رواية كبرياء حب الفصل الخامس عشر 15 - بقلم ندى أحمد

تانى يوم صحى مازن وميرنا كل واحد على رنة تليفونه. ميرنا: الو. ياسمين: انتى لسه نايمه اصحى ياله وتعالى على الفندق. ميرنا: طيب. مازن: الو. ايهاب: اصحى يا مازن وتعالى على الفندق. مازن: حاضر. مازن باس ميرنا: صباح الخير يا قلبى. ميرنا: صباح الخير يا حبيبى. مازن: يالهووووى على كلمة حبيبى دى. وقرب منها وباسها من شفايفها بشوق، وميرنا بدلته البوسة. بعد مازن عنها لما حس إن هي محتاجة هواه، ولسه هيقرب تانى. ميرنا: هيقتلونا قوم.

نطت من على السرير. مازن: مااااشى كلها ساعات هاا. جهز كل من مازن وميرنا للفندق. ف اوضة البنات ف الفندق. ياسمين: الهااانم اخيرا شرفت. ليلى: م هما سهروا طول الليل بقى يا بت. (غمزتلها) ميرنا: اتلمى انتى وهى احنا معملناش حاجة. ليلى و ياسمين: اييييييييه انتى مقولتلوس؟ ميرنا: لا قولتله وحكتلهم على اللي حصل. ف اوضة الشباب ف الفندق. ايهاب: نموسيتك كحلى. على: متاخر كده ليه؟ د انا معرفتش انام من القلق.

ايهاب: ولا يا مازن انت مالك مبتسم كده مالك؟ حصل حاجة؟ مازن: اه. على و ايهاب: احكى. مازن: لا. ايهاب: اخلص بقى. مازن: جيت اكلمها ف اللي باباها قاله، قالتلى بحبك بس. (وانهارده هتجوز زي زيكم) على: طب الحمدالله. مازن: سيبكم منى انتوا ف ايه؟ ف القاعة كانوا بيقولوا ان ف مشكلة. ايهاب: اه ياعم الديكور مش هيلحق يخلص. على: ليلى لو عرفت هتقول مش هتجوز. اتصرفوا. مازن: طب انا هنزل اتصرف. ف فيله الشازلى.

احمد: تفتكر اللي احنا قولنا للولاد ده صح يا ابراهيم؟ مكنا سبناهم ياخدوا على بعض واحدة واحدة. ابراهيم: لا انا عارفه بنتي مهما حصل مش هتقول غير للشديد القوي، بما تحس إن الحاجة اللي عايزاها خلاص هتروح منها. ومازن الصراحة مش مخلي جهد. ده لو طال يجبلها نجمة من السما هيجبهالها. ف هي تحسم قرارها دلوقتي. لو اه خلاص يكملوا، لو لا خلاص. على الأقل منتعبش مازن. ده كتر الف خيره أصلا إنه رضى إنه يتجوز بالطريقة دي.

احمد: ان شاء الله خير. ف المساء ف اوضة البنات. ميرنا: قمراااااات ربنا يسعدكم يارب. ياسمين: ويسعدك ويريح بالك يا قلبي. ليلى: ايش ايش ايش الفستان عليكي توحفة يا بت ايه ده. ميرنا: بجد حلو. (ميرنا كانت لابسة فستان ازرق لون عينها وكاب مجسم طويل) ياسمين: اووووى يا قلبي. ميرنا تليفونها بيرن: ده على ده للمرة التالت يتصل. هقولهم يطلعوا بقى خلاص انتوا جهزتوا اهو.

طلع على وايهاب ياخدوا العرايس، وكانوا شبه الأميرات. ايهاب أول ما دخل وشاف ليلى وياسمين قرب على ليلى وحضنها وباسها. ايهاب وهو حاضن ليلى: خلاص هتتجوزي يا لولو؟ لولو الصغيرة اللي كنت بجيب لها الشوكولاتة كبرت. كبرتي يا بطة وهتتجوزي وتسيبى هوبا. ليلى وهي بتعيط: أنا مقدرش أسيبك. انت أخويا وأبويا وكل اللي ليا ف الدنيا. وانت كمان هتتجوز البنت دي. (وبتشاور على ياسمين)

ايهاب: طب بس بطلي عياط عشان الميك اب بتاعك يا طفلتي. وبعدين انتي مش هتسبيني. انتي هتجيلي وأنا هاجيلك وهنتكلم بعض كل يوم. ونخلي يوم ف الأسبوع نقضيه أنا وانتي لوحدينا مع بعض. ولو الزفت ده زعلك ف حاجة تيجي تقوليلي وأنا أموتهولك. ده انتي اللي طلعتي بيها من الدنيا دي. انتي أمي وأختي. اللي رغم إن انتي أصغر مني إلا إني باجي أشكيلك كل همي وأقولك كل أسراري. (وحصنها جامد) على: ايه وصلت النكد دي؟ ومين ده اللي زفت ياض؟

ايهاب: انت زفت. ولو زعلتها ولو فيوم بس عيطت أو زعلت بسببك هتشوف أنا هعمل فيك إيه. ده تحطها ف عينك. ده أنا مديلك أغلى حاجة عندي يا على. على: دي ف قلبي وف عيني. ومقدرش أزعلها وأبعد بقى كده عن مراتي. ليلى: لا خليني ف حضن ايهاب شوية عشان هيوحشني. ايهاب: إحنا كده كده رايحين مع بعض نفس المكان ف شهر العسل يا لولو. مش هسيبك متخافيش. بس عشان الزفة. ليلى: طيب.

ودخلوا القاعة تحت نظرات انبهار الناس بجمالهم. تهنئتهم واشتغل أغنية سلو وفضلوا يرقصوا. ميرنا واقفه بعيد بتتفرج عليهم. راح مازن شدها وفضلوا يرقصوا معاهم سلو. ميرنا: بتعمل إيه؟ مازن: إيه؟ برقص أنا ومراتى حبيبتى. ميرنا اتكسفت وبصت تحت. مازن: شكلك حلو اووى على فكرة النهاردة والفستان ده المفروض مايتلبسش. بس أنا هعديها عشان منكدش. ميرنا: حبيبى يا ميزو. مازن: بحبك اووى يا ميرنا. ابراهيم نده على مازن وميرنا خارج القاعة: ها؟

قررتك تتطلقوا امتى؟ مازن حضن ميرنا: لا م إحنا مش هنتطلق. ابراهيم: يعني إيه؟ مازن: إحنا الاتنين بنحب بعض نتطلق ليه؟ ابراهيم: أنا كنت متأكد إن ده اللي هيحصل. ربنا يسعدكم يا ولاد. الفرح خلص وكل واحد من العرسان طلع جناحه ف الفندق. ميرنا: ياله يا مازن نروح لحسن هموت وأنام. مازن: إحنا مش هنروح. أنا حاجز جناح ف الفندق. وبكرة مسافرين شهر العسل معاهم. ميرنا بفرح: بجد يا مازن؟ مازن: بجد يا قلب وعيون مازن.

خدها وطلعوا الجناح اللي ف الفندق. ف اوضة ايهاب وياسمين. ايهاب: مبروك يا حبيبتي اخيرا بقينا مع بعض. ياسمين بتوتر: الله يبارك فيك يا حبيبي. ايهاب حس بتوترها. ايهاب: ياسمين انتي مش هتغيري هدومك؟ ياسمين: هغير اه. ايهاب ابتسم وباسها من جبينها: طب أنا هدخل اغير برا لحد ما تخلصي.

ياسمين فضلت تحاول تفك الفستان مش عارفة. فضلت حوالي ساعة إلا ربع. ايهاب قلق عليها فضل يخبط على الأوضة مفيش رد. فتح الباب لقاها قاعدة على الأرض بتعيط. ايهاب: ايه ده؟ بتعيطي ليه؟ في إيه؟ ياسمين: عمالة أحاول أفك الفستان مش عارفة. ايهاب فضل يضحك: طب متقوليلي. ياسمين: لا م أنا مكسوفة منك أصلا. ايهاب: طب هفكه وهخرج. ياسمين: طيب.

بدأ ايهاب يفك لها الفستان ومشي إيده على ضهرها حس برعشتها. لفت ياسمين قالتله اخرج بقى. فضل باصصلها وقرب منها باسها من شفايفها. ونسيبهم بقى عيب. ف اوضة على وليلى. على: متعرفيش أنا اتمنيت اليوم اللي تكوني فيه ليا ومعايا واتحقق. ليلى: ربنا يخليك ليا. على حط جبينه على جبينها وإيده وصلت لسوستة الفستان. وباسها من شفايفها. ف اوضة ميرنا ومازن. ميرنا دخلت الأوضة لقت ف قميص نوم على السرير والأوضة بلالين. جه مازن حضنها من ضهرها.

مازن: غيري هدومك يالا. غيرت ميرنا هدومها ولبست القميص. قرب منها مازن وفضل يبوسها بكل شوق وحب. صحيوا العرسان تاني يوم واتجهوا المالديف. قعدوا أسبوعين. بعد ١٠ أشهر. ف فيله الشازلى. ايهاب: ولا يا مازن تحس إن هما شبه البلالين. لو جبت دبوس وفرقعتهم هيطيروا. على: متيجوا نجرب. ليلى: نجرب ماااااشى ماااشى برحتك. ده أنا كنت جايلك شمعة منورة. ميرنا: اه.... ااه.... مازن.... ااااااه. مازن: ف إيه؟ ف إيه يا ميرنا؟

ميرنا: مازن أنا بولد.. ااااااااااااه. خدوا ميرنا وراحوا المستشفى. وهما ف العربية. ليلى: على الحقني. على: ف إيه؟ انتي كمان؟ ليلى: اااااااااه أنا بولد ااااااااه. دخلوا المستشفى قدام أوضة العمليات. الدكتور خرج: مبروك مدام ميرنا ولدت وجابت بنت زي القمر. ومدام ليلى جابت ولد. على: يا عم أي حاجة يكش كيش شيبسي. هما عملين إيه؟ الدكتور: هما حالتهم كويسة جدا وهييتم نقلهم أوضة عادية أول ما يفوقوا. الكل: ألف مبروك يا ولاد.

ياسمين: ايهاب الحقني. (ايهاب مش سامع) ايهابااااااااااااااااه. ايهاب: تعالي يا حبيبتي أوضة العمليات أهي. مش هنروح في حتة يعني؟ هي جت عليكي. على: يخربيتكم. الكل عمال يضحك. كلهم ف أوضة واحدة ميرنا وليلى وياسمين. الكل: حمد الله على السلامة يا ولاد. مازن: بنتك قمر شبهك يا قلبي. ميرنا: هي بنت؟ مازن: اه اهي. (وجابها وشالها لها) احمد: هتسموها إيه؟ مازن بص لميرنا: حور. احمد: اسم حلو اوى. ربنا يخليهالكم يارب. .....

وانت يا على هتسمي ابنك إيه؟ على: وسيم. احمد: ربنا يخليلك وسيم يا أبو وسيم. وانت يا ايهاب هتسمي بنتك إيه؟ ايهاب: حياة يا عمي. ربنا يخليهملكم.