رواية خادمة العشق الفصل الأول 1 - بقلم رنا احمد

في إحدى المناطق السكنية، في منزل كمال السيد. كانت تغفو ذلك الملاك في غرفتها المتهالكة، تنام على فرش متهالك في ذلك البرد القارس. هذه الملاك تعاني كثيرًا من عمها وزوجة عمها اللذين تولوا تربيتها بعد وفاة والديها، أو بمعنًى أصح، تعذيبها. سميحة بحده وقسوة: "انتي يختي فزي قومي، ده انتي يومك أسود ومش معدي النهارده." بسمة بتعب شديد وهي ترتدي نظارتها بفزع: "فيه إيه ي مرات عمي؟ سميحة بقسوة

وهي تمسكها من ذراعيها: "عما الدبب يختي قومي يابت حضرلنا الفطار." بسمة بكسرة وتعب: "حاضر ي مرات عمي، حاضر." في المطبخ... كانت تجلس بسمة بدموع وهي تحضر الطعام، فذلك الذل أصبح لها شيئًا معتادًا كل يوم. ملك بحده: "انتي يزفتة فين الفستان اللي قولتلِك اغسليه؟ بسمة بطيبة وبراءة: "ملك أنا بنت عمك، المفروض تتكلمي معايا كويس، ليه مبنبقاش أصحاب؟ ملك بغرور وقسوة: "أصحاب أنا وانتي؟ انتي نسيتي نفسك ولا إيه؟

ده انتي حتة خدامة بنعطف عليها. خلصي الفستان وهاتيه لملك هانم." بسمة بدموع وانكسار وقلة حيلة: "حاضر ي ملك هانم." ثم أكملت بانكسار: "يارب قويني وساعدني." *** في فيلا عامر الدميري... في غرفة أمير... كان يجلس أمير على كرسيه المتحرك وهو يتابع العمل باحترافية شديدة. فلم يسمح لإعاقته أن تعوقه في أي شيء، فهو أصبح برغم كل الظروف أمير الدميري من أكبر رجال الأعمال. ليقاطعه عامر والده. عامر بابتسامة: "صباح الخير ي أمير." أمير

بجدية وهو منهمك في عمله: "صباح النور ي بابا." عامر بجدية: "بقولك إيه ي أمير، إيه رأيك في بنت عمك كمال، مدير الحسابات؟ أمير بضيق شديد من تلك الفكرة: "بابا من فضلك، أنا مش عايز أتزوج، وحتى لما أعوز مش هتكون بالطريقة دي." عامر بعصبية: "امال بأي طريقة إن شاء الله؟ بنت كمال عرفنها وهي عارفة كل ظروفك ومستحيل ترفض."

أمير بغضب جحيمي: "وطبعًا مش هترفض لأنها واحدة رخيصة، كل همها هي وأبوها الفلوس وبس. بس أنا بقا مش كده ومش هنولها لأهي ولا أبوها الشرف ده." عامر بغضب شديد: "طب قسما بالله ي أمير متصغرني، بعد ماكلمت الراجل، انت حر فاهم؟ أنا لو سبتك كده هتضيع نفسك." بدر بابتسامة حنونة: "سلاموا عليكم، إيه مالكم صوتكم عالي ليه؟ عامر بضيق وعصبية: "تعال ي بدر شوف أخوك اللي عايز يدفني بالحيا بعمايله."

أمير بضيق: "كل ده علشان رافض أتزوج البنت دي." عامر بغيظ: "لا مش بس علشان البنت دي، علشان رفضك أصلاً ي ابني، افهم، انت محتاج واحدة جنبك، انت شاب ومش صغير. كل راجل منا لازم هييجي وقت ويحتاج ست في حياته، وإلا لو مفيش زوجة يبقى فيه الحرام ي سي أمير، وده طبعًا نهايته سوداء." بدر بعبوس: "استغفر الله العظيم، إيه اللي بتقوله ده ي بابا؟ إحنا عمرنا ما نعمل كده، ربنا يبعدنا عن الحرام."

عامر بعصبية: "عقل أخوك ي بدر، واعمل حسابك إننا هنروح للبنت دي بليل علشان نخطبها." أمير بهمس وتوعد: "ده مستحيل يحصل، مستحيل واحدة طماعة ورخيصة زي دي مستحيل تاخد الشرف ده أبدًا." بدر بابتسامة: "إيه ي أمير مالك بس؟ مش يمكن البنت تكون لطيفة وتحبها؟ وبعدين الجواز نص الدين ي حبيبي." أمير بسخرية: "طب ومبتقولش الكلام ده لنفسك ليه ي سي بدر؟ بدر بوجع ودمع: "أنا مستحيل المس غيرها ي أمير، كل ستات العالم متحرمين عليا من بعدها."

أمير بحنان: "بدر سلمي خلاص، ماتت. انت لازم تتخطى العقبة دي وتعيش حياتك حتى علشان خاطر حياة بنتك." بدر بابتسامة ليخفي ألمه: "المهم خليك في موضوعنا، طبعًا هتروح للبنت دي." أمير بتوعد وخبث: "هروح علشان خاطر بابا بس، مستحيل أتمم الجوازة دي أبدًا." *** من داخل الجامعة... كانت تجلس بسمة بدمع، فكانت الفتيات ينظرون إليها بسخرية شديدة من ملابسها ومظهرها، هي وصديقتها عفت الذي تعاني أيضًا.

عفت بابتسامة وحنان: "صباح الخير ي بسمة." بسمة بدمع يتلألأ في عينيها: "صباح النور ي عفت." عفت بحزن: "برضه مرات عمك؟ بسمة بوجع على حالها: "أنا مخنوقة أوي ي عفت، بقيت عايشة زي الخدامين، ويمكن الخدامين أحسن كمان، طول عمري ذل ومهانة." عفت بحزن على حالها: "ومين سمعك؟ فيه ناس مكتوب عليها الشقاء طول عمرها ي بسمة، إحنا من الناس دول." بسمة وهي تمسح دموعها: "قوليلي عاملة إيه مع جوز أمك؟ عفت بوجع وكسرة ودموع: "هعمل إيه؟

حيوان في الرايحة والجاية يمد إيده عليا بطريقة قذرة وأنا بصده على قد ما أقدر، مبنامش ي بسمة، قسما بالله مبنام من الخوف، خايفة أخسر نفسي أكتر من كده، وأمي مش همها أي حاجة وزي ما يكون سحرلها مبتصدقنيش في أي حاجة." بسمة بألم وحسرة: "واضح إننا فعلاً ملناش حظ ولا حد يساعدنا ويقف جنبنا." عفت بابتسامة حانية: "معانا ربنا اللي أقوى من الكل." بسمة بدعاء: "ونعم بالله." *** في شقة كمال...

كانوا يجلسون وهم لا يصدقون من تقدم لخطبة ابنتهم، فهو أمير الدميري. سميحة بطمع: "مش ممكن ي كمال! أمير الدميري مرة واحدة! ملك بضيق: "إيه ي أمي فرحانة كده ليه؟ ده مشلول." كمال بغضب: "اكتبي ي بت، ده يحتكم على فلوس تشتري بلدك كلها." سميحة بحده: "اسمعي ي بت، انسي الكلام الأبلة ده خالص، وحسك عينك تنطقي بكلمة كده ولا كده قدام الراجل، فاهمة؟

ملك بغرور وطمع: "وماله، ده مشلول يعني مفيش منه قلق، بس هعمل بفلوسه اللي أنا عايزاه كله." كمال بحده: "المهم تظبطوا كل حاجة انتوا والبت بسمة، عايز البيت يلمع، فاهمين؟ سميحة بقسوة: "فاهمين، واحنا نتعب ليه واحنا عندنا خدامة." *** في شقة كمال ليلاً... في المطبخ... كانت تجلس تلك المسكينة على الأرض وهي تحاول التقاط نظارتها الذي دائما تسقط منها بوسعها الشديد، فهي نظارتها ضعيفة للغاية.

سميحة بقسوة: "انتي ي بت قومي من الأرض يروح أمك، ورينا خلصتي الشغل ولا لسه." بسمة وهي ترتدي نظارتها: "أيوه أيوه ي مرات عمي، خلصت." ملك بغرور: "انتي ي بت ي خدامة، كويتي الفستان بتاعي ونضفتي أوضتي." بسمة بكسرة ودمع: "أيوه ي ملك." ملك بغضب: "ملك حاف؟ جرا إيه ي بت، انتي نسيتي نفسك ولا إيه؟ انتي حتة خدامة فاهمة؟ سميحة بغضب: "اسمعي ي بت، روحي نضفي الحمام، عايزاه فلة، ياما انتي عارفة اللي هيجرالك."

بسمة بدموع وألم: "حاضر، من عنيا." سميحة بخبث: "يلا ي بت، اجهزي، العريس قرب يوصل." ملك بغيظ: "ي ساتر، الحلو ميكملش، بس لو مكنش مشلول." سميحة بغضب: "مشلول بس عنده ثروة قد كده يروح أمك، ده بيلعب بالفلوس لعب، اعقلي ي بت ويلا." ملك بطمع وغرور: "عندك حق ي ماما، مش مهم هو إيه، المهم هيركبني عربية آخر موديل وأتنطط بقى على أصحابي يس." في الأسفل... كانت تجلس ذلك الملاك بدموع وحزن وهي تمسح دموعها ببراءة.

"أنا عملت إيه ي ربي في حياتي علشان أشوف كل ده ذل ومهانة، وأتحرم من أبويا وأمي مع بعض، وأعيش خدامة لعمي ومراته وولاده؟ يلا الحمد لله على كل حال، أما أقوم أنضف الحمام." مساء... كانت تجلس ملك ووالدتها بغرور، ولما لا وهو أمير الدميري. كمال بسعادة لا توصف: "أهلاً وسهلاً ي أمير باشا." بسمة ببراءة وطيبة: "اتفضل ي باشا القهوة." كمال بغضب: "خلاص ي بت، يلا غوري." أمير بحده وهو يجلس على كرسيه المتحرك: "انت بتزعق فيها كده ليه؟

ملك بغرور: "حته خدامة، عايزنا نكلمها إزاي إن شاء الله." بسمة بدموع وألم: "تشكر ي سعادة البيه، عن إذنكم." أمير بحدة وهو يضع أمامه مبلغًا كبيرًا من المال: "اتفضل." كمال بطمع: "من يد مانعدمها ي باشا، كل ده مهر ملك بنتي." أمير بجدية واستفزاز: "لا، ده مهر الخدامة اللي هتكون مرات أمير الدميري." الجميع بصدمة: "نعممم."