رواية قدري الفصل الثامن عشر 18 - بقلم حبيبه عيد

الشاب كان هيضرب حبيبه بس فجأه حد مسك أيده جامد ونزلها. عمر بغضب شديد: انت قد اللي انت كنت هتعمله ده؟ الشاب بخوف حاول يبعد ايد عمر. عمر مسكه، ضربه بغضب شديد. حبيبه كانت بتحاول تهدي عمر. الجامعه اتلمت عليهم. العميد بغضب: إيه اللي بيحصل هنا ده؟ ابعدوا. في أ... عمر باشا، اتفضل. عمر بغضب: الولد ده مفيش جامعه تقبله. ثم أكمل بصوت عالي: فهمت؟ العميد بفزع: حاضر يا عمر بيه. اللي حضرتك تؤمر بيه.

عمر: شد ايد حبيبه اللي كانت واقفه بدموع ومشي. حبيبه بدموع: عمر، اهدا. ايدك بتوجعني. عمر كان شد حبيبه جامد ودخلوا العربية ومشي بسرعه شديده. حبيبه كانت بتعيط جامد وعمر بيزيد في السرعه. بعد شويه وصلوا البيت. عمر اخد حبيبه وطلعوا فوق من غير ما يرد على فريده اللي كانت بتنادي عليه. ياسمين بصت بخبث لامها وكانت فرحانه. فوق عند حبيبه وعمر. عمر شد حبيبه بغضب، وقعها على السرير ودخل الحمام ياخد شور.

حبيبه كانت بره قاعده تعيط وبتفكر ازاي تحاول تصالحه. لحد ما جتلها فكره. عمر طلع من الحمام واستغرب عدم وجود حبيبه. بس فجأه حس بحد حضنه من ضهره. حبيبه بدموع: آسفه. عمر التف لها. ونزل ايديها وسبها واخد مخده من على السرير وحطها على الكنبه ونام. حبيبه بصتله بدموع ومتكلمتش وراحت نامت على السرير وهي بتعيط. عند ياسمين وامها. ياسمين بخبث وضحكه: شفتي كان شددها إزاي؟

حنان: اه شفت. عايزاكي تتجدعي وتجيبي رجله يابنتي عشان تضمني فلوسه دي. ياسمين بخبث: أكيد يا ماما. أنا هحاول بكل الطرق أفرق بينهم. حنان: وأنا عندي ليكي فكره. ياسمين: إيه؟ قولى. حنان بضحكة خبيثة: هقولك. في صباح يوم جديد. حبيبه صحيت بتعب لأنها طول الليل كانت بتعيط. بس ملقتش عمر فعرفت أنه نزل. حبيبه قامت وكانت هتدخل الحمام بس سمعت صوت ضحك في الجنينه. فبصت من الشباك واتصدمت لما لقت عمر قاعد مع ياسمين وكانوا بيهزروا.

واللي غظها أكتر أن ياسمين لبسه لبس بيظهر أكتر ما يخفي. حبيبه دخلت الحمام بغضب واخدت شور، واتوضت وصلت، ودخلت أوضة اللبس. وكانت هتختار درس وخمار بس اخدت حاجه تانيه. بعد شويه حبيبه خرجت وقفت قدام المرايا. حبيبه بغرور: والله قمر. أحلى من البت المسلوعه دي. حبيبه حطت روج احمر وحطت توكه بسيطة في شعرها. كانت قمر. عمر كان قاعد مع ياسمين والعيله. وياسمين كانت واخده راحتها على الآخر إنها تقعد تتكلم مع عمر. حبيبه بابتسامة

وهي نازله من الدرج: صباح الخير يا جماعه. الجميع بص لحبيبه بصدمه لأنها كانت لبسه فستان قصير جدا وفرده شعرها وحاطه ميكب. فريده بابتسامة: صباح الجمال كله على أجمل بنوته. حبيبه راحت حضنتها. بسمة بضحك: إيه الحلاوه دي يا بت؟ يخربيت جمالك. حبيبه بكسوف: بس بقى. بسمة بضحك: بتتكسفي يا بطه؟ حبيبه ضربتها ضربه صغيرة وقعدت جنبها. ياسمين كانت شيطه على الآخر من جمال حبيبه وأنها أحلى منها بكتير.

حبيبه كانت قاعده جمب بسمه وبتهزر معاها هي وفريده ومدتش لعمر اهتمام اللي كان مصوب نظره عليها. بعد الفطار. حبيبه بابتسامة: أنا هدخل أعمل شاي. عايز؟ فريده: ياريت والله يا حب. حبيبه: تؤمري يا ماما. فريده بطيبة: ربنا يخليكي يا حبيبتي. حبيبه دخلت جوه تعمل الشاي. عمر: أنا هطلع أجيب حاجه من فوق وجاي. فريده: ماشي يا حبيبتي. عمر دخل جوه وراح على المطبخ على طول. شاور للخدم يطلعوا. وحبيبه مأخدتش بالها لأنها كانت بتعمل شاي.

عمر شدها بسرعه وزنقها في الحيط وحوطها بإديه. عمر بهدوء: شيلي اللي على شفايفك ده. حبيبه بصت في عينه بتمرد: تؤ تؤ. وزقته وكانت هتمشي. راح شددها تاني وبسها بعنف. بعد شويه بيبعد عنها وبيأخد نفسه. عمر: قولتلك شيليه. انتي اللي عندتي. حبيبه بصتله بغضب ومردتش. عمر: اطلعي غيري ده. وهوا بيشاور على الفستان. حبيبه بصتله ببرود واخدت الشاي وطلعت. حبيبه: أحلى شاي لأحلى ماما. فريده بابتسامة: شكرا يا حبيبتي.

وعمر خرج وراها وشدها ليه وشالها بغضب تحت صراخ حبيبه. وطلعوا فوق. عمر رمي حبيبه على السرير وقفل الباب. وقرب من حبيبه. عمر: مش عايزه تغيري الفستان؟ حبيبه بصتله بخوف وهزت راسها بلا. عمر: بقي كده تمام أوي. تعالي بقى. في فيلا الصياد. عند حبيبه قامت بتعب من النوم ودخلت الحمام وقعدت تستفرغ. حبيبه بتعب: آه. يعني يوم الفاينل أبقى تعبانه كده. اتوضت وصلت ولبست دريس أسود وخمار نبيتي. ونزلت واخدت بسمه وراحوا الجامعة.

عند عمر كان في الشركه عشان صفقه مهمه. حبيبه حضرت الفاينل. وهي خارجه هي وبسمه أغمي عليها. بسمه بخضه: حبيبه! حبيبه! فوقي! بسمه قعدت تفوق في حبيبه واخدتها للدكتور. في طريقهم للبيت. حبيبه: على فكره ملهاش لازمه. أنا كويسه أهو. بسمه: تعرفي اسكتي شويه. دورنا جه أهو. يلا ندخل نطمن عليكي. حبيبه: يلا يا أختي عشان تتأكدي إن مفيش حاجة. بسمه: مش مهم نتأكد بردوا. حبيبه: يلااااااهوي يا ناس على الرزاله.

بسمه بضحك اخدتها من إيديها ودخلوا. عند عمر وصل البيت بعد الشغل واستغرب إن حبيبه لسه مرجعتش هي وبسمه. عمر لياسمين: هي حبيبه لسه مرجعتش؟ ياسمين بحنق: لأ لسه. خد اشرب العصير ده عقبال ما تيجي. عمر: لأ شكرا. أنا هطلع أغير. ياسمين بسرعه: خد بس دي. كباية عصير يعني مش حاجة. عمر بص لها بشك. واخد العصير منها وشرب شويه. ياسمين: كملها بقى. عمر: شرب العصير وكان هيقوم بس حس بدوخة. ياسمين بخبث: تعالي وأنا أطلعك الأوضة.

عمر كان دايخ جامد ومردش عليها ومشي معاها. في العيادة. الدكتوره بعمليه: ألف مبروك يا مدام. حضرتك حامل في الشهر التالت. حبيبه بصدمه هي وبسمه. حبيبه بصدمه: أنا حامل؟ يعني أنا عندي نونو وهبقى ماما؟ الدكتوره بضحك: أه. هتبقي أحلى ماما. بسمه بفرحه: أنا هبقى عمتوا يا جدعان. وحضنت حبيبه. حبيبه بفرحه: ممكن تقرير للحمل يا دكتوره؟ الدكتوره: أكيد. تمام. حبيبه اخدت التقرير هي وبسمه وروحوا البيت وهما فرحنين.

حبيبه: كنت بتمنى أن ماما تبقى هنا عشان أفرحها. بسمه: يومين وهترجع. اطلعي يلا فرحي عمر. حبيبه: أشطا. تعالي معايا. بسمه بضحك: إيه يابنتي أنا مش مصدقه. نونو حامل في نونو؟ حبيبه بصت لها. حبيبه طلعت هي وبسمه وفتحت الباب. حبيبه: عم....... حبيبه لقت اللي صدمها. والتقرير فلت من إيديها من صدمتها.