رواية قضية شرف الفصل السابع عشر 17 - بقلم هنا حسين

عدى اسبوعين وعلاقة ونس ومريم اتحسنت نوعا ما، ودائما كانوا يصلون مع بعضهم. وفي ليلة من الليالي، فاق ونس ليصلي الفجر. ونس: مريم قومي صلي الفجر. مريم: سيبني انام وبعدين اصحى. ونس: قومي يا مريم، الشيطان مسيطر عليكي. مريم: اوف بقى يا ونس، يعني لازم لما تصحى تقومني. ونس: يعني انا غلطان اللي بقومك تصلي وتقربي من ربنا. قامت مريم وهي مبسوطة أن في حد مهتم بيها. مريم: خلاص قمت، هتوضأ وأجي نصلي سوا. ونس: تمام.

بعد شوية، طلعت مريم وشرعوا في الصلاة. وبعد الانتهاء، قرأ ونس ورد من القرآن الكريم. مريم بإعجاب: بجد صوتك حلو قوي. ونس بابتسامة: شكراً. مريم: أنا بتكلم بجد، خصوصاً أنك بتقرا بالتجويد، والحقيقة أنا ما بعرفش أقراه بالتجويد. ونس: خلاص هعلمك وهحفظك. مريم بفرح: بجد هتعلمني؟ ونس: امال يعني بكذب؟ بجد يا مريم، أن شاء الله بعد صلاة العشاء لما نكون مع بعض هحفظك. في الصباح، كان ونس بيلبس هدومه ومريم قاعدة على السرير بتوتر.

ونس: قولي يا مريم، عاوزه إيه؟ ابتسامة مريم بتلقائية لأنه حس بيها. مريم: الصراحة كنت عاوزه أقول لك على حاجة بس خايفة ترفض. ونس: مريم يا ريت تتكلمي على طول، متأخر على الشغل. مريم: كنت عاوزه أروح عند ماما عشان وحشتني. ونس: كلميها، هتيجي لك هنا. مريم: أصل جوزها رافت، تيجي هنا لو سمحت خليني أروح، مش هتأخر، حرام عليا أقطع صلة الرحم. وكملت بمرح: ولا إيه يا حضرة الشيخ؟ ونس: ههه، يعني خلاص لما ربيت أبقى شيخ؟

مريم: واحسن شيخ كمان، ها وافق؟ ونس: خلاص روحي بس ما تتاخريش، عاوز أرجع من الشغل ألاقيك في البيت. مريم: خلاص تمام. وطلع ونس وأخذ مرام معاه على المدرسة، ومريم لبست هدومها وطلعت. لقيت راجيه قاعدة هي ومهدي. راجيه: على فين كده يا ست مريم؟ مريم: رايحة عند ماما، عندك مانع؟ راجيه: لا يا أختي ما عنديش مانع، بس مش لكِ يجوز تاخدي رأي؟ مريم باستفزاز: ما تقلقيش يا حماتي، طبعاً أخذت رأي جوزي حبيبي وقال لي روحي مكان ما يعجبك.

راجيه بضيق: جالك حمى بلا حماتك أنا مش حماتك. مهدي: خلاص يا راجيه، سيبك منها. راجيه: أنت مش شايف بتكدبني إزاي؟ مهدي: روحي يا مريم مكان ما رايحة. خرجت مريم وهي بتضحك على شكل راجيه. راجيه: سبتها تمشي قبل ما آخد حقي منها. مهدي: أهدي، أنتِ ما تخليهاش تفرح فيكِ، ولا كلام هياثر عليكِ. راجيه: أنا مش عارفة ابنك ما طلقهاش ليه لحد دلوقتي. مهدي: يا ستي دول لسه ما كملوش شهرين، بعدين هيطلقها يعني هيطلقها.

راجيه: أما نشوف، أصل أنا الفترة اللي فاتت لاحظت أنهم قريبين من بعض. مهدي: حتى لو حصل، أنا مش هخلي الجوازة تكمل، هسيبك أنا وهنزل الشغل. راجيه: خلي بالك من نفسك. في البيت، كان ونس لسه ما رجعش من الشغل. واقفه في البلكونة تتكلم في الفون بعصبية. مريم: وليد بلاش اللف والدوران بتاعك ده، قلت سيبيني أفكر وسبتك أسبوعين، عاوز إيه أكتر من كده. وليد بخبث: عاوزك. مريم: أنت بتقول إيه يا حيوان أنت؟ وليد: أنت فهمت إيه؟

أنا قصدي عاوزه أقابلك وأنت بنفسك تاخد التليفون تمسحهم بنفسك. مريم: أقابلك فين؟ وليد: هبعت لك عنوان شقتي. مريم: لا طبعاً، أنت بتقول إيه؟ وليد: أكيد يعني مش هتروح كافيه، ممكن حد يشوفنا. مريم بنفاذ صبر: خلاص تمام، ابعت الزفت. دخل ونس وهي قفلت بسرعة. ونس باستغراب: مريم كنت بتكلمي مين؟ وأول ما شفتني قفلت بسرعة. مريم: ابدا، دي كانت سارة صاحبتي، وقفلت علشان خلصنا كلام. ونس: وعملتي إيه عند مامتك؟

مريم: رحت وقعدت معاها شوية ورجعت على طول. ونس: كان حد موجود هنا؟ مريم: زي مين يعني؟ ونس: يعني جوزها وحد من ولادها. مريم: لا ما كانوش موجودين، وبعدين أنت بتسأل ليه؟ ونس: بلاش أسأل مراتي يعني؟ مريم: أنا شايفه أن ما فيش داعي أنك تسألني. ونس: طب اطلعي جهزي العشا وبعدين نتكلم.