رواية قدر النسر الفصل الحادي عشر 11 - بقلم بسنت حسين

دخلوا واتصدموا من حور، لأن أول مرة يشوفوها كده، على طول جلبية واسعة وحجاب. نسر: مين دي؟ زين: دي حور. جبل: صدق اللي سماها حور. نسر: اتلم ياض. جاسر نده عليها. حور: أوهه، عيلة الأسيوطي هنا. ميّار: إيه اللي عملاه في نفسك دا يا حزينة؟ ميرا: انتي بجد حور؟ يوسف: هو في إيه؟ حور: إيه، أول مرة تشوفوني؟ محمود: أصل بصراحة، أول مرة نشوفك بجلبية كده. حور: لا عادي، هو دا لبسي. نور: احمم، ازيكم؟ إبراهيم: تمام، انتي عاملة إيه؟

نور تجاهلته وإبراهيم زعل أوي. جاسر: طب تعالوا يا جماعة نفطر. كلهم دخلوا واتعرفوا على حسين وقعدوا يفطروا سوا. وقدر طلعت تغير ونزلت ببنطلون ضيق مقطع وتيشيرت على القمر وقعدت تفطر، ونسر مذهول. وفجأة دليدة دخلت. دليدة: هو قصر عمو حسين احتلوا الإنجليز ولا إيه؟ حسين: تعالي يا ديدة. دليدة باستة: مين دول يا سيكا؟ حسين: دول عيلة الأسيوطي اللي حكيتلك عنهم. دليدة: آه، ازيكوا. الجميع: الحمد لله. دليدة: أنا دليدة بنت عم حور.

ميرا: تشرفينا. نسر: وانتي في كلية إيه؟ دليدة: كلية هندسة. جبل: عندك كام سنة بقا؟ دليدة: انت يا سكر عندك كام سنة؟ جبل: مين دا اللي سكر يا بت؟ دليدة: أنا هسكت، لأن أنا بس في بيت سيكا وانتوا ضيوف. حسين: خلاص يا شباب كملوا فطار، وانتي يا دليدة اقعدي. دليدة: اقعد فين؟ والبارد اللي قاعد دا قاعد مكاني. جبل: قصدك مين؟ دليدة: انت. جبل: يا وقعة سودا، أنا بارد. دليدة: وستين بارد. جبل: بت انتي اتلمي.

حور: خلاص يا دودو، اقعدي في أي مكان. دليدة: حاضر. جاسر: إلا قوليلي يا ديدة، كنتي فين امبارح بليل؟ دليدة: أنا يا بيّة جاسر. جاسر: هو أنا بكلم حد غيرك؟ دليدة بخوف: أنا اصل أنا. زين: خلاص يا جاسر، وانتي يا ديدة افطري وحصليني على المكتب. دليدة: حاضر. أدهم: إحنا كنا جايين نطلب منك طلب. حسين: قول يا ابني. أدهم: إحنا كنا جايين نطلب إيد حور لنسر. حور: كحكحكح. جاسر: خدي اشربي مياه. حور: شكراً. كحكحكح.

نسر: حور، لو انتي مش بتحبيني أو مش عايزاني، قولي. حور: لا مش كده. نسر: اومال إزاي؟ حور: لا بس، جات فجأة. نسر: يعني موافقة؟ حور بصت لأبوها. حسين: أنا نفسي معنديش مانع. جاسر: وانت صاحبي واخويا، ومحدش هيحافظ على أختي زيك. زين: أنا بقا مش موافق. أدهم: ليه بس؟ زين: أنا حر، أنا كده مش عايز أجوز أختي. جاسر: فيه إيه يا زين؟ زين: في إن أختي لسه صغيرة. كلوا مات من الضحك ما عدا حور ونسر. جاسر بضحك: يا عم، ما بقتش شحاتة أهو.

حسين: خلاص يا زيزو، روّق. يوسف: يبني، مسير كل البنات تتجوز. زين: أختي مش هتتجوز. أدهم: ما انت يا ود عمي، مسيرك تتجوز عاد. نور: ارجوك يا زيزو، وافق. وهنا إبراهيم حس بالغيرة. حسين: زين، متخلينيش أقول رأيي، مش مهم. زين: خلاص، مش مهم. مش مهم. وقام. حور: مسكت إيده قبل ما يمشي: عمري ما هوافق على حاجة انت مش موافق عليها. جاسر: يعني إيه يا حور؟ حور: أنا آسفة، بس طالما أخويا مش موافق، أنا كمان مش موافقة.

والدموع في عينيها وسابته وطلعت. حسين: ماتخافش يا ابني، شوية وهيّن زين يروّق ويوافق. نور طلعت عند حور. حور بتعيط. نور: خلاص، اهدي. فكرة زين غيران مش أكتر. حور: وأنا عمري ما هزعله. نور: بس برضه، فكري في مستقبلك. حور: لو من غير موافقة أخويا، يبقى مش عايزاه. نور: بس انتي بتحبي نسر أوي. حور: وبحب زين أكتر. نور: ما مش معقولة يعني، ما زين مسيره يتجوز، هتفضلي انتي كده؟ حور: لو هو عايزني كده، فتمام.

نروح عند زين واقف في التراس، ونسر دخل. نسر: ممكن أعرف مش موافق ليه؟ زين: أنا حر. نسر: اممم، غيران. زين: هو أنا هغير منك انت. نسر: مالي، ما أنا زينة الشباب. زين: يا عم، اتنيل. أنا مش عارف عجبها فيك إيه. نسر: ما يمكن غمازات. زين: أهم بتوعي أحلى. نسر: وافق بقا، هموت وأتجوز. زين: موت أحسن. نسر: أهون عليك يا زيزو. زين: اسمي زين. نسر: أختك دي غريبة يا راجل. زين: ليه؟

نسر: من يوم ماشوفتها وهي بتقولي يا نسور، وإبراهيم هيما، وأدهم أدهوم، وجبل جبول، ومحمود حودة، وسليم سوسو. زين: ما هي مطلعة عليا زيزو من واحنا صغيرين. نسر: وافق بقا. زين: نسر: ليه؟ زين: هو انت هتحقق معايا؟ نسر: لا، بجد ليه؟ زين: خايف. نسر: من إيه؟ زين: انت يا عم، شغل الظباط دا مش عليا. نسر بضحك: طلعت واعر قوي. زين: تربيتك. نسر: تربية و**خة. زين: اتلم يا عم. نسر: قولي بجد، مش موافق ليه وخايف من إيه؟

زين: خايف عليها، خايف تتجرح. حور لما سابت أمير ولغوا الفرح، كانت متدمرة، وأنا مس عايز أشوفها كده تاني. نسر: وأنا أوعدك إني هخليها أسعد إنسانة في الدنيا. زين: وايه اللي يثبت؟ نسر: بص، أنا بصراحة معنديش إثبات، بس والله بحبها أوي من قبل ما أعرف إنها أختك. زين: أنا معنديش مانع، بس خايف عليها. نسر: والله لأحطها جوه عيني. زين: يعني عمرك ما هتزعله؟ نسر: أنا عندي أختين، واللي هعمله مع أختك، هيتردلي في أخواتي.

زين: وأنا موافق. نسر: يا عم، طب ما كان من الأول. زين: تعالي نقولهم.