رواية كارينا الفصل الأول 1 - بقلم اسماعيل موسى

كانت كارينا جالسة بين الطيور التي تتصارع على غلال الذرة، دموعها تغمر وجهها. عندما لمحت فانو راجعًا من الغابة، وكالعادة لم يعرها فانو أدنى انتباه. همست: "يعني جات عليك أنت يا فانو؟ ما الدنيا كلها مش مهتمة بيا." وقبل أن تمسح دموعها، سمعت صرخة والدها: "كارينا؟ ركضت كارينا داخل المنزل. "نعم يا والدي؟ "كنتِ فين؟ "راحت كارينا تهمس: كنت بطعم الطيور وأملأ الدلاء." لكن مرآة أبيها سبقتها.

"أكيد كانت بتلعب، فاكرة نفسها طفلة صغيرة! تلقت صفعة من والدها أوجعت خدها. "اسمعي، أنا قررت أزوجك." همست كارينا برعب: "مش عايزة أتزوج يا والدي." صرخ والدها وهو يدير وجهه بعيدًا عنها: "هتتزوجي، لازم تتزوجي." همست كارينا بضعف: "أنا ضايقاك في حاجة يا والدي؟ همس والدها بنبرة أرق: "الظروف صعبة، وإحنا بنلاقي الطعام بصعوبة." "مش هاكل يا والدي، خليني عايشة في بيتنا ومش هاكل حاجة." رق الوالد.

لكن زوجته صرخت: "كفاياكِ مسكنة يا شيطانة! أنتِ أكتر واحدة بتاكل في البيت ده." بكت كارينا، زوجة والدها تمنع عنها الطعام ولا تمنحها إلا لقمة واحدة. "جوازك هيكون الليلة، عريسك هييجي ياخدك من هنا." ثم نظر إليها بغضب. "عريسك رفض يدفع فيكِ مهر لأنك نحيفة وضعيفة ولا تشبهين أي فتاة في عمرك، شايف الخسارة اللي تكبدتها بسببك؟ كل العائلات بتنتظر زواج بناتها عشان ياخدوا مهر يساعدهم، لكن أنا أكّلتك وكبّرتك وخدت إيه؟ ولا حاجة."

ارتمت كارينا في غرفتها تبكي وتنوح. دخل فانو الغرفة فجأة على غير عادته. نظر إلى كارينا بتركيز، ظل واقفًا في مكانه، ثم جلس على الأرض. "شايف يا فانو، عايزين يخلصوا مني؟ هيجوزوني لشخص مجرم مش بيرحم، هيضرني كل يوم ويعذبني." نهض فانو وقفز من الشرفة. تابعته كارينا وهو يختفي داخل الغابة. عندما هبط الليل، حضر عريس كارينا يترنح من السكر. طرق الباب. "فين عروستي؟ وقبل أن يرد والد كارينا، دخل البيت وجر كارينا من يدها.

"هادي مراتى أنا هاخدها." ثم جرها في الطريق نحو منزله تحت نظرات والدها وابتسامة زوجة والدها الساخرة. دفعها الرجل داخل بيته ثم أغلق الباب. وبرقت عيناه بغضب. ألقى جسمه على الكرسي وصرخ: "اقلعي هدومك؟ ارتعش جسم كارينا من الخوف. "عمرها ما قلعت قدام أي إنسان. طيب أغير هدومي داخل غرفتي؟ "غرفتك إيه؟ " صرخ الرجل، "أنتِ ملكيش غرفة، البيت فيه غرفة واحدة ملكي أنا." ثم أخرج زجاجة بيرة وشربها كلها. "اقلعي." ونهض من مكانه.

طوح جسد كارينا على الأرض وسحب عصا. "اضربنيش حاضر هقلع." ظهر فانو على نافذة بيت الرجل، زيله منتصب كالعادة. وكشر عن أنيابه وأطلق مواءً مزعجًا. اغتَاظ الرجل وركض تجاه فانو، لكنه تعثر في الطاولة وسقط على الأرض وفقد وعيه.