رواية قدري الفصل الثامن عشر 18 - بقلم رقة فراشه

سليم: وعليكم السلام. أنا الدكتور محمد، زميل الآنسة ياسمين، وأسف لو أزعجتك، بس أنا طالب يد الآنسة ياسمين للجواز. هي إنسانة محترمة وأخلاقها عالية جداً. سليم: إممم، طيب يا دكتور محمد. ياسمين خطيبتي وقريباً زواجنا. محمد: إزاي يعني؟ سليم بنبرة تخويف: زي الناس، ياسمين خطيبتي وقريباً هتبقى مراتي. محمد: تمام يا بشمهندس سليم. سليم أغلق الخط ورمى الموبايل على المكتب. يوسف باستغراب: إيه في؟ ومين اللي كنت بتكلمه؟

سليم: واحد اسمه محمد، زميل ياسمين في الشغل. يوسف بتفهم: بيكلمك عشان يطلب إيد ياسمين. سليم بغيظ وغضب مكتوم: إممم. يوسف: أنت لازم تعترف لياسمين يا سليم ويبقى بينكم حاجة رسمية. لو فضلت ساكت مش بعيد ياسمين تروح منك. سليم زعق: أنا مش هسمح لأي حد ياخدها مني يا يوسف.

يوسف: يا سليم، لو الكلام ده وصل لخالتي وياسمين، أولاً خالتي هتوافق عشان الإنسان ده زميل ياسمين في الشغل، يعني دكتور وله شأن، وياسمين هتوافق مع كلام مامتك ليها، وهو كـ... قاطعه سليم بغضب: الكلام مش هيوصل، أنا نهيت الموضوع. يوسف: أنت اللي قلته دلوقتي كلام أفعاله يا سليم. سليم تنهد: ده اللي هيحصل. يوسف بفرحة: مبروك مقدماً يا كبير. سليم بابتسامة: الله يبارك فيك. يوسف قام: طيب، أنا ورايا كام مشوار لازم أعمله. محتاج حاجة؟

سليم: سلامتك يا شبح. لو احتجت أي شيء كلمني. يوسف: تسلم يا كبير. *** في غرفة ياسمين. ياسمين بحنية: حبيبتي، كل ده حصل معاكي؟ حبيبة بحزن: أيوه يا ياسمين، بس الحمد لله، ابن خالتك أنقذني. ياسمين عانقت صديقتها: أنا آسفة يا حبيبة، يمكن لو كنت معاكي مكنش حصل ده كله. سامحيني. حبيبة بادلتها الحضن: مسامحاكي يا قلبي، وأنتِ مش ذنبك حاجة، ده مقدر ومكتوب. والحمد لله ربنا بعت حد ينقذني. متشيليش نفسك ذنب حاجة أنتِ مالكيش ذنب فيها.

ياسمين خرجت من حضنها وهي ماسكة يديها: أوعدك مش هسيبك ثانية بعد كده. حبيبة بابتسامة: بحبك يا أحلى صديقة شفتها عيني. ياسمين: وأنا بعشقك يا روحي. حبيبة: ها، مش ناوية تقوليلي كنتِ بتكلمي مين أنتِ ومبتسمة أوي كده؟ ياسمين بابتسامة: سليم. حبيبة بصدمة: بتحبي سليم؟ ياسمين: اسكتي، هتفضحينا. أنا قولت بحبه دلوقتي. حبيبة مسكت إيدها: أنا فاهماكي كويس يا ياسمين، ومش أنا اللي تخبي عليا.

ياسمين: مش عارفة يا حبيبة، إمتى حبيته وإزاي. بس أنا بحب أشوفه دايماً وبحب قربه ليا، بحب ضحكته اللي بتوهني، ولما بشوفه بكون مبسوطة ومش عارفة ليه. بس خايفة يا حبيبة، خايفة ميكنش بيحبني. حبيبة بهزار: كبرتي يا ياسمين وبقيتي بتحبي. ياسمين ضحكت: تصدقي أنا غلطانة إني قلتلك حاجة. حبيبة بحنية: أنا فرحانة ليكي أوي يا ياسمين، ربنا يتمم فرحتك على خير. ياسمين بتمني: يارب. حبيبة: احم، أنا عايزة أسألك سؤال بس يعني متفهمنيش غلط.

ياسمين بشك: إممم، تفضلي. حبيبة: إحم، هو ابن خالتك اسمه إيه؟ ياسمين بخبث: ليه بتسألي على اسمه يا حلوة؟ حبيبة بغيظ: أنا كنت متأكدة هتفهمي غلط وهتقعدي تخابثي معايا. ياسمين بتشاور على نفسها: أنا بخابث معاكي. حبيبة: ياسمين بقى، اتكلمي. ياسمين: اسمه يوسف عمران، عنده 30 سنة تقريباً أو أكبر أو أصغر الله أعلم. عايش في القاهرة. باباه ماسك شركة ومامته مربية منزل، ومعاه أخت متجوزة من قريب. وأنتِ عارفة هو شغال إيه.

حبيبة بستها في خدها: شكراً. ياسمين: إيه خدمة... كملت بمكر: أقولك؟ حبيبة بفضول: قوللي. ياسمين: يوسف النهارده جه وسألني عليكي. حبيبة بتوتر: احم، سأل عليا؟ قال إيه؟ ياسمين: زي ما أنتِ قولتي يا عيوني. حبيبة بكسوف: إحلفي! ياسمين بهزار: أوباا! إيه الكسوف واللهفة دي يا بنت عبدالرحمن. حبيبة: اسكتي يا ياسمين. ياسمين: سكتت يا أختي. 'الباب خبط.' ياسمين: مين؟ يوسف: سيفو. حبيبة اتوترت: يالهوي! ده هو! أنا هقوم أمشي.

ياسمين وهي فصلانة ضحك من أفعال صحبتها وتوترها: يابت، هو هيمشي على طول، متقلقيش. حبيبة بتتنفس: شهيق زفير، شهيق زفير. ياسمين ضحكت أكتر وصوت ضحكها بقى عالي. دخل يوسف على طول. يوسف بإحراج: أنا آسف، بس نسيت حاجة مهمة. ياسمين: نسيت إيه؟ يوسف: نسيت كارنيه قاعد هنا؟ ياسمين بتذكر: اها، لقيته مكان ما أنت كنت قاعد ونزلت أديهولك. خالتي قالتلي مشي. يوسف: تمام. 'وأخده وماشي.' ياسمين: ليه كمية التوتر دي كلها؟

الله يعمر بيتك، فصلتيني ضحك. حبيبة: مش عارفة. *** في البار. سيف: يعني يا ملك، مسامحاني؟ ملك بابتسامة: أيوه. سيف غمزلها: طيب وبتحبيني؟ ملك ضحكت وسكتت. سيف ضحك: مدام ضحكت، يبقى قلبها مال. ملك ضحكت: لا تصدق، حلوة. سيف: طيب، خدي ميعاد مع باباكي. ملك بابتسامة: اوكي. سيف مد لها يده: تعالي نرقص. قامت ملك ورقصت مع سيف. *** حبيبة: ياسمين، أنا همشي عشان الوقت اتأخر. ياسمين: استني، لو جه يوسف هخليه يوصلك.

حبيبة: لا طبعاً، أنا هطلب الأوبر. ياسمين غمزتلها: طيب، اعتبري يوسف الأوبر. حبيبة بخفوت: أحلى أوبر بصراحة. ياسمين باستعباط: بتقولي حاجة يا حبيبة؟ حبيبة: احم، لا يا حبيبة قلبي. يلا. نزلت تحت، كانت زينب تشاهد التليفزيون. لم يكن موجوداً. حبيبة بابتسامة: خلاص، أنا همشي يا قلبي وهطمنك، متقلقيش. ياسمين: اوكي يا حبيبتي، سلام. حبيبة: سلامو. خرجت حبيبة، ولكن أوقفها صوت يوسف. يوسف: استني. حبيبة: نعم؟ يوسف: اركبي، هوصلك.

حبيبة: لا، شكراً. يوسف بص لها بحدة: بقولك اركبي. ركبت حبيبة وهي تبرطم في الكلام. يوسف: أنتِ بتقولي إيه؟ حبيبة بغيظ: ملكش دعوة. يوسف: لمي لسانك طيب. حبيبة بغيظ: لا مش هلمه، وآعلي ما في خيالك اركبي. يوسف وقف العربية وتحدث وهو يقرب منها: متأكدة؟ حبيبة بتوتر: أنت بتعمل إيه؟ بعد. يوسف وهو يقرب أكتر: تؤتؤتؤ. حبيبة بتوتر: بعد يا يوسف، بدل ما أصوت وألم عليك الناس كلها. يوسف بعد وسألها باستغراب: أنتِ منين عرفتي اسمي؟

حبيبة بتوتر: إيه... مش عارفة... يعني... أنا عرفت... يوسف ضحك على توترها وكلامها المتقطع: هههه، خلاص مش عايز أعرف. *** زينب بصوت: يا سليم. سليم: نعم يا أمي. زينب: تعال، عايزة أتكلم معاك في موضوع. سليم اتوتر وافتكر أن موضوع محمد وصلها. سليم: اتفضلي يا ست الكل. زينب: أنت و...