رواية خادمة الوحش الفصل الأول 1 - بقلم سارة محمد

سندس بصدمة: فين؟ لا يا عم زكريا مستحيل أروح هناك. كفاية الكلام اللي سمعته عنهم في البيت اللي كنت بشتغل فيه. زكريا برجاء: وافقي يا بنتي بالله عليكي. سندس: لا يا عم زكريا، أنا عندي عيال عايزني أروح اشتغل عند ناس مش بترحم. غلطة صغيرة يطيروا فيها رقبتي. زكريا: طب والعمل إيه؟ دا لو مفيش خدامة راحت القصر بكرة بالكتير رقبتي هطير. أعمل إيه بس. سندس بتفكير: اسمع يا عم زكريا، روح أنت شوف شغلك وأنا هتصرف. زكريا: إزاي يا سندس؟

سندس: النهاردة آخر النهار هشوفلك واحدة. زكريا: ماشي. عند بطلتنا ليلي. الباب يدق. ليلي: أيوا جاية أهو. ليلي: خير يا عطية؟ عطية بخبث: إيه يا ست ليلي، الإيجار فينه ولا مش ناويه تدفعي؟ ليلي: قولتلك آخر الشهر دا وفلوس هتكون قدامك أمين. عطية: وماله، نستنوا لآخر الشهر. مع إنّي قولتلك ممكن تقعدي هنا من غير ولا مليم واحد. ليلي: قولتلك فلوسك هتكون عندك آخر الشهر. يلا من هنا يا راجل أنت.

عطية: أنتِ اللي خسرانة بس اسمعي، لو ما دفعتيش آخر الشهر دا تلمي جاحتك وتمشي من هنا. ثم مشى. ليلي وهي تغلق الباب قائلة: راجل ملزق أعوذ بالله. الباب يدق مرة تانية. ليلي: يوووه، الراجل دا مش هيتهد بقي. اوف. ثم تفتح الباب. ليلي بابتسامة: سندس، تعالي ادخلي، ادخلي. سندس: ما بتسأليش، قولت أسأل أنا. عاملة إيه يا بت؟ وحشتيني. ليلي: والله أنتِ أكتر يا حبيبتي. عاملة إيه والعيال عاملين إيه؟ سندس: الحمد لله يا حبيبتي بخير.

ليلي: تشربي إيه؟ سندس: لا مش عايزة حاجة. عايزة، في موضوع كده. ليلي: خير إن شاء الله. سندس: جايلك في شغل. ليلي بفرحة: شغل إيه؟ سندس: في بيت عايزين خدامة. ليلي: ياريت، امتى وفين؟ سندس: هقولك... في هذا القصر الراقي. في غرفة يغلب عليها اللون الأسود يرقد هذا الرعد. وخارج هذه الغرفة يقف هؤلاء الوحوش الثلاثة بتوتر. فارس: مين هيضحي ويدخل يصحيه؟ أدهم: أنا مش داخل. أدخل أنت.

فارس: ولا أنا داخل. أنا لسه واخد علقة موت امبارح، مش ناقص أنا. أدهم نظر لجاسر قائلاً: وأنت يا بارد. جاسر نظر لهم بسخرية ثم فتح الباب ودخل. فارس: بطل يا بني، والله بطل. أدهم: فكرك هيطلع عايش؟ فارس بتفكير: ما أعتقدش. في الداخل. جاسر: رعد، رعد قوم. رعد وهو يسحب سلاحه من تحت المخدة ويواجه ناحية جاسر قائلاً: أنا مش قولت محدش يصحيني. جاسر: في مشكلة. رعد: مشكلة إيه؟ جاسر ببرود: الرجالة اتمسكوا بالبضاعة.

رعد بغضب: وأنتو كنتوا فين؟ جاسر: قوم بس كده خلينا نتكلم ونشوف حل. ثم تركه وخرج. في الخارج. فارس: قالك إيه؟ جاسر لم يرد وتركه ونزل لأسفل. أدهم: أحيانا ببقى عايز أطلع سلاحي وأفضيه في دماغ البارد دا. فريزر، ماشي يا جدع. فارس: ابننا هنعمل إيه؟ ابننا لازم ونتحمله. ثم نزلوا خلف جاسر. أمام بوابه القصر. ليلي بالانبهار: يانهار أبيض، دا كله قصر كده من بره. أومال من جوه عامل إزاي. قالت جملتها وجاءت تدخل، أوقفها الحارس قائلاً

بغضب: رايحة فين يا بت أنتِ؟ ليلي: أنا الخدامة الجديدة. الحارس: خليكي هنا، هعطي خبر للبوص. ليلي: وماله يا أخويا. بعد قليل جاء الحارس قائلاً: ادخلي. دخلت ليلي قائلة: يا حلوة يا ولاد، إيه الجمال دا. ثم دقت الباب. فتح لها فارس قائلاً: أنتِ الخدامة الجديدة صح؟ ادخلي، ادخلي. ليلي دخلت وفضلت متنحة، فهي تقف الآن أمام ثلاثة رجال في غاية الوسامة. أول من تحدث أدهم قائلاً بابتسامة: الله، نسوان عندنا في القصر. يا جماله.

جاسر: أنتِ اسمك إيه؟ ليلي: اسمي ليلي. فارس: طيب يا ليلي، المطبخ على إيدك، آخر الممر دا. أعملنا الغدا. ليلي: حاضر. ثم ذهبت باتجاه المطبخ. نتعرف على شخصيات. رعد: شاب وسيم 30 عاماً، قاسي، عصبي، مجنون. هوايته سفك الدماء. لا أحد يقوى على الوقوف أمامه من كبار رجال الأعمال في العالم. جاسر الفريزر: شاب وسيم، لا يقل وسامة عن رعد. قاسي، بارد جداً. أقرب واحد لرعد. 30 عاماً. شريك رعد.

أدهم: أيضاً شاب وسيم جداً، مرح جداً، ولكنه حين يغضب يتحول إلى شخص آخر. 30 عاماً. شريك رعد وجاسر، ولكنه زير نساء. فارس: طيب بالنسبة لباقي الأبطال. وسيم 30 عاماً. مرح، يحب الضحك والهزار، ولكن عند الجد اهرب من قدامه أحسن. شريك رعد. ليلي: 25. بنت بسيطة جداً، طيبة وجميلة جداً. مرحة جداً. يتيمة. تخرجت من كلية الحقوق.