رواية قدري هو حبك الفصل الرابع عشر 14 - بقلم ولاء

كريم: إحنا واقعين في مصيبة. كاظم: ليه؟ كريم: إنت عارف الواد ده يبقى ابن مين؟ كاظم: ابن مين؟ كريم: ابن اخت سمر التوأم اللي اتجوزت وسافرت بره. كاظم: يقوم من على السفرة مرة واحدة. إنت بتقول إيه؟ كريم: مش دي المصيبة. المصيبة الكبيرة إن الواد ده عمّه بيدور عليه علشان يقتله. الواد ده جده كتب له الورث كله اللي في أمريكا ومصر، وعمّه قتل أمّه وأبوه، وقتل أخوك وخطيبته علشان كان بيحاول يهرب بيه. بس معرفش يقتل حمزة.

كريم: الموضوع طلع كبير أوي يا كاظم، دي كده بقت مسألة حياة أو موت. كاظم: طيب يا كريم، أقرب طيارة وتعالى فيها. كريم: حاضر، بس المهم تأمن نفسك بسرعة. كاظم: تمام، تمام. يلا سلام. ملك: إيه فيه يا كاظم؟ إيه بيحصل من ورايا؟ كاظم: مفيش يا ملك، مفيش. هاتي كده عنوان المحامي بتاعك. ملك: ليه؟ فيه إيه؟ كاظم: هاتي بس بسرعة. (يذهب كاظم إلى مكتب المحامي) المحامي: أهلاً وسهلاً يا أستاذ كاظم، منور والله.

كاظم: أهلاً بحضرتك. المهم، مفيش وقت. كنت عايز حضرتك في موضوع مهم جداً. المحامي: ده إنت تأمر. كاظم: ..... المحامي: المهم، اعمل اللي قلتلك عليه، وكل حاجة هتكون في صالحنا. كاظم: تمام جداً، شكراً. (يخرج كاظم من عند المحامي) (نرجع للوقت اللي كان كريم هو وكاظم في المكتب) كاظم: إنت لازم تسافر حالاً. كريم: أسافر فين يا كاظم؟

كاظم: تسافر أمريكا، مكان ما الباسبور بتاع سراج كان مكتوب إنه راجع منه، وتعرف كل حاجة هناك. أنا حاسس إن فيه حاجة غلط في الموضوع. وإزاي سراج فضل مع سمر كل ده؟ الموضوع بدأ يقلقني يا كريم. كريم: طيب، ولما تعرف هتعمل إيه يعني؟ كاظم: لما يجي وقتها، ربنا هيسهل. كاظم: فهمت هتعمل إيه؟ كريم: أيوه فهمت. (الوقت الحاضر) ملك: تتصل بكاظم. ملك: الو. كاظم: الو يا ملك.

ملك: كاظم، أنا برا أنا وحمزة بنشتري شوية طلبات. لما تخلص اللي بتعمله، هتصل بيك تيجي تاخدنا، تمام؟ كاظم: تمام، حاضر. سلام. ملك: تعالي بقى يا أستاذ حمزة يا حبيبي، قولي نفسك تأكل إيه؟ (تمرح ملك هي وحمزة وتلعب معه) (يأتي كاظم ليأخذ ملك وحمزة) (منزل كاظم) ملك: في غرفة نومها هي وكاظم. ملك: قولي يا كاظم، فيه إيه؟ أنا حاسة إن فيه حاجة غلط وإنت مش راضي تتكلم معايا. كاظم: مفيش يا ملك، متشغليش بالك. ملك: يعني كل حاجة كويسة؟

كاظم: أيوه، نامي بقى. تصبحي على خير. (يأتي صباح ثاني يوم) ملك: لبستي حمزة يا دادة؟ الدادة: أيوه يا ست ملك، لبس وجايين أهو. كاظم: ملك، أنا مش هقدر أجي معاكي عند الدكتور النهارده علشان الشغل. روحي إنتِ مع حمزة، ولما تخلصي، رني عليا وأنا هاجي آخدكم. ملك: خلاص، تمام. متقلقش. (تخرج ملك وتذهب إلى جلسة حمزة) ملك: تتصل بسارة. سارة: أيوه يا ملك. ملك: سارة، معلش هطلب منك خدمة. سارة: خير يا حبيبتي؟

ملك: تعالي مع حمزة الجلسة علشان ورايا مشوار مهم. سارة: حاضر، خمس دقايق وهكون عندك. (تخرج ملك من عيادة الدكتور وفجأة، عربية سوداء تقف، تأخذ ملك) ملك: أنتم مين وواخدني على فين؟ ملك: لسه بتتكلم وتروح فاقدة الوعي من تأثير المخدر. (في مستودع مظلم) (تبدأ تفوق ملك من المخدر) : ده إنت سنتك سودة. إحنا قلنا نخطف الواد، تروح إنت جايب البت دي؟ : وأنا مالي، ما هي اللي طلعت لوحدها وسابت الواد جوه. : طيب، والعمل دلوقتي؟

هنعمل إيه في المصيبة دي؟ الباشا لو عرف هنروح في داهية؟ : ولا داهية ولا حاجة. إحنا نتصل بيه يجيب الواد وياخد المحروسة بتاعته. : والله، ولو بلّغ الحكومة هنعمل إيه إن شاء الله؟ : يا عم، لا هيبلغ ولا حاجة، اسمع بس كلامي. (منزل كاظم) كاظم: يعني إيه يا سارة؟ يعني إيه مش عارفة هي فين؟ سارة: زي ما بقولك كده، هي اتصلت بيا وبعدين جيت أنا لحمزة وبتصل بيها مش بترد عليا. والفون مقفول ومش عارفة أوصلها.

(وفي وسط الحديث، يأتي اتصال لكاظم) كاظم: دي ملك. سارة: طيب، رد بسرعة. كاظم: ملك، إنتي فين؟ : متخافش على المدام، هي موجودة وكويسة أوي معانا. بس إحنا عاوزين الواد، تجيب الواد تاخد المدام، وعليها بوسة. بس اسمع، لو البوليس شم خبر، استعوض ربنا على المحروسة. كاظم: طيب، إنتوا مين؟ (يقفل الفون خالص) كاظم: هار أسود. سارة: فيه إيه؟ ملك فين وحصلها إيه؟ كاظم: سارة، بقولك أنا عاوز منك طلب، لازم تعمليه. سارة: طلب إيه؟ قول.

كاظم: بصي واسمعي كويس..... سارة: خلاص، تمام. أنا فهمت. (كاظم يطلع على غرفته ويمسك الفون بتاعه) كاظم: أيوه، حصل زي ما إنت قلت. أعمل إيه دلوقتي؟ (يأتي ثاني يوم) كاظم عبر الفون: أيوه، عرفت المكان؟ : هتروح المكان ده، وأنا هقولك بعد كده تروح فين. المهم يكون مع الواد. أوعي الحكومة تكون عارفة حاجة، هتكون كده بتهد حياة السنيورة بإيديك. كاظم: فاهم، فاهم.