رواية قضية رأي عام "كبش فدا" تأليف محمد عصام الفصل السابع 7 - بقلم غير معروف

-أحنا قولنا قبل كده البت زانية وهتجلب لنا العار. -خير، مش كانت اندفنت صاحية؟ ووصلت الصورة لوالدها. -بنتك جلبت لك العار. عبدالقاسم، أبوها، كان هينجلط من الصدمة. معقولة اللي شايفه ده؟ طب مراته فين من ده كله؟ انصدم بدخول بكري ليه وهو بيقوله: -هربتها صح؟ أهي طلع كلامي صح. -اِكتم يا بكري. -بنتك فين؟ لازم نقتلها. تحرك عبدالقاسم ومسك سلاح وخرج من البيت مع بكري يبحثوا عليها. ***

كانت بتجري في الشوارع. كانت حاسة إن في حد خلفها. كانت لابسة لبس مش لبسها، ولأول مرة تمشي وسط الناس وهي كاشفة شعرها. قربت من قهوة وانصدمت لما شافت صورها في التلفزيون. كانت على قناة الحكاية لعمرو أديب. كان بيقول: -طبعاً كل يوم زي ما أنتم شايفين مشاكل الوسط الفني في تزايد مستمر...

وقضايا الاغتصاب بتزيد وبنشوف هل اللي بيتعرضوا لكده بيبقى عندهم حق ولا لأ. المهم وأنا بقلب امبارح في تويتر لقيت رقم واحد تريند "الجلاد". دخلت أشوف. ليلة امبارح ظهرت صور الدنيا قامت بعدها ما قعدت. المهم ظهرت صورة لبنت باين عليها آثار التعذيب وهي بتهرب. وللأسف البنت دي ظهرت في بيت المخرج المشهور المعروف باسم الجلاد. المهم الصورة دي اتحولت لتريند والناس انقسمت لرأيين.

-الرأي الأول وهو إن البنت بنت ليل وبتعمل كده عشان يدخلها التمثيل.

-الرأي التاني وهي بنت خدامة كان بيعذبها. بس اللي استغربناه إن البنت اختفت وده بيدل فعلاً إن البنت كانت بنت ليل وعايزة تمثل. أصل زي ما حضراتكم شايفين إن البنت لو كانت مظلومة كانت طلعت حتى أو قالت أي شيء، لكن العكس البنت مطلعتش وده حاجة بتدل إن فعلاً ربنا يستر على ولايانا. هنطلع فاصل ونرجع نناقش قضية اغتصاب بسملة حماد بطاطا الطفلة اللي تم اغتصابها على إيد أخوها وثلاثة آخرون (دي قصة لا تخبريهم لو حد عاوز يشوفها)

-يا فضيحتي يا فضيحتي. كانت بتبكي وهي بتسمع الكلام ده. معقولة. -انفضحِت خلاص. تحركت وكانت بتبكي. قربت بجانب كوبري ووقفت. بدأت تفكر. بس التفكير انتهى إن هي فعلاً لازم تنتحر وتخلص من العذاب ده. -فعلاً الحياة خسارة للي زيي. زي ما قال بكري لأبويا. الموت هو الحاجة الوحيدة ليا. بس إيدها اتحركت على بطنها وبدأت تتذكر إن هي حامل. بدأت تتحرك فيها غريزة الأمومة. -بس أنت ذنبك إيه تموت؟ ذنبك إيه؟

ذنبك إنك هتخرج مش هتلاقي لا أب ولا أم. ذنبك إنك مش هتعرف أنت ابن مين. هتعرف بس اللي شالتك في بطنها بس هتستعر منها بسبب اللي حصلها بسببك أنت. ذنبك إيه؟ تحركت بعيد عن كوبري وجلست بجانب رصيف عالي. -أنا تدمرت مرتين. المرة الأولى لما أبويا باعني لبكري. والمرة التانية يوم ما بكري أنكر إن اللي في بطني ده ابنه.

بدأت تتذكر كل حاجة فعلها بكري معاها. بدأت تفكر هل تكمل وتروح الاستديو وتطلع تحكي قصتها زي ما سمعت ولا تكمل وتهرب ولا تقتل نفسها. بدأت تقف. كانت جعانة جداً. مفيش معاها فلوس للأكل. قطعت جزء من ملابسها وبدأت تربط بطنها. -لو فضلت كده مش هعرف أرجع حقي ولا أعرف مين أبو اللي في بطني أو مين أمه، أو أنا أمه. *** أم جويرية كانت بتبحث عنها في الشوارع. -حدا شاف بتي؟ حدا شاف بتي؟ خبروني يا خلق، بتي فين؟ انت يا أخويا شوفت بتي؟

تحركت ناحية البائع وانصدمت إن صور بنتها على الجرنال وهي بدون ملابس. مسكت الجرنال. -جويرية، بتعرف تفك الخط يا خيي؟ -آه. في حاجة. الأم بدأت تستند على العربية بتاعته وهي بتبكي. -شوف كاتبين إيه. بدأ الرجل يقرأ قائلاً: -فتاة تضحي بشرفها من أجل التمثيل. -تمثيل إيه وشرف إيه؟ بتي. بدأت تصرخ وتبكي وقعدت على الأرض. -روحتِ فين يا جالبة العار لينا؟ روحتِ فين؟ *** موسي دخل كالعادة بضحية جديدة وبدأ يقرأ التعاويذ ووضع

صورتها وكتب أسفل الصورة: الجمال. تحرك ناحية التليفزيون وبدأت يشاهد الإعلاميين وانصدم بوجود الإعلامية لميس الحديدي بتتحدث. -ظهور سفاح الجيزة. ظهور سفاح الجيزة. طبعاً إحنا لحد دلوقتي الشرطة مش عارفة توصل له، ولا عارفة تعرف هو مين. الضحايا اللي اختفوا لحد دلوقتي أربعة، 3 بنات ورجل. وكل الروابط بتأكد إن اللي خطفهم ده شخص واحد. موسي قعد يضحك وبدأ يقلب القنوات. -فاضل 2 والتضحية وكده تنفتح المقبرة بالكتاب ده.

===================== جويرية اتحركت ناحية الاستديو المصري للتصوير، مدينة الإنتاج الإعلامي. بدأت تتكلم مع الراجل اللي واقف في الخارج وأخبرته إن هي الفتاة اللي الشعب كله دلوقتي بيتكلم عليها. وبالفعل دَخَّلها مذيعة في الداخل وبدأت تحكيلها اللي حصل. ===================== بكري وعبدالقاسم نزلوا القاهرة وقعدوا أمام قهوة ليتشاوروا إزاي هيلاقوها. ======================

-سلام عليكم. الليلة في مفاجأة وهي ظهور فتاة الجلاد زي ما التريند اتصدر. البنت لقيتها قاعدة في انتظاري عايزة تحكي ليا ولحضراتكم قصتها. أهلاً جويرية. -أهلاً بيكي. -اسمك كامل ومنين بالظبط؟ -اسمي جويرية عبدالقاسم عيد رمضان من ضواحي الأقصر. -عمرك قد إيه؟ -22 سنة. -أوه، لسه صغيرة.

-أيوه صغيرة خالص بس ده في نظركم أنتم، لكن عندنا في البلد البنت أول ما تتم الـ 18 سنة يبقى تتجوز. لو دخلت في الـ 20 تبقى عانس. زي ما حصلي بالظبط. أنا اتجوزت واحد عمره فوق الـ 60 سنة أكبر من أبويا. قال إيه عشان أنا عنست. واحد عمره 20 سنة عانس. في نفس اللحظة كان عبدالقاسم وبكري ليشاهدوا في القهوة البرنامج ومصدومين. تحركت المذيعة في تعجب وقالت: -إزاي عانس وأنتي جميلة كده؟ عيون خضرا ووش زي الشمس.

-القدر يا هانم، القدر. أبويا مكانش معاه يجوزني. -اممم. طب إيه اللي جابك هنا القاهرة؟ -أحكي؟ -آه احكي، اومال انتي جايه ليه؟ -جايه عشان أحكي. -احكي. -جوزي وتاج راسي ما بيخلفش. عقيم زي ما بيقول تمام؟ ... المهم جوزي بكري ده كان بيتاجر فيا. بيستخدموني عشان يفتحوا بيا مقابر فرعونية. طبعاً هتستغربي من الكلام ده بس حقيقة أنا سمعتهم وهما بيتحدثوا عني. في يوم وليلة لقيت نفسي حامل.

بدأت جويرية تتذكر اللي أهل البلد عملوه معاها وبدأت تبكي. -روحت أفرحه. قام أنكر إن حامل منه وقال إن أنا زانية. بدأت تمسح دموعها، بس مستمرة في البكاء. -أبويا بدل ما يسكتُه ويمنعه ويقوله عيب يا بكري، قام مصدق كلامه. ودفنوني صاحية. ومش بس كده، دول صلوا عليا صلاة الجنازة كمان. بدأت تحكي كل شيء حدث في نفس اليوم وإن أبوها خرجها بس بشرط يقتلوا الطفل. -نزلنا مصر أنا وأمي ورحنا مركز نسا وتوليد. عملنا الـ dmc. -قصدك الـ DNA.

-هو ده آه. في نفس اللحظة دي كان موسي ليشاهد الحلقة على التليفزيون ومندمج جداً. -قالولك إن هو أبوه صح؟ -لا. قالولي إن اللي في بطني مش ابني. -إزاي ده مستحيل. -أنتي استغربتي أهو والمشاهدين أكيد استغربوا. بس أنا مش مستغربة علشان فعلاً أنا مش حاسة إن اللي في بطني ده مش ابني. -أنتي متأكدة ياللي بتقوليه؟ -آه متأكدة. أنا حامل في طفل مش طفلي. _موسي اتعدل ووقف واتحرك بسرعة ناحية الكتاب ومسكه وبدأ يقرأ وفرح جداً.

-الضحية السابعة ظهرت! خرج بسرعة من البيت بتاعه وركب عربيته واتجه ناحية الاستديو. -طب نستقبل تليفون من دكتور نسا وتوليد يرد على الحالة دي. أهلاً دكتور وليد.

-أهلاً أستاذة هلا. البنت اللي قدامكم دي يعتبر معظم كلامها بنسبة 90% حقيقة. أنا من قيمة شهرين جاءت لي بنت خدامة وقالت إن هي حامل ومفيش حد لمسها وأنها مصدومة ياللي حصل. أنا استغربت جداً من رد فعلها ومصدقتهاش. بس لما طلبت منها تعمل تحليل DNA التحليل أثبت فعلاً إن مش طفلها. والمصيبة اكتشفنا إن فعلاً مش ابنها واكتشفنا إن الطفل ابن.... إلى اللقاء في. أم حامل في طفل مش طفلها؟ طب إزاي؟