رواية قضية خلع الفصل العاشر 10 - بقلم عمرو راشد

= بلاش اللعبة دي معايا يا حمدي ، انت متعرفش انها مراتي ولا ايه = لا عارف طبعًا والا مكنتش هطلب المبلغ دا مكنتش قادر اسكت أكتر من كدا و رديت انا عليه = انت عارف يا ابن ال**** لو نادية حصلها حاجة انا مش هيكفيني فيك اهلك كلهم = الصوت دا انا عارفه ، دا صوت حسام باشا صح ، يبقا كدا المبلغ هيتغير بدل 10 مليون هنخليهم 20 مليون ، 10 منك و 10 منه ، لما تكونو جاهزين كلموني

المكالمة فصلت ، فؤاد قعد يستوعب اللي اتقال بس انا لا ، كانت اعصابي هي اللي متحكمة فيا ، مش عارف اسيطر على نفسي من كتر الغضب ، فؤاد رفع وشه و قال = هنعمل ايه يا حسام = شايف دماغك وصلتنا لفين ، نادية اتخطفت ، وانا كنت هموت قبل كدا ، انت عايز تعمل فينا ايه تاني = مش وقته دلوقتي الكلام دا ، احنا لازم نلاقي حل = حل ايه هو انت فاكر هدفعله الفلوس بجد ، مفيش مليم هيخرج من عندي عشان مش انا اللي يتعمل معايا كدا

= طب ونادية يا حسام ، ماهو ممكن يعمل فيها حاجة = ميقدرش = اذا كان هو قدر وخط*فها اصلا ، لا يا حسام أنا مش هخاطر ب حياة نادية = نادية دي انا خايف عليها اكتر منك ، بس لازم نشوف حل تاني = بقولك ايه انا مش هشوف حلول ، انا هديله اللي هو عايزه ومش عايز منك حاجة = يا غبي افهم ، اللي زي حمدي دا مش هيكتفي بالفلوس اللي هياخدها يعني اكيد هيطلب تاني ومنعرفش المقابل المرة الجاية هيبقا ايه ، بلاش يا فؤاد

= خليك انت في فلسفتك دي وانا هروح اسلمه الفلوس ، خليك هنا متجيش حاولت امنعها = استنا هنا بقولك = ابعد عني يا حسام = مش هبعد ، احنا الاتنين دلوقتي في مركب واحدة مينفعش انت تاخد قرار لوحدك وتنفذه = احنا مش في مركب واحدة ، انا رايح انقذ مراتي ، انت بقا رايح تعمل ايه = رايح انقذها منك ، مش معنى انك هتروح عشان تنقذها ف يبقا انت ملاك ، الموضوع دا هيخلص وانا وانت لينا حساب تاني على اللي انت عملته

= هو انت بتتكلم كدا و واثق من نفسك بصفتك ايه = على الاقل عمري ما أذيتها = وأنت مأذيتهاش لما اعترفتلك أنها بتحبك وانت رفضتها الكلام وقف على لساني معرفتش ارد = متعملش نفسك برئ يا حسام ، انا لو غلطت ف انت كمان غلطت = واتجوزتها ليه طالما انت عارف انها بتحبني

= كان عندي امل اخليها تحبني بس معرفتش ، نادية كانت في حضني وندهتني ب اسمك وانا عملت نفسي مخدتش بالي ، دوست على كرامتي بدل المرة مليون ، حتى لما كنا بنخرج سوا عنيها مبتنزلش من عليك ، اما بالنسبة للفيديو انا معترف اني غلطان بس انا عمري ما فكرت اني أاذي نادية بيه ، دي حاجة انا عملتها ليا انا بس بدأت اضحك = يعني انا في الاخر هطلع الشرير في الحكاية

= عارف يا حسام ، انا كنت اتمنى ان نادية تحبني ربع الحب اللي بتحبهولك دا وكنت ساعتها هقول خلاص انا اكتفيت من الدنيا مش عايز منها حاجة تاني ، انت معرفتش تحافظ عليها ولا عرفت تحافظ على الصحوبية اللي بينا ، انت خسرت كل حاجة يا حسام = انت اتجوزتها وانت عارف انها بتحبني

= سألتك ، والله سألتك وانت بنفسك قولتلي لا مفيش حاجة بينا ، ولما بقت معايا انت غيرت رأيك وجاي دلوقتي عايز تاخدها ، لا يا حسام الدنيا مش ماشية على كيفك ، انا هروح و انقذ مراتي ومعنديش كلام تاني خرجت المس*دس و رفعته في وشه = انت مش هتتحرك من هنا

كنت قاعدة في أوضة ضلمة مفيهاش أي مصدر ضوء ، الجو برد جدا ، مرعوبة و جسمي بيترعش ، مش عارفة هيحصل فيا ايه تاني ، دموعي مش عايزة تنشف ، سمعت حد جاي من برا بيفتح الباب ، رجعت ورا وضميت نفسي = الاكل يا ست الكل مردتش عليه

= على فكرة مش أنتي المقصودة بالحوار دا بس هي جت فيكي بقا ، نصيبك كدا اصل انا بقالي سنين بدور على حاجة توجع فؤاد وما صدقت لقيتك ، لا و ايه ، هتوجع حسام الهواري كمان ، أنتي عرفتي تعمليها ازاي دي ، عارفة انا لو مكانك مختارش ولا واحد فيهم ، الاتنين ولاد ستين *** ، بس انتي ذكية وعجبتيني ، لفيتي على الاتنين عشان تاخدي فلوسهم كنت لسة ساكتة ، انا حاسة اني مبقتش قادرة انطق اساسا

= طب أنتي هتفضلي ساكتة ولا ايه ، خلينا نتكلم لحد ما ييجو ، بصي أنتي لو عايزة نصيحتي خليكي مع فؤاد ، سيبك من حسام خالص ، مش تقليل من حسام والله بس هو كدا كدا هيموت ، ايوا هيموت والله هو أنتي فاكرة انه هيخرج من هنا ، حسام حبايبه كتير أوي ولما ييجي محدش هيرحمه حاولت اجمع الكلام على لساني بالعافية = اب.. ابوس ايدك متعملش فيه حاجة

= كان من بدري الكلام دا بس خلاص خلصت ، دا زي حكم الاعدام وحسام طلعله قرار الاعدام والتنفيذ فوري = هو عملك ايه طب

= عمل كتير ، انا مفيش حد أاذاني في حياتي غير حسام الهواري ، بدأها معايا لما طلق مراتي مني ، كان رافع عليا قضية خلع و قضية الخلع في بلدنا تبقا عار على الراجل ، اسمي بقا على كل لسان بس انا مهمنيش وفضلت مكمل بس عشان هو كان محامي شاطر عرف يكسب القضية ، بعدها روحتله المكتب بتاعه و هددته من غيظي والله ، انا مكنتش هعمله حاجة بس هو بعت ناس وحرقت الأراضي بتاعتي كته*ديد يعني ، حسام الهواري دمر حياتي دا غير باقي الناس اللي هو أذاهم

= طب حاول تسامحه ، مش هتستفيد حاجة لما تقت*له = باين عليكي بتحبيه ، اخترتي الشخص الغلط وحبتيه و… التليفون رن ، خرجه من جيبه = فؤاد باشا ، متقلقش الهانم معايا وبخير ، هبعتلك العنوان في رسالة دلوقتي ، تجيلي وحسام الهواري يكون معاك ، مستنيك قفل المكالمة = الاكل عندك اهو لو عايزة تاكلي ، سلام

خرج وقفل الباب وراه ، فضلت قاعدة خايفة الوقت يعدي ، عارفة انه كل ما هيجري حسام هيكون في خطر ، بحسب الوقت بالثانية بتمنى لو يقف ، معرفش عدا قد ايه بس خلاص تقريبا حسام وصل لان الباب اتفتح ، و دخل عليا اتنين رجالة و خدوني ، طلعت برا وشوفتهم ، كانو هما الاتنين واقفين ، حسام اول ما شافني كان هيجري عليا لكن حمدي ضرب طلقة في الهوا = ما ناخد فلوسنا الاول = هقت*لك يا حمدي ، اقسم بالله ما هسيبك فؤاد اتقدم خطوتين

= فلوسك اهي يا حمدي ، سيب نادية بقا = خدو منه الفلوس الرجالة جت وخدت شنط الفلوس = الف سلامة عليك يا فؤاد بيه والله ، تقريبا الواد كانت ايده تقيلة شوية = واد ميناه مانا نسيت اقولك اصل انا اللي بعتلك الواد على الشقة عندك عشان يسرقك بس غرضي الحقيقي مكنش السرقة ، انا كنت عايز اعورك بس = انا مش فاهم منك حاجة

= اصلك بعد ما بعتني ورا حسام باشا وبعدها عمل الحادثة انا فضلت مراقبك ولما شوفت الست نادية راحت بيت لوحدها ، بعت وراها واحد من عندي وبكدا هتفتكر انك انت اللي عملتها بس الواد اللي بعته رجعلي متعور ف عشان اثبتها عليك اكتر بعت على البيت عندك واحد عشان يعورك و كدا هتبان انك انت اللي عملتها و الموضوع يبعد عني خالص حسام بدأ يقرب منه = طب اخلص وكفاية رغي النسوان دا ، انت خدت فلوسك خلاص ، سيب نادية بقا

= خدت فلوسي اه ، اسيب نادية ماشي ، إنما انت هتيجي مكانها = يعني ايه = يعني جه وقت الحساب يا حسام يا هواري خلاص معادك قرب = انت اتجننت ولا ايه يا حمدي ، انت عارف بتكلم مين = عارف وعشان كدا حضرتلك حاجة تليق بيك بدأت ناس كتير أوي يظهرو من كل مكان ، عددهم كتير جدا و حاوطو المكان كله = الحبايب كلهم اتجمعو = كل دول اتجمعو عشانك يا حسام بيه ، عشان كل اللي لييه حق ياخده ، وبما انك معانا دلوقتي يبقا يلا نصفي حسابنا

ضرب النار اشتغل ، كل واحد ماسك في ايده سلا*ح وبيضرب بيه ، جريت بسرعة استخبى ورا صندوق كبير وفضلت قاعدة وراه = بترفع عليا السلا*ح يا حسام = اسمع كلامي يا فؤاد ، دي فرصتنا الوحيدة عشان نخلص منهم كلهم = يا عم أنا عايز مراتي ومش مهم الفلوس ، ياخدو اللي هما عايزينه بس المهم نادية = وأنت ضامن منين أنهم مش هيكرروها تاني = مش ضامن بس خلينا نتصرف دلوقتي = يا فؤاد عشان خاطري اسمع كلامي و أوعدك نادية مش هيحصلها حاجة

= وهتعمل ايه = اسمع بقا على الرغم من عدم اقتناعي بكلامه لكني فتحت التليفون وكلمت حمدي = بقولك ايه يا حمدي انا موافق اجبلك الفلوس واجبلك زيادة لو عايز بس تخلصني من حسام نهائي ، ومش شرط انت اللي تخلص عليه ، حبايب حسام كتير جمعهم عندك وانا هجيلك = انت تؤمر يا فؤاد بيه قفلت معاه المكالمة ، وبصيت ل حسام = كدا تمام أوي = انت واثق من اللي هنعمله دا يا حسام = احنا ونصيبنا بقا = يا حسام انت مستغني عن عمرك بس انا لام

= متقلقش انا معاك مفيش حد هيقرب منك = كدا هطمن يعني = يا فؤاد افهمني هو دا الوقت المناسب عشان نخلص من كل اللي بيهد*دونا = برضو مش مطمن = قوم انت بس جهز الفلوس = كمانهنرجع بيها متقلقش كنت لسة قاعدة ورا الصندوق هموت من الخوف ، لكن لمحت خيال شخص بيقرب ناحية الصندوق ، خطوة والتانية لحد ما ظهر ، كان فؤاد = قومي معايا بسرعة = ازاي = بقولك قوم أنا عارف طريق الخروج = طب وحسام = هيحصلنا يلا = لا مش هنسيب حسام لوحده

= يلا يا نادية مفيش وقت… فؤاد وقع على الارض من الرصاصة اللي جت في ضهره = فؤاااااد لقيت حسام جاي بيجري عليا ، قعد على الأرض = قوم يا فؤاد ، اتسند عليا هنخرج من هنا = فؤاد قوم نطق بصعوبة وهو مش عارف ياخد نفسه = خلاص يا حسام مبقاش ينفع ، خد نادية و امشي كان ضرب النار لسة شغال ، حسام قام وبدأ يبادلهم الضرب

= نادية أنا اسف ، أنا عارف انك شوفتي الفيديو بس أنا مكنتش عايز أاذيكي بيه ، والمهم انك عرفتي ان مش أنا اللي اته*جمت عليكي ، أنتي اغلى عندي من اني أاذيكي ، بحبك = فؤاد لا ، متسبنيش يا فؤاد ، بالله عليك متعملش فيا كدا مخلصتش جملتي وشوفت حسام وقع على الارض ، قومت بسرعة وجريت عليه = حسام

مردش عليا و اكتفى ب انه يبصلي وبعدها عنيه قفلت ، بصيت حواليا ، أنا لازم اهرب من هنا ، جريت بسرعة وخرجت من المكان اللي كنت فيه ، فضلت اجري كتير أوي لحد ما وصلت ل بيت اهلي ، دخلت بسرعة وقفلت الباب ورايا ، فضلت اعيط ، حسام و فؤاد ماتو ، يارب أنا مستاهلش كل دا ، ليه يحصل فيا كدا ، يارب ارحمني بقا ، ارحمني بدل التعب اللي انا فيه دا ، اترميت على السرير ، لاول مرة بتمنى الموت ، أنا خلاص مبقتش قادرة اعيش ، يااارب

بعد مرور 3 سنين = خد هنا يا فؤاد ، انت يا ولا متروحش بعيد ، ما تقوم تشوف ابنك = انتي عايزة إبراهيم الشهاوي يقوم يجري ورا عيل صغير = ابراهيم الشهاوي مين انت هتصدق نفسك = بس يا نادية أنتي اتجننتي ولا ايه = ايوا كدا اتعدل ، لازم يعني افكرك = حسام الهواري كان لازم يموت وتموت معاه مشاكله وكل اعداؤه ، صدقيني لو كان فضل عايش مكنش حد هيسيبه في حاله وخصوصا بعد ما فؤاد مات

لما لقيت فؤاد واقع وسا*يح في دمه ، محستش بنفسي غير وأنا بقوم وبضرب فيهم كلهم بالمسد*س اللي معايا ، ووسط كل دا كان لازم انفذ الخطة بتاعتي ، رجعت ورا واستخبيت ، ضربت طلقة في كتفي ، قومت وظهرت قدامهم وبدأت اكمل لحد ما وقعت عشان كل حاجة تبان طبيعية = حسام الهواري وقع يا رجالة ، حسام الهواري وقع نادية قربت عليا = حسام ، قوم معايا = متبوظيش اللي انا بعمله يا نادية ، قومي يلا ، أنا كويس

نادية جريت بعدها محستش بنفسي ، لما فوقت كنت في المستشفى ، ساعتها طلبت من المستشفى انها تقول للناس كلها و اي حد هيسأل عني اني موت ، الخبر نزل في الجرايد كلها تحت عنوان مصرع المحامي حسام الهواري في ظروف غامضة كذا حسام الهواري انتهى وانتهت كل حاجة معاه ، هبدأ من جديد ب اسم جديد ، إبراهيم سالم الشهاوي ، اتجوزت نادية ، و ربنا رزقنا ب فؤاد ، سميته على اسم صاحب عمري ، ياريت دلوقتي تكون مستريح في مكانك = بحبك يا ابراهيم

= إبراهيم ولا حسام بقا = أنا بحبك انت ايا كان اسمك ايه بعد كل اللي انا عديت بيه ربنا عوضني ب حسام و ابني فؤاد ، ربنا بيعوضنا عن اي حاجة شوفناها في حياتنا ، مهما حصل اوعى تيأس و افتكر ان العوض هيجيلك حتى لو اتأخر شوية لكن الأكيد أنه جاي ، خليك واثق في الله 💜