رواية قدري انت الفصل الثامن 8 - بقلم اية الشامي

فنظر لها وقال: "آنسة سلمى، أنا حقيقي آسف على اللي حصل مني، وبعتذر لكِ قدام دكتور أحمد عشان ده حقك. زي ما غلطت فيكِ قدامه، أعتذر لكِ كمان قدامه. بس أنا حقيقي محتاج مساعدتك، ده حلمي يا آنسة سلمى إني أكون معيد في الكلية. ده أنا حتى أقنعت والدي الله يرحمه، ده كان بيحلم معايا وأنا عايزة أفرحه وأحققه حلمه، وعايزك تساعديني." نظرت له سلمى وتذكرت والدها ووالدتها

وهما يقولون لها باستمرار: "يا دكتورة سلمى"، وأنه كان حلمهم أيضًا أن تكون دكتورة جامعية. فدمعت عيناها، لكنها لم تطلق لهم العنان، فحبستهم في عيونها. فبدأت وكأنها لؤلؤ وتقول: "أنا فاهمة ده كويس، بس أنا مش هقدر أشتغل معاك. صدقني، معاملتك وأسلوبك وتقلبات مزاجك، أنا مش هعرف أتعامل معاهم." وهنا تدخل دكتور أحمد: "إذا كانت دي الحاجة اللي مضايقاكي، أنا أضمنهالك. ولو ضايقك تاني، تعالي وأنا هشدلك ودانه قدام عينك."

ابتسمت سلمى، ظلت تفكر أنها فعلاً محتاجة الوظيفة دي، لأن معاش والدها، أي نعم هي بدأت تأخذه، بس مش هيكفي مصاريفها ومصاريف دراسة أختها. وتنظُر لدكتور أحمد: "خلاص، ماشي يا دكتور، بس على ضمانتك." دكتور أحمد: "طبعًا، عيب عليكي." وينظر لعلي ويقول: "سمعت يا أستاذ؟ دي بنتي اللي معاك دي، وإلااا." ويضحكوا جميعًا ويقول:

"يلا بقى، عن إذنكم عشان عندي محاضرات. اقعدوا بقى مع بعض وشوفوا هتعملوا إيه. وآه، يا علي، مكتبك بغرفة المعيدين، بس لسه مش هتستلمه لأن ورقة تعيينك لسه مجتش من الإدارة." وخرجوا جميعًا. "رات إيمان صديقتها سلمى تخرج، جريت عليها وتقول لها: "إيه الأخبار؟ كان عايزك ليه الدكتور أحمد بسبب الراجل الرخم امبارح، صح؟ فتنظر لها سلمى وهي مفتحة العيون. إيمان: "انطقي، إيه القطة أكلت لسانك؟ سلمى:

"إيمان، سلمي على أستاذ علي، ها ها يتعين معيد هنا وأنا هكون المساعدة بتاعته." إيمان بتبلع ريقها وتنظر لسلمى وتتكلم بصوت خافت: "هو ده علي بتاع امبارح؟ سلمى: "آه، يخربيتك، عمالة أبص لكِ وإيه، حماره." إيمان: "الحمد لله، ضمنت إني هسقط. أهلاً يا أستاذ علي." علي: "أهلاً. مش يلا يا آنسة سلمى، ولا إيه؟ سلمى: "على فين؟ مش فاهمة." علي: "تظبطي معايا مناهج. إنتي مش سمعتي الدكتور إن جواب تعييني قرب يوصل من الإدارة، يعني مفيش وقت."

سلمى: "بس أنا عندي محاضرات دلوقتي." علي: "عارف، ودكتور أحمد هيعفيكي من الحضور، متقلقيش. وبعدين إنتي مساعدة المعيد، يعني هخليه المعيدين التانيين أو مساعديهم يديكي المحاضرات اللي فاتت. أنا اتفقت كده مع الدكتور." إيمان: "طب، أستأذن أنا بقى وأروح أحضر محاضراتي." ومشيت. وعلي مشى خطوتين وبص وراه لقى سلمى لسه واقفة مكانها. رجع ليها تاني: "آنسة سلمى، فيه حاجة؟ سلمى: "لا، بس أنا مش عارفة إحنا رايحين فين برضه." علي: "نظر

إلى ساعته وقال: بصي، أنا عندي شوية ورق أمضيه في المصنع، وبعديها ممكن نطلع على أي مكان نقعد ونشتغل فيه." سلمى: "خلاص، أنا هستنى حضرتك لما تخلص مشاويرك ونتقابل." علي: "آنسة سلمى، لو سمحتي افهميني، أنا معنديش وقت. أنا ممكن جواب تعييني يوصل في أي وقت، ولازم أكون ملم بأي جزء من المنهج عشان أقدر أبدأ شغل. فأنا محتاج لكل دقيقة، صدقيني." سلمى: "خلاص، تمام، أنا فهمت حضرتك." علي: "طب يلا بينا."

هزت رأسها بالموافقة. وصلوا لسيارة علي. وقف سلمى بارتباك أنها تركب السيارة خوفًا من كلام الناس. علي: "متخافيش، أنا قولت للدكتور أحمد إنه يقول للجميع إنك المساعدة الخاصة بتاعتي، عشان لما حد يشوفك معايا باستمرار ميفهمكيش غلط." تنظر له سلمى باستعجاب، فكيف عرف بماذا تفكر دون أن تنطق. لتركب معه السيارة. تمر دقائق ويتحدث علي: "آنسة سلمى، ممكن أسألك سؤال؟ سلمى: "اتفضل." علي: "هو حضرتك فعلاً مخطوبة لابن عمك؟

معلش هو سؤال شخصي، بس استغربت إنك مخطوبة وما فيش دبلة في إيديك، حتى في موقف المحل الملابس وقرار تعيينك دلوقتي، متصلتيش بحد تقوليله يعني." سلمى ترد بحزن: "هو فعلاً اللي شفتهم امبارح عمي وابن عمي، بس لا، أنا مش مخطوبة." ارتسمت على وجهه ابتسامة خفيفة. وتابعت سلمى: "أنا كنت عايزة أشكرك على اللي عملته امبارح. أميرة حكتلي إنك جبت دكتورة وكده، شكرًا. ولما وقفت لعمي وابنه كمان." علي:

"متشكرنيش، دي أقل حاجة كان ممكن أعملها أعوضك بيها عن سوء التفاهم اللي حصل والمعاملة اللي اتعملت معاكي بيها. بس حقيقي أنا الفترة دي مضغوط جدًا من ناحية وفاة والدي فجأة ورجوعي مصر بسرعة عشان آخد بالي من أمي، ملهاش حد غيري. وكمان أستلم شغل والدي في المصنع والمحلات، ده غير دراستي وحلمي إني أبقى معيد. وكل ده خلاني مضغوط وتصرفاتي متغيرة وعصبي أغلب الأوقات وكده." سلمى: "يااااه، كل ده؟ فعلاً الله يعينك." علي:

"ممكن أسألك سؤال تاني؟ سلمى: "اتفضل." علي: "طالما إنتي مش مخطوبة لابن عمك، ليه عمك قال لي كده؟ سلمى بتتنهد بحزن وقهر: "عشان عايز ياخد مني الشقة. الحمد لله إنك كنت عندنا امبارح، أنت أنقذتني منه على فكرة، شكراً بجد." علي: "هو اللي معوّرك كده في وشك وعاملك الكدمات دي على إيديك؟ سلمى وهي بتشد كم الشيميز تداري الكدمات وتبعد وجهها عن علي واتوترت. علي شاف توترها وقال:

"أنا آسف إذا كنت بدخل زيادة، بس الدكتورة امبارح قالت إن عندك انهيار عصبي ومتعرضة للعنف، بس عشان كده بسأل." سلمى: "هو لسه كتير عقبال ما نوصل؟ فهم علي أنها مش عايزة تتكلم عن الموضوع واحترم وقدر ده ورد: "لا، خلاص قربنا نوصل."

دقايق وكان وصل المصنع. نزل وسلمى نزلت ودخلوا المصنع. لاحظ علي أن أنظار الموظفين على سلمى، ويتهامسون عليها وعلى جمالها الملائكي، ونظرة الغيرة من بنات ليها. وحس بغضب، راح ماسك إيديها وشدها ومشى بالخطوة السريعة وهي متفاجئة من فعله ومذهولة، حتى وصلوا لمكتب علي. علي: "مدخليش حد، ومش عايز إزعاج. هاتي بس قهوة وعصير للآنسة والملفات الضرورية."

كان موجه الكلام للسكرتيرة اللي كانت مذهولة من منظره وهو ماسك إيد سلمى. ودخل وقفل الباب وساب إيديها وبص لها بكل غضب وقال: "إيه؟ مش عارفة تمشي عدل؟ لازم تدلعي وإنتي في وسط العمال؟ ولا يكون عاجبك بصاتهم ليكي؟ إنتوا كلكم واحد، كلكم زي بعض." فاق من غضبه لما سمع بكائها ونظر إليها، وجدها آية في الجمال، العيون العسلية ودموعها كأنها لؤلؤ في عينيها، وخدودها وأنفها اللي كانوا بلون الفراولة. وسرح في جمالها. رجع من

شروده على صوتها وهي تقول: "انت إزاي تتكلم معايا كده؟ ومين سمحلك تمسك إيدي وتمشي بيا كده؟ إنت شخص غريب وأنا مسمحلكش تتعامل معايا كده، مفهوم؟