رواية قدري الفصل السابع 7 - بقلم حبيبه عيد

حبيبه بصريخ: ماما! هبه بتكون فاقدة الوعي ومحمد واقف مش فاهم في إيه. حبيبه ببكاء: بسرعة يا محمد ناخد ماما المستشفى بسرعة. محمد: اهدي بس في إيه؟ ليه المستشفى؟ أنا ممكن أجيب لها دكتور وهتفوق. حبيبه بصريخ: ماما عندها القلب! يلا ونبي ناخد ماما المستشفى. محمد بدموع: طيب يلا بسرعة. بيوصلوا المستشفى وبيدخلوا. محمد: دكتور بسرعة! الدكاترة والممرضين بياخدوا هبه وبيدخلوا عشان يكشفوا عليها. حبيبه ومحمد واقفين خايفين على هبه.

محمد بدموع: حبيبه، حصل لها ده إزاي؟ حبيبه: ماما مرة واحدة حصل لها كده، وأخذتها للدكتور وقالي إن هي عايزة عملية. محمد بصدمة: عملية؟ حبيبه ببكاء: آه. محمد ياخد حبيبه في حضنه وبيهدي فيها. بعد شوية بيخرج الدكتور، محمد وحبيبه بيجروا عليه. حبيبه: ماما مالها يا دكتور؟ الدكتور بأسف: للأسف يا آنسة حبيبه، والدتك عايزة عملية في أقصى سرعة. حبيبه ببكاء شديد: بس أنا مش جمعت حاجة من فلوس العملية.

الدكتور: أنا آسف بس العملية لازم تتم. وبيسبها ويمشي. حبيبه بتقعد على أقرب مقعد وهي مش عارفة تعمل إيه. حبيبه بانهيار: يا رب أنا مش عارفة أعمل إيه. في فيلا الصياد. عمر بيوصل البيت وبيدخل بيقابل والدته. عمر بابتسامة: ست الكل عاملة إيه؟ فريده بطيبة واحتضان: كويسة يا حبيبي، أنت اللي عامل إيه في الشغل والشركة؟ عمر: كويس يا ماما طول ما أنتِ بتدعيلي. فريده بحنية: ربنا يوفقك يا بني ويوعدك ببنت الحلال. عمر: يا رب يا حبيبتي.

فريده: عمر، ما فيش بنت كده ولا كده بتحبها؟ عمر بابتسامة: يا ماما هو أنا فاضي للكلام ده؟ فريده: طب أنا عندي ست البنات اللي تحبها. عمر بضحك: ويا ترى مين سعيدة الحظ دي اللي عاجبة ماما؟ فريده: ياسمين بنت خالتك. عمر: ماما لو سمحتي، أنتِ عارفة إني مش بحب ياسمين وبعتبرها زي بسمة. فريده: طيب يا حبيبي، أنا نفسي أفرح بيك وبأختك قبل ما أموت. عمر باحتضان: بعد الشر عليكي يا فري. حاضر هتجوز يا ستي وأجيب لك أحلى عروسة.

فريده: ربنا يخليك ليا يا ابني وأشوفك أسعد حد في الدنيا. عمر: يا رب يا ماما، عايزة حاجة بقى؟ أنا هدخل أنام عشان جعان نوم، تصبحي على خير. فريده بطيبة: وأنت من أهله يا حبيبي. في صباح اليوم التالي. في المستشفى. الدكتور: حضرتك العملية لازم تتم النهاردة. حبيبه ببكاء: تمام يا دكتور. محمد لحبيبه: طب هنجيب فلوس العملية منين؟ حبيبه بتفكير: أنا هجيبها. محمد: هتجيبيها إزاي؟ حبيبه بعصبية: هجيبها وخلاص يا محمد. وبتسبيه وتمشي.

عند عمر بيوصل الشركة بس مش بيلاقي حبيبه، فبيسأل الموظفين محدش يعرف. بعد شوية حبيبه بتوصل الشركة وبتدخل المكتب بسرعة بتاع عمر. حبيبه بانهيار: أنا عايزة خمسين ألف جنيه. عمر بيقوم يقف: خمسين ألف جنيه؟ ليه؟ حبيبه بعصبية: من غير ليه، أنا ممكن أكتب وصل أمانة بس عايزة الفلوس في أسرع وقت. ثم أكملت بانهيار: أنا محتاجاهم بجد، وأنا ممكن أشتغل بيهم هنا بس أنا عايزهم. عمر بتفكير: وأنا موافق بس عندي شرط. حبيبه: شرط؟ شرط إيه؟

عمر: ............ حبيبه بانكسار: وأنا موافقة.