رواية خادمة الصقر الفصل الحادي والأربعون 41 - بقلم يوستينا سامي

في اوضه معاذ قمر كانت بتلبس معاذ البدله اللي شبه بدله صقر بالضبط. معاذ بستعجال: يلا يا قمر بقى خليني اخلص بسرعه عشان اروح لخالد اخليه يعملي شعري هو قالي هيعملهولي زيه وانا عايزه ابقى شبه خالد. قمر بابتسامه: ما انا بلبسك البدله اهو وبعدين قولي بقى انت بتحب خالد ولا صقر اكثر وايه اللي خلاك ترضى عليهم بسرعه دي.

معاذ: انا باحبهم هم الاثنين لكن كنت باحب خالد اكثر بس صقر بقى يلعب معايا وابقى يجيبلي حلويات كثير وبقى ياخذني في حضني وهو نايم. قمر بصتله بحبه: يا حبيبي يا معاذ والله العظيم انت عسل .. خد بوسة قولي بقى ايه اللي خلاك ترضى عليهم. معاذ: اصل هما اتصالحوا انا شفتهم بيكلموا مع بعض كثير وخالد قالي و وعدني ان هو مش هيضر*ب بابا ثاني وانا صدقته تفتكري بيكذ*ب عليا يا قمر.

قمر بحز*ن: اكيد ما بيكذ*بش انا عايزه اطلب منك طلب عايزاك تتعود تقول لصقر يا بابا وتقول لخالد يا عمي ايه رايك. معاذ حط يده على راسه بدا يفكر: اشمعناا انا باحب اقول لهم باساميهم. قمر حضنته: لو انت عايزهم يقربوا من بعض اكثر فكرهم طول الوقت ان هم اخوات. باقولك ايه عايز اسالك سؤال شائك بالنسبه لي. معاذ ضحك: يعني اي سؤال شاجج دوت.

قمر بضحك: يعني مهم .. هو انت عمرك ما اتلخبطت ما بين خالد وافتكره بابي اصلي بصراحه الاثنين توام. معاذ قعد يضحك: لا ما باتلخبطش بينهم. كنت بعرفه صقر من صوته .. وعلشان هو دائما بيقولي يا معاذ لكن خالد بيقولي يا زيزو انا كنت اول ما اعرف ان هو صقر كنت بست*خبي تحت البطانيه واعمل نفسي نايم. قمر بحز*ن: طيب يا حبيبي انا لبستك البدله اهو يلا بقى روح لخالد يعملك شعرك. ...

واول ما خرج معاذ من الاوضه بدات قمر تطلع الورق بتاعها و تكتب الخواطر و بدات تقراها بصوتها. (قلبي تأ*لم كثيرا منك و احتر*ق من نيرا*ن وبرودة قلبك هذه ..ولكن الآن أغلقت علي قلبي مفاتيح هذا الحب المؤ*لم هنساك ولم اذكر اسمك مره اخري. بالفعل احببتك ..ولكنك جعلتني اخا*ف منك اكثر من حبي لك .. وداعا يا وهم قلبي) واول ما قمر خلصت قراءه الخواطر بتاعتها لقيت صوت بيقول: طب وربنا كذ*ابه انت بالذات بتحبيه وعمرك ما هتنسيه يا ست قمر.

قمر بصت وراها و اتصدمت: يا خبر يا خالد .. انا بجد لولا اني سمعت صوتك و طريقتك كنت افتكرت صقر .. انت عارف اخر مره شفتك فيها لابس بدله كانت من امتى. خالد ضحك: قلبك ابيض بقى .. اصل الاستاذ صقر باشا قالي لو سمحت انضف بقى مش معقول خالد الحديدي يبقى رايح الفرح لابس جاكيت عادي مش بدله سنيه ..فجابلي البدله و صمم البسها.

قمر بضحك: بصراحه عنده حق .. بس خالد انا مش مصدقه الشبه اللي بينكم والله العظيم .. لولا انك دخلت اتكلمت كان ممكن تعمل فيها صقر عادي جدا. خالد بحماس: تصدقي شجعتني هاعملها في نغم هي لسه ما شافتنيش على فكره. ... وما بيتكلموا دخلت نغم وهي لابسه فستان ابيض وكان شكلها تحفه وخالد كان منبهر لان هو كان اول مره يشوفها لكن اتصدم اول ما قالت. نغم: ازيك يا صقر بقولك هو انت مينفعش تقول لحبيبة انها متجيش معانا.

قمر ضحكت جامد: مش قلتلك والله ما هتعرفك يا ابني. نغم بستغراب: ايه بتضحكي ليه ..هو في ايه. خالد بدهشه: يا نهار ابوكي يا اسود وكمان بتسالي. قرب منها ومسكها من شعرها: انت بتهزري يا نغم انا خالد يا نهار اسود مش عارفه صوت جوزك. نغم بدهشه وبدات تمسك البدله بتاعته باعجاب: الله يا خالد شكلك في البدله التحفه انا افتكرتك صقر في هيبته والله .. واو بجد لا لوك صقر عامل شغل. خالد في اللحظة دي ز*عل منها وسكت شويه.

وقالها: واو عشان شبه صقر ولا واو عشان بلبس زي صقر ولا هو عشان ايه بالضبط ..عموما انا لازم انزل علشان الشباب مستنية تحت. قمر بحز*ن: مهما اتصالحوا هو واخوه هتفضل العقده اللي جوه خالد .. وانت ما شاء الله عليك دوست على العقده جامد .. يلا بقى انزلي عشان تلحقي فرح معاهم. ونزلت نغم الجنينه معاهم وما كانتش عارفة تصالح خالد ازاي وخصوصا ان هو كان زعلا*ن بجد. _عساف كان قاعد في المكتب وحاطط راسه بين يديه.

علشان ما يسمعش حوار كريم مع ياسمين. كريم: انا باقولك باحبك وعايزك ومستعد اعمل اي حاجه في الدنيا افهمي بقي يا ياسمين مش عايز استعمل معاكي الع*نف. ياسمين بحزن: ايه عايز تضر*بني ولا يمكن تطلبني في بيت الطاعة علشان ارجع اعيش مع واحد مش طايقاه .. يا اخي ده انا مش طايقة حتى ابص في وشك.

كريم بعصبيه: لو وصلت ان انا اضر*بك عشان تفوقي لنفسك هاعملها ..ياسمين متخلنيش اعمل حاجه انا وانت نندم عليها بس طلاق مش هاطلق ورحمه ابويا اللي باعمل كل حاجه عشان يرتاح في تر*بته انا مش هاطلقك. ياسمين بدمو*ع: وانا وغلاوه ابويا اللي انت حب*سته جوه بين اربع حيطان يا كريم مش هارجعلك وابعد عني بقى انا مش عايزه اشوفك ثاني.

عساف: ما بس بقى انت وهي رغي رغي .. يخربيت كدة .. بقولكم ايه ده قسم مش كافيه عشان تفضلوا تتصالحوا فيه يلا احنا اتاخرنا اصلا على الفرح يا كريم يلا بينا. كريم: بلا فرح بلا قرف انا مش رايح اصلا فرح يوسف ده انا مش طايق اشوف وشه بيفكرني بجابر بالضبط. ياسمين بعصبيه: ما تجيبش اسم ابويا انت سامع ولا لا واحترم نفسك. .

كريم: طظ فيكي و فيه و اللي عندك اعمليه يا ياسمين يا بنت جابر و وش الطيبه و الحنية اللي بقالي اسبوع بكلمك بيه انسيه انت هتروحي معايا دلوقتي حالا. وكريم مسك يد ياسمين بالعا*فيه وخرجوا بره القسم وعساف اخذ موبايله ومفاتيح وخرج من القسم هو عمال يبرطم ويش*تم فيهم. _في الجنينه. صقر بيبص في الساعه: جرى ايه يا عم خالد ايه يا جوز الاثنين فين مراتك اتاخرت قوي واحنا تاخرنا على فرح.

خالد: قالتلي نازله دلوقت بس انت ممكن تاخد معاذ و نانسي وجاسر ونغم وتمشوا وانا هاستني حبيبه اول ما تنزل هاخذها واجي. نغم: لا طبعا ما يو*لع الفرح انا معاك يا خالد بس انا رايي طالما اللي اسمها حبيبه دي مش بيحترم مواعيدها يبقى ما تستاهلش اننا نستنيها. نانسي بملل: اوف حقيقي انا مش متخيله فرح يوسف اللي هيحضره اكبر رجال الاعمال حقيقي هيلم ناس غريبه. نغم بحده: عندك حق يا اختي والله هيلم فعلا ناس مقش*فه كثير.

نانسي: ايه ناس .. بجد ييع باحس ان خالد كل مره بينقي واحده ومستواه بينحدر اكثر بجد. صقر بحده: ما لكيش دعوه يا نانسي خليكي في حالك ..خالد باقولك ايه ابقى اجيب مراتاتك الاثنين وحصلنا عشان الموضوع بوخ قوي. وفعلا صقر مشي هو وابنه ونانسي. و بعده خالد و نغم و حبيبة. _في بيت كريم كريم ز*ق ياسمين جامد جوه الشقه وو*قعت على الارض جامد.

ياسمين بو*جع: صحيح بني ادم مت*خلف و هم*جي انت فاكر انك هتقعدني معاك بالعافيه. . انا عندي اني اموت نفسي ولا اعيش مع واحد زيك كذا*ب خا*ئن. كريم بحد*ه: انا لا كذ*اب ولا خا*ئن لما يبقى و مش هتنازل عنك يا بنت جابر ولو ايه حصل. انا ايوه غلطت لان تجوزتك اصلا لانك شبهه ما عندكيش ضمير وما بتعرفيش تشهدي شهاده حق.

بس برده مش هاسيبك انا مش مجبر اعيش باقي حياتي حز*ين ومو*جوع عشان انتي بعيد عني عشان باحبك .. فعلشان كدة هتفضلي قاعده معي. ياسمين بصد*مه: انت مجنون يا ابني والله العظيم مجنون .. طب بصي يا كريم انت بجد لو بتحبني رجعلي بابا انا عارفه ان هو اذا*ك بس ده ابويا يا كريم والله لو عملت كدة هسامحك. كريم: هو انت فاكره ان انا حبس*ت ابوك او تبلي*ت عليه انا كل اللي عملته اني اخذت اللي بيعمله و بلغ*ت عنه يعني انا ما ظلمتو*ش افهمي.

ياسمين قاعد على الكرسي. وفضلت تع*يط جامد: يعني خلاص خلصت بقيت يتيمه لا عندي ام ولا اب حتى البني ادم الوحيد اللي حبيته ليه كده يا ربي بس. ياسمين فضلت تع*يط جامد وكريم قرب منها حاول يحط يده على كتفه ياسمين: والنبي اسمعي بقي انا مش هاقدر استغنى عنك. بس ياسمين قامت بكل القو*ه وبدات تضر*به جامد في كريم وتز*عق بصوت عالي: لا قدرت يوم ما فكرت تعمل كدة في ابويا انت خو*نت ثقتي.

عملتها ازاي يا جا*حد كنت جنبك و في حضنك و كنت بتمسح دمو*عي وتقولي انا امانك وحمايتك وانت اللي كسر*تني. انت كذا*ب زيك زي كل الناس اللي دخلوا حياتي انت زيك زي يوسف كلكوا كذ*ابين .. كريم بصدمه: يوسف يوسف مين ..ياااااسمين. وفجاه ياسمين و*قعت على الارض اغمى عليها وكريم ناحيتها وشالها وحطها على السرير وطلب لها دكتور. _في الفرح. نغم: ما تيجي نرقص بقي .. و حياتي عندك يا خالد.

خالد بحده: لا تحبي اناديلك صقر ترقصي معاه اصله احسن مني بكتير و حتي .. نغم حطت ايديها علي بوقه: ما تقولش كدة بقي والنبي يا خالد ده انا بموت فيك انت .. ما صقر كان متلقح قدامي .. انا اصلا مستغربة ليه قمر بتحبه كدة. انا اسفة بقي .. النبي لتضحك يا كوكو. خالد ابتسم: وربنا مجنونة بس بعشق جنانك ده. تعالي بقي نرقص قبل ما حبيبة تطب علينا. وفي نفس الوقت اللي خالد بيرقص فيه مع نغم ومبسوط جدا.

حبيبة كانت ماسكه التليفون وواقفة عند الحمامات بعيد عن الناس وعماله ترن عليه بس هو ما كانش عارف يرد. وفجأة سمعت صوت صقر بيقول لها: ما تحاوليش كتير تكلميه، لأن هو مش هيرد عليكي. أصله واقف وسط المعازيم، ما انتي عارفة بقى النهارده فرحه. حبيبة بخوف: انت بكلم على مين يا صقر؟ ده أنا كنت برن على واحدة صاحبتي، يعني كنت عايز أسأل على حاجة. صقر ابتسم وقرب منها: والله؟ ده أنا ظلمتك بجد.

أصل أنا كنت متأكد إن ليكي علاقة بيوسف، علشان كده عرفت آخد الموبايل منه من غير ما ياخد باله. وللأسف بقى اتأكدت، لأنك عمالة ترني عليه مش على صاحبتك. شفتي بقى إن الكدب آخره وحشة أوي يا حبيبة. حبيبة بدأت ترجع لورا بخوف: انت عايز إيه مني؟ وبتقرب كده ليه يا صقر؟ عارف لو خالد عرف... صقر بضحك: بس بس، ليه الخوف ده كله؟

أنا باقرب عشان عايز أتكلم معاكي من غير ما حد يسمعك. أصل أنا هاتجنن، بتكلمي يوسف وكنت شاكك إنك وسخة وتعمليها، لكن بتكلمي جابر ليه؟ هو انت ما تعرفيش إنه في السجن؟ وفجأة صقر ضرب حبيبة بالروسية في دماغها، وقعت على الأرض.