رواية قدري الفصل التاسع عشر 19 - بقلم حبيبه عيد

فتحت حبيبة الباب ولقت اللي صدمها، والتقرير فلت من إيديها من صدمتها. بسمة بغضب: انتي بتعملي إيه هنا؟ ياسمين ببكاء مصطنع: معرفش، أنا فوقت لقيت نفسي هنا. اسألي أخوكي المحترم. بسمة: لا بجد! ياسمين قعدت تعيط. عمر فاق على الصوت. عمر وهو ماسك راسه: إيه ده؟ وإيه اللي بيحصل هنا ده؟ ياسمين: مش عارفة، انت عملت فيا إيه؟ آه يا ربي! عمر بصلها واستغرب وجودها: انتي بتعملي إيه هنا؟ وأنا عملت إيه أصلاً؟ حبيبة كانت واقفة ساكتة خالص.

عمر: حبيبة، اتكلمي! إيه؟ ياسمين ببكاء: انت اتعديت عليا! بسمة: انتي واحدة كدابة! ياسمين: وأنا هكدب في حاجة زي دي ليه؟ عمر كان هيمسك إيد حبيبة. فجأة الجميع سكت بسبب صفعة قوية نزلت من حبيبة. حبيبة بقوة: لما تحبي تلعبي، العبي على حد غيري، سامعة؟ قالت كده وهي ماسكة ياسمين من شعرها وبتشدها بره الأوضة. حبيبة بزعيق:

الأوضة دي بتاعتي أنا بس، انتي ملكيش إنك تحطي رجلك فيها، ولو فكرتي هكسرها ليكي. وبعد كده لما تحبي تلبسي حد مصيبة، ابقي فكري شوية هيتعدي عليكي إزاي، وهو أساساً لابس هدوم شغله كاملة ولسه مغيرش الكوتش حتى. يخربيت الغباء! عمر بياخد ياسمين وينزل تحت. عمر: خااالتي! يا خالتي! حنان بارتباك: نعم يا عمر؟ في إيه؟ عمر بسخرية: بجد مش عارفة في إيه! حنان بارتباك شديد: لاء، وأنا أعرف منين يعني؟ عمر: طب اسألي الهانم بنتك.

عمر سبهم واخد حبيبة وطلع. عمر وهو بيمسك إيد حبيبة: حبيبة، صدقيني أنا هخرجهم من البيت ومش هيقعدوا هنا، بس متزعليش. أنا والله ما لمستها ولا حتى كنت فايق. حبيبة شدت إيديها من إيد عمر. حبيبة برازانية وجمود: أنا مقولتش مشيهم. وبعدين ماما فريدة هتزعل. عمر: أكيد لما هتعرف حاجة زي دي مش هتزعل. حبيبة: مهما كان دي أختها. عمر: طب أعمل إيه طيب؟ حبيبة: مينفعش تمشي خالتك من البيت هي وبنتها. الأحسن تجيب لها شقة تسكن فيها. عمر:

تمام، أنا هعمل كده. حبيبة سابته ودخلت الحمام تاخد شاور تهدي أعصابها. عمر مسح على وشه وشعره: آه يا ربي، انت الاعلم بحالي. عند حنان وياسمين. حنان: كشفك إزاي ده؟ إحنا كنا مرتبين كل حاجة. ياسمين بخبث: أنا هحاول بكل الطرق أفرق بينهم. حنان: وأنا عندي ليكي فكرة. ياسمين: إيه؟ قولي. حنان: خدي ده، حطيه في العصير. ياسمين بخبث وضحكة شيطانية: يخربيت دماغك يا ماما! حنان: عيب يا بت، دا أنا أمك. ياسمين:

خد دي، كوباية عصير يعني مش حاجة. عمر أخد العصير منها وشربه شوية. ياسمين: كملها بقى. عمر شربها وكان هيقوم بس حس بدوخة. ياسمين بخبث: تعالى، وأنا أطلعك الأوضة. عمر كان دايخ جامد ومردش عليها ومشي معاها. حنان بسرعة: يلا، اقعدي هنا ونامي جنبه. ياسمين: حاضر. حنان مشيت وبعد شوية حصل الموقف كله. حبيبة كانت خرجت وقعدت تذاكر شوية وروحت على السرير ونامت، وكل ده تحت أنظار عمر. في يوم جديد.

حبيبة لبست أدناء بيج وعليه خمار أحمر، كانت قمر، وحطت كحل خلّى عينيها أجمل، وزبدة كاكاو لونها أحمر. حبيبة لعمر: أنا هروح الجامعة. عمر وقف قدامها وقرب منها. حبيبة بصت لفوق في عينيه نظراً لفرق الطول. عمر مسكها من وسطها وقربها منه. عمر بهمس في ودنها وهو بيحرك صبعه على شفايف حبيبة وبيمسح اللي عليها: ده ميتحطش وانتي خارجة تاني. حبيبة بعدت عنه ومسكت منديل ومسحت شفايفها. حبيبة بجمود: تمام، بعد إذنك عشان متأخرش. وسبته ومشيت.

تحت لقت بسمة مستنيها. حبيبة: يلا. بسمة: بصراحة، سليم قالي إنه عايزنا نخرج انهاردة. حبيبة بابتسامة: تمام، أنا هروح وأبقى أبعتلك المحاضرة. بسمة وهي بتحضن حبيبة: شكراً! حبيبة بضحك: يخربيت المصلحة اللي في دمك. أنا همشي بقى عشان متأخرش. بسمة: أشطة، تمام. صحيح، متنسيش تفطري عشان البيبي. حبيبة وهي بتحط إيديها على بطنها: حاضر. سلام بقى. بسمة: سلام.

عند حبيبة كانت بتاخد المحاضرة وهي مش مركزة خالص لحد ما بيخلص وقت المحاضرة وحبيبة بتخرج، بس فجأة دوخت جامد وكانت هتقع، بس حست بحد سندها. "انتي كويسة يا آنسة؟