رواية قضية رأي عام "كبش فدا" تأليف محمد عصام الفصل الثامن 8 - بقلم غير معروف

أم حامل في طفل مش طفلها؟ طب إزاي؟ -طب نستقبل تليفون من دكتور نسا وتوليد يرد ع الحالة دي. أهلاً دكتور وليد.

-أهلاً أستاذة هلا. البنت اللي قدامكم دي يعتبر معظم كلامها بنسبة ٩٠٪ حقيقة. أنا من قيمة شهرين جت لي بنت خدامة وقالت إن هي حامل ومفيش حد لمسها وإنها مصدومة اللي حصل. أنا استغربت جداً من رد فعلها ومصدقتهاش، بس لما طلبت منها تعمل تحليل DNA، التحليل أثبت فعلاً إن مش طفلها. والمصيبة اكتشفنا إن فعلاً مش ابنها واكتشفنا إن الطفل ابن الراجل والست اللي معاها في البيت. والبنت اكتشفت فعلاً إن هي مؤامرة سخيفة من أصحاب البيت لأنهم ماكانوش بيخلفوا، فبالتالي استأجروا الرحم بتاعها بدون ما هي تعرف، ودي جريمة بيعاقب عليها القانون.

جويرية اتحركت في صدمة. معقولة ده؟ طب إزاي؟ هي مش فاهمة حاجة. المذيعة ردت وقالت: -استئجار رحم صح؟ -للأسف صح. كانوا بيضعوا للبنت زي مخدر ونفذوا عليها العملية. جويرية بدأت تتذكر إن كانت بتبقى كده وكانت بيتم تخديرها كتير. قالت بصدمة: -كيف يعني فهمني؟ -استئجار الرحم وهي إن بيتم، بصي هفهمك. لو الإنسان عنده بيت ملكه وأجره لواحد وواحدة متجوزين، هل ليه إن هما لو ركبوا حاجة جديدة وهيشيلوها تاني، هتبقى بتاعته؟ -لا.

-زيك بالظبط يا جويرية. هما تم استئجار الرحم بتاعك بدون ما انتي تعرفي، ودي قضية ممكن توصل لإعدام. *** بكري كان بيشاهد الكلام ده، انصدم ووقف وصرخ في عبدالقاسم: -بنتك كدابة يا عبدالقاسم. بنتك كانت بتحب واحد في البلد وغواها. -اخرس يا بكري. بكري قعد تاني وكان خايف جداً. بدأ يهمس لعبدالقاسم ويقول: -بنتك خاطئة ولازم تنقتل. عبدالقاسم كان بيفكر، معقولة هيقتل بنته؟ بدأ يفكر. بس بكري لفظ ليه:

-لو رجعت بدون ما تقتلها، أهل البلد هما اللي هيقتلوك يا عبدالقاسم. عبدالقاسم كان صامت مبيتكلمش. بكري وقف ومسك إيده: -بينا نروح نقتلها يلا، ونرجع البلد. بالفعل عبدالقاسم وقف زي المجنون وحمل السلاح وأتحرك معاه. *** -هو بكري اللي عمل فيا كده؟ كان كل ليلة ياخدني، ويقولي تعالي معايا عند العارف، وكنت بروح وفجأة أنام... أصحي ألاقي نفسي على السرير.

-طب شكراً يا دكتور. هنستقبل تليفون تاني من العالم الروحاني أبو هشام. أهلاً بيك يا شيخنا. جويرية مبتتكلمش لأنها مش فاهمة أي حاجة. كل اللي في دماغها إن تمت الغدر بيها. -السلام عليكم ورحمة الله. أحب أبلغكم رسالة وأحب أن أختصر حديثي كل في بعض الجمل، وإن البنت دي احتمال مش مؤكد إن يكون معظم مما تقوله حقيقة. لقد

انتشرت أربع كتب مفزعة وهي: كتاب الضحايا السبع، وكتاب الأرمل الودود، وكتاب تذكرة أولي الألباب، وكتاب نايف للمراحل. هذه الكتب يتم استخدامها لفتح بعض المقابر الفرعونية باستخدام البشر. فأظن أن هذه الفتاة حامل في جان من حراس المكان، ويجب التخلص منه في أسرع وقت حتى لا يتم تدميرها وتدمير من حولها، ويخرج هذا الكائن الشيطاني من بطنها. وشكراً. -وإزاي ده؟

أنا اللي فاكرة إن كنت بحلم وأنا في تابوت فرعوني وكان فيه كاهن بيردد عليا التعاويذ ك... المذيعة قطعت كلامها قائلة: -خليكم معانا هنطلع فاصل ونرجع. اتحركت المذيعة وطلبت من الأمن فعلاً إنهم يحضروا طبيب لأخذ العينة وإظهار النتيجة على الهواء. رجعت تاني لجويرية وقالت لها بابتسامة: -متخافيش أنا معاكي. -أنا مش فاهمة حاجة... أنا أي اللي طلعني معاكي؟ أنا همشي.

-مش هينفع يا جويرية لازم تقعدي. أنا طلبت من الأمن إنهم يحضروا دكاترة وهيتم تخصيص حالتك على الهوا. لازم الناس كلها تعرف إنك بريئة. -لا أنا لازم أمشي. بكري وأبويا دلوقتي عرفوا مكاني ولو عثروا فيا هيقتلوني، أبوس إيدك يا ستي خليني أمشي، أبوس إيدك همشي. المذيعة أقنعتها وجويرية انتظرت الممرضين والدكاترة لحد ما يجوا. بعض الدكاترة كانوا واقفين فعلاً.

-أهلاً بيكم في حلقتنا الليلة. هنبدأ نعرض لكم التحليل الـ DNA على الهواء مباشرة مع كوكبة من الدكاترة. دكتور إبراهيم جامعة الزقازيق ودكتور رفعت جامعة عين شمس والقصر العيني. بدأوا فعلاً ياخدوا التحاليل من جويرية، وكل ده كان على الهوا مباشرة ومعظم أهل مصر ليشاهدوا الحلقة. =================== كان عبدالقاسم وبكري راكبين التاكسي. سواق التاكسي كان بيشاهد هو كمان اللي بيحصل من خلال الشاشة الصغيرة. عبدالقاسم انصدم:

-قال قولي يا أخ، مين اللي واقفين معاها دول؟ السواق بحزن: بيعملوا لها DNA. عبدالقاسم: وأي البتاع ده؟ -ده بيعرفوا بيه هل الطفل ابنها ولا لأ. بكري انصدم وبدأ يبلع ريقه في خوف. عبدالقاسم كان بيشاهد وهو مصدوم. بكري اتعصب وصرخ: -ما تقفل اللي يولع ده. السواق بتعصب: انت بتزعق ليه؟ انت ترضى الكلام ده يحصل لحفيدتك يا جدو؟ -واه جدو، انت اتجننت؟ عبدالقاسم صرخ في بكري: اكتم يا بكري. ****************************

الدكاترة بدأوا يستخدموا بعض الأجهزة بتاعتهم وظل الحوار ده نص ساعة. كانت جويرية بتحكي في الوقت ده اللي حصلها لما نزلت القاهرة وقابلت الجلاد واللي عامله فيها، وبدأت تظهر الجروح والعذاب اللي اتعذبته.

-وفضحني، لكن أقسم بالله أنا معرفوش ولا أعرف إن هو مخرج سينمائي. وفيه حاجة كمان، الراجل ده اللي اسمه الجلاد، كان بيلبس لبس حريمي، وبيحط حاجات حريم. أنا قعدت عنده يومين شفت فيهم الموت. أنا عايزة حقي، عايزة حقي من كل اللي ظلموني. -جويرية حقك هيرجع بإذن الله. -عايزة حقي من بكري، وعايزة حقي من أبويا. أبويا هو السبب الوحيد اللي دمرني. ===================== عبدالقاسم انصدم وبدأ يطقطق رأسه وهو بيسمعها. قام بكري هامس ليه:

-شايف؟ قولتلك بنتك جلابة العار. فضحتك ولسه هتفضحك. لازم تنقتل. =================== -طبعاً احنا بناشد المسؤولين وبناشد رجال مصر البواسل والأقوياء إنهم يساعدونا في إننا نرجع حق المسكينة. طبعاً أنا قررت أعمل قدامكم التحاليل علشان نثبت إن اللي قدامنا دي بريئة. مش هطلع فاصل إلا لما التحاليل تظهر. المذيعة فتحت تليفونها وأنصدمت إن جويرية طلعت تريند تاني مرة والكل بيناشد: #حق _فتاة _الأقصر #جويرية #استئجار _الرحم

-جويرية أنتي رجعتي تاني تريند والناس كلها معاكي. جويرية مش فاهمة يعني إيه تريند بس فرحت إن الناس معاها. نتائج التحاليل ظهرت وبالفعل طلع الطفل اللي في بطن جويرية مش طفلها والتحاليل أثبتت إن هو استئجار رحم. ================== عبدالقاسم انصدم وقال في صدمة: -يعني بتي كانت مظلومة وانت اللي عملت فيها كده؟ -واه انت اتجننت؟ انت مصدق كلام الناس دي؟ دول عالم عايزة تلم فلوس على قفا بنتك وهي بتساعدهم. صرخ عبدالقاسم

ووضع المسدس على رأس بكري: -هقتلك، انطق انت اللي عملت في بتي كده، بتي طلعت مظلومة. السواق بتعصب: إيه اللي بتعملوه ده؟ الله يحرقكم انزلوا. -أبوس إيدك يا بيه وصلني لمدينة التليفزيون بنتي هناك. -وصلنا. ترك عبدالقاسم المسدس ونزل بلهفة. في نفس الوقت كانت جويرية خارجة وخايفة من مدينة الإنتاج الإعلامي وخرجت وهي بتبكي بعد ما انتهى اللقاء بمرور ساعتين. والمذيعة وعدتها هتساعدها وطلبت منها تنتظرها تحت. انصدمت جويرية بوجود أبوها

على الطريق التاني بينادي: -جويرية، بتي، عرفت إنك مظلومة، يا جويرية. بكري نزل من التاكسي وهو حامل السلاح: -لازم تموت. جويرية أول ما شافت أبوها صرخت وبدأت تجري علشان تهرب. في نفس الوقت بكري كان ضرب بالنار.