منظرها: اقفلي بوقك الدبان هيدخل. عشق بصت له بغضب: والله. جاسم بضحك وبيلعب حواجبه: والله. عشق بتذمر وبتدبدب رجلها في الأرض: شوفي يا ماما بعمل إزاي. صفاء بضحك: بس يا جاسم مش تضايقها. جاسم بضحك: مش هي اللي طفلة. عشق

بغضب ورفعت صباعها في وشه: أنا مش طفلة، أنا كبيرة. جاسم بحب: أحلى طفلة كبيرة. قاطعهم دخول ياسين. جاسم بص لياسين بنظرات غريبة ونقل بصره بين عشق وياسين. ياسين: مفاجأة مش كده؟ عشق بلؤم بوق: والله مفاجأة زي الطين. جاسم بحزم: يلا يا عشق عشان الجامعة. عشق بفرحة: أنت بتتكلم جد؟ وجريت عليه حضنته، وهو اتصنم مكانه ومن حركتها المفاجئة. أما ياسين فكان بيغلي من الغيرة. جاسم بصوت متحشرج: عشق هنتأخر. جاسم: ياسين عايزك في المكتب.

ياسين بغيظ: متنيل وراك. جاسم دخل المكتب ووراه ياسين وقفل الباب. جاسم طلع ورق ورماه قدام ياسين. ياسين مسكه واتصدم من اللي فيه. ياسين بصدمة: باسم أخويا إزاي؟ جاسم بهدوء: باسم وأنت أخوات توأم، يعني الشبه اللي بينكم ده مش صدفة. ياسين: يعني عشق أختي؟ لا مستحيل، أنا مش هسيبها. فجأة سمعوا صوت عشق. عشق باستغراب: هي مين دي اللي اختك؟ ياسين دمع وشدها لحضنه: أنا بحبك أوي يا عشق، بحبك أوي.

عشق بعدته عنها: ياسين اللي بتعمله ده حرام، ميصحش. ياسين مردش عليها وشدها لحضنه مرة تانية ودموعه نازلة: في المرة دي مش حرام يا عشق، مش حرام، أنتِ طلعتي أختي، أنا أختي، يعني دمنا واحد. عشق اتصدمت وزقته بعيد: أنت بتقول إيه؟ أنت اتجننت؟ جاسم: هي دي الحقيقة، باسم ليه أخ توأم هو ياسين. بس المشكلة ليه بابا قال إن معرفش أخوكي التاني فين؟ عشق بدموع: يعني ياسين أخويا. والمشاعر اللي بحسها تجاهه عشان هو أخويا بس صح؟

يعني أنا مش بحبه الحب التاني صح يا جاسم؟ جاسم جه جنبها واخدها في حضنه وبقا يطبطب عليها: اهدى يا عمر جاسم ودنيته. عشق بعدت وبصت في عيونه: أنا محبتش ياسين، هو طلع أخويا. جاسم: دي الحقيقة. عشق بجمود: تمام، أنت كده مبقاش ليك لازمة في حياتي، أنت كان دورك تحميني وبس، دلوقتي أنا بقا عندي أخين. يعني جوازنا مبقاش ليه لازمة.

جاسم اتصدم وضربات قلبه كانت سريعة جدا لدرجة تكاد تكون مسموعة بالنسبة لعشق، وفضل باصص لعيونها يتمنى لو ترجع الكلام اللي قالته ده، مكنش يتمنى يسمع منها الكلام ده. عشق اتجاهلت نظراته وحطت عيونها في الأرض. عشق: جاسم طلقني.