رواية قاصر معذبة الفصل الأول 1 - بقلم الكاتبة الحزينة

حرام عليك يا راجل البت لسه قاصر. كيف يعني ترميها الرمية دي؟ هو انت لاقيها؟ سلطان بغضب: انتي مالك يا ولاية؟ بنتي وأنا حر فيها. وهو انتي تعرفي هي هتجوز مين عشان تقولي كدا؟ نعيمة: علشان أنا عارفة هو مين. بقولك كدا، دا راجل أكبر منك في السن، يعني رجله والقبر. سلطان: أكبر مني في السن بس جيبه عمران وهنترفع على وش الدنيا بقا. نعيمة: نترفع على حسن البت عشق الغلبانة دي؟

دي بنتك يا سلطان. حرام عليك تبيعها للا يدفع أكتر، هي مش بهيمة عندك. سلطان نزل بكف يده عليها وقال: اخرسي يا م*را. وروحي جهزي البت عشان عريسها ياخدها، خلينا نقبض الفلوس ونرتاح من قرفها. نعيمة خرجت في الشارع شدت عشق من يدها وقالت لها: تعالي أديكي حاجة حلوة. عشق: لا لا سبيني يا خالة ألعب مع البنت شوية. نعيمة: تعالي هلعب أنا وانتي لعبة حلوة قوي، وألبسك فستان حلو. فرحت عشق ودخلت جري جوه مع نعيمة. عشق:

فين بقا يا خالة الفستان؟ نعيمة شدت الفستان من الكيسة وقالت: أهوه. عشق الله دا حلو قوي يا خالة، دا ليا أنا ولا بتضحكي عليا؟ نعيمة والدموع في عينها: دا ليكي انتي، وكمان هتروحي بيت جديد وتأكلي لحمة كتير، وتلعبي. عشق: ونبي صحيح؟ طب يلا وديني بسرعة. نعيمة: اصبري، مستعجلة ليه على قضائك يا عشق؟ عشق: مش انتي بتقولي يا خالة هاكل لحمة كتير وألعب مع البنت في حوش واسع؟ يبقى ما أستعجلش ليه؟ يلا يا خالة بسرعة تعالي، يلا وديني.

نعيمة: بس قبل ما تروحي لازم تدخلي تتحممي وتلبسي الفستان وتتزوقي وتسرحي شعرك عشان تبقي حلوة ويرضوا يلعبوا معاكي. دي ناس أغنية قوي. عشق بفرحة: طب يلا يا خالة بسرعة الله يخليك، تعالي حمميني يلا ولبسيني عشان أروح بسرعة ألعب معاهم. نعيمة بحزن على حال عشق: تعالي يلا يا بنتي. وفعلا أخدتها عشان تلبسها وتزوقها وتحضرها للعريس. في بيت العريس: زين: يا ابا البت دي صغيرة قوي عليكي، متنفعش. دي لسه قاصر، تجوزها كيف؟ بدران:

هو إيه اللي كيف؟ أجوزها زي الناس، زي كل البنات اللي أنا جوزتهم من قبل. زين: لا يا ابا، إحنا داخلين على انتخابات، وبلاش الناس تقول عليك بتشتري بناتهم. بدران: وافرض يعني؟ هما مالهم؟ أنا راجل، والراجل ما يعبهوش إلا جيبه، وأنا جيبي عمران ومليان، يكفي بلد. يبقى ما فيش عيب فيا. وأنا ما ضربتش حد على يده، الناس اللي بيدوني لحد هنا تعرض بناتها عليا. زين: بلاش عشان الانتخابات. بدران بغضب:

انت عايز تبوظ الجوازة وأنا مش هنولك مرادك. وخرج وسابها. زين بتعصب: هي فعلا لازم تبوظ يا أبويا. دخلت نعيمة على عشق عشان تزوقها. مكنتش مصدقة اللي شافته.