رواية قاسي الفصل التاسع والعشرون 29 - بقلم نور رمضان

ريان ببرود: تمام، أنا جاي. ياسر بغضب: انت أي البرود اللي فيك ده؟ ها! بقولك فيه فيديو ليك وإنت بتعذب هند، إنت كده هتروح في داهية، اعقل بقى! ريان على نفس البرود: قفل في وشه السكة. نور بعياط: ريان، هو في إيه؟ ريان بحنية: مفيش حاجة، اهدي، حد منزل خبر كذب، مفيش حاجة. نور بعياط: خلي بالك من نفسك، أنا مليش غيرك. ريان بحنية باسها من خدها: حاضر يا نوري.

ثم أكمل بخبث: بقولك إيه، ما تيجي نقعد عالـبحر النهارده كمان، أصلي كنت مبسوط أوي امبارح. نور بكسوف: ريان، احترم نفسك. ريان بقهقهة وضحك: ده أنا محترم على الآخر، إلا قوليلي، إنتي اشتريتي الروج ده منين؟ نور باستغراب: ليه؟ ريان ببراءة: طعمه حلو أوي. نور بوجه أحمر من الخجل: رياااااااان بس بقى. ريان بخبث: اجهزي النهارده عشان سهرتنا طويلة يا نوري. بعدها ريان راح على الشركة. ريان ببرود لياسر: كلم محمد بيه دلوقتي.

ياسر: ناوي على إيه؟ ريان ببرود: هتعرف دلوقتي. ياسر: تمام. وطلع الفون رن على الظابط. ريان: أهلاً محمد بيه. محمد: أهلاً أهلاً أستاذ ريان، أخبارك إيه؟ ريان بغضب مصطنع: تمام، كنت عايز أعرف الموضوع اللي منزل فيديو ليا كاذب وانتوا سايبينه كده إزاي؟ محمد: اهدي يا أستاذ ريان، أنا هعرف دلوقتي وهقفل الموقع ده، بس إيه الدليل اللي عندك يثبت إنه مش انت؟ ريان ببرود: هبعتلك الإثباتات مع ياسر. وقفل السكة في وشه. ياسر: هتعمل إيه؟

ريان: اسمع... ياسر بضحك: حاضر. بعدها قعد ريان يراجع ورق الصفقات، ولاقى في ورق كتير أوي ملعوب فيه. ريان بغضب: إزاييييي! كل الصفقات دي مشبوهة، إزايييي! ثم أكمل بشر: ولله لأعرف مين اللي عايز يأذيني كده وهندمه. وبعد وقت ما روح ريان البيت. ريان: نور، نوري، إنتي فين؟ قعد ريان ينده محدش بيرد عليه. طلع الأوضة لاقى نور غارقة بالدم. ريان بخوف وصدمة: نوررررررر! مالك، في إيه؟ ردي عليا. الاقي ورقة جنبها مكتوب فيها: (البداية)